طلاب كلية التجارة جامعة بورسعيد Students of the Faculty of Commerce, Port

13/08/2026

الاوراق المطلوبه

11/08/2026

ألف مبروك لأبطال الثانوية العامة! 🎓✨
تم بحمد الله الإعلان عن نتيجة المرحلة الأولى من التنسيق، وخطوة جديدة وبداية مرحلة ممتعة في حياتكم الجامعية.
لكل إخواتنا المقبولين في المرحلة الأولى، عملنالكم جروب الدفعة عشان نكون مع بعض خطوة بخطوة، ونعرف كل التفاصيل الخاصة بالأوراق المطلوبة، المواعيد، والسكن، وكل اللي هتحتاجوه في الفترة الجاية.
👇 انضموا لجروبنا من اللينك ده:
[https://chat.whatsapp.com/JxQvm7zMeLQ5fs8eQi3gw2]
شير للبوست ومنشن لأصحابك اللي في المرحلة الأولى عشان ينضموا للجروب.. ومن نجاح لنجاح دايماً يا شباب! ❤️🚀

09/08/2026

🎓 طلاب الفرقة الأولى – كلية التجارة – جامعة بورسعيد (دفعة 2026/2027) 🎓
أهلاً بكم في كليتكم الجديدة! ❤️
علشان نسهل عليكم متابعة كل ما يخص التقديمات، المواعيد، الكشف الطبي، والأوراق المطلوبة أولاً بأول، عملنالكم جروب الواتساب الرسمي للدفعة.
📲 انضموا للجروب من خلال الرابط التالي:
[https://chat.whatsapp.com/JxQvm7zMeLQ5fs8eQi3gw2]
⚠️ تنويه هام: الجروب مخصص فقط للمعلومات والاستفسارات المتعلقة بالتقديمات، ونرجو من الجميع الالتزام بالقوانين المعروضة داخل الجروب.
نتمنى لكم رحلة جامعية موفقة ومليئة بالنجاح والتوفيق!

07/08/2026

فديو مهم جدا لجميع الطلاب

03/08/2026

🚨 قريبًا جدًا...

سيتم إطلاق الجروب الرسمي الخاص بـ تقديمات الفرقة الأولى – كلية التجارة – جامعة بورسعيد.

الجروب هيكون فيه كل ما يخص التقديم:
✅ الأوراق المطلوبة
✅ خطوات وإجراءات التقديم
✅ مواعيد مهمة
✅ الرد على استفسارات الطلاب الجدد
✅ وكل التحديثات أولًا بأول.

للانضمام أو الاستفسار، يمكنكم التواصل عبر رسالة الصفحة أو إرسال الرقم للحصول على رابط الجروب.

انتظروا رابط الجروب قريبًا، وشاركو البوست مع أي طالب أو طالبة هيلتحقوا بكلية التجارة – جامعة بورسعيد. ❤️

30/07/2026

30/07/2026

فاكر لما كنت تسمع قبل الثانوية العامة:

"بلاش تجارة... دي ملهاش مستقبل."

طب ليه؟

عشان دي تجارة.

المغالطة دي اسمها الاستدلال الدائري.

زي لما حد يقول:

- تجارة جامعة بورسعيد وحشة.
- طب ليه؟
- عشان دي تجارة جامعة بورسعيد.

أو يقول:

- الكلية دي ملهاش شغل.
- طب إيه الدليل؟
- أصل الناس كلها بتقول كده.

فين الإثبات؟

قبل ما تدخل الكلية، هتسمع كلام كتير:

- المحاسبة صعبة.
- الشغل مستحيل.
- لازم كورسات بفلوس عشان تشتغل.
- الكلية دي آخر اختيار.

طب جربت تدرس فيها؟
لأ.

طب اتعاملت مع سوق العمل بنفسك؟
لأ.

طب إيه إثباتك إن كل ده صح؟
أصل الناس كلها بتقول كده.

إحنا بقينا بنتناقل أفكار غيرنا من غير ما نسأل: "هي صح فعلًا؟"

حتى لما بندخل الكلية، بندخل وإحنا مقتنعين مسبقًا إنها ملهاش قيمة، فنعيش أربع سنين مستنيين الفشل اللي اتقالنا عليه.

مع إن الحقيقة إن فيه ناس من نفس الكلية اشتغلت ونجحت، وناس تانية ضيعت الفرصة.

الفرق عمره ما كان في اسم الكلية...
الفرق كان في الشخص.

حاول متبقاش من القطيع.

اسأل، جرّب، وافهم بنفسك.

ومتخليش رأيك في كلية أو مجال يبقى مبني على كلام الناس، لأن اللي بيكرر فكرة من غير دليل... بيكمل نفس الدايرة.
الصفحة الرسمية لكلية التجارة جامعة بورسعيد

12/06/2026

اتعملك محضر غش؟

خلاص اتحاسب بالقانون واللائحة، لكن مين قال إن ده يدي الحق لأي حد يهينك أو يقلل منك؟
أنا مش بدافع عن الغش، والغلط غلط، لكن عندي أسئلة كتير بخصوص منظومة التعليم نفسها، خصوصًا في كلية تجارة بورسعيد.
ليه مفيش سمر كورس حقيقي يساعد الطالب اللي تعثر بدل ما يضيع سنة كاملة من عمره؟ ليه مفيش فرص إضافية للنجاح أو برامج دعم أكاديمي للطلاب اللي محتاجين مساعدة؟
ليه مفيش تدريب منظم بين الكلية والبنوك والشركات؟ ليه الطالب يفضل يدرس سنين ولما يتخرج يكتشف إن سوق العمل عايز خبرة وهو أصلًا محدش وفرله الفرصة دي؟ وليه التدريب يبقى مجرد لينك بينزل واللي يلحق يسجل يلحق، واللي ما لحقش خلاص يتحمل النتيجة؟
ليه الامتحانات أحيانًا تبقى أصعب من مستوى الشرح؟ وليه بعض المواد تعتمد على الحفظ والمقالي بشكل كبير؟ إذا كان الهدف هو قياس الفهم، يبقى ليه ما يكونش التركيز على التطبيق والتحليل بدل استرجاع صفحات كاملة من الكتاب؟
مش كل الطلاب ظروفهم واحدة. في طالب متفرغ للدراسة، وفي طالب بيشتغل عشان يصرف على نفسه أو يساعد أهله. في طالب ظروفه مستقرة، وفي طالب داخل الامتحان شايل هموم أكبر من سنه بكتير.
ولو طالب أخطأ واتمسك بيغش، اتحاسب طبقًا للائحة، لكن الإهانة عمرها ما كانت جزءًا من العقوبة. الجامعة مكان للتعليم وبناء الإنسان، مش لكسر الإنسان.
قبل ما نحكم على الطالب، نسأل نفسنا: هل وفرنا له تدريب؟ هل وفرنا له دعم؟ هل وفرنا له فرص تعويض؟ هل ساعدناه فعلًا ينجح؟
الطالب مش رقم جلوس، ومش مجرد نسبة نجاح أو رسوب. الطالب مشروع إنسان ومستقبل كامل. وأي منظومة تعليمية ناجحة لازم يكون هدفها الأول إنها ترفع طلابها لفوق، مش تكتفي بمعاقبتهم لما يقعوا.
كل الاحترام لكل دكتور بيؤدي رسالته بأمانة، وكل التقدير لكل شخص بيطبق القانون بعدل، لكن يبقى احترام الطالب وكرامته حق لا يسقط مهما كانت الأخطاء.

10/02/2026

للمرة التانية والتالتة بنطالب بتفعيل نظام السمر كورس في كلية التجارة – جامعة بورسعيد.
يعني إيه طالب يضيع سنة كاملة علشان مادة أو مادتين؟
يعني إيه تعب ومصاريف وضغط نفسي، وفي الآخر يتقاله استنى سنة كمان؟
ده مش تعليم… ده تعطيل صريح لمستقبل الطلبة.
غياب السمر كورس بيترتب عليه:
تعطيل المسار الدراسي للطالب لمدة عام كامل
أعباء مادية ونفسية غير مبررة على الطالب وأسرته
إحباط وعدم تكافؤ فرص، رغم إن النظام ده مطبق في جامعات كتير
السمر كورس مش رفاهية ولا مجاملة،
ده حق أكاديمي وحل معترف بيه لمشكلة واضحة.
ومش منطقي كلية بحجم تجارة بورسعيد تفضل خارج المنظومة.
إحنا مش بنطلب امتيازات،
إحنا بنطالب بحق واضح وصريح:
تفعيل السمر كورس فورًا
أو إعلان سبب رسمي وواضح لعدم التطبيق.
مستقبل الطلبة مش لعبة،
ووقت الطالب له قيمة،
والسكوت عن المشكلة بقى غير مقبول.








@أبرز المعجبين
Port Said University - جامعة بورسعيد
اليوم السابع
الصفحة الرسمية لكلية التجارة جامعة بورسعيد
نبض بورسعيد