طلاب كلية التجارة جامعة بورسعيد

طلاب كلية التجارة جامعة بورسعيد محافظه بورسعيد - بورفؤاد

للمرة التانية والتالتة بنطالب بتفعيل نظام السمر كورس في كلية التجارة – جامعة بورسعيد.يعني إيه طالب يضيع سنة كاملة علشان ...
10/02/2026

للمرة التانية والتالتة بنطالب بتفعيل نظام السمر كورس في كلية التجارة – جامعة بورسعيد.
يعني إيه طالب يضيع سنة كاملة علشان مادة أو مادتين؟
يعني إيه تعب ومصاريف وضغط نفسي، وفي الآخر يتقاله استنى سنة كمان؟
ده مش تعليم… ده تعطيل صريح لمستقبل الطلبة.
غياب السمر كورس بيترتب عليه:
تعطيل المسار الدراسي للطالب لمدة عام كامل
أعباء مادية ونفسية غير مبررة على الطالب وأسرته
إحباط وعدم تكافؤ فرص، رغم إن النظام ده مطبق في جامعات كتير
السمر كورس مش رفاهية ولا مجاملة،
ده حق أكاديمي وحل معترف بيه لمشكلة واضحة.
ومش منطقي كلية بحجم تجارة بورسعيد تفضل خارج المنظومة.
إحنا مش بنطلب امتيازات،
إحنا بنطالب بحق واضح وصريح:
تفعيل السمر كورس فورًا
أو إعلان سبب رسمي وواضح لعدم التطبيق.
مستقبل الطلبة مش لعبة،
ووقت الطالب له قيمة،
والسكوت عن المشكلة بقى غير مقبول.








@أبرز المعجبين
Port Said University - جامعة بورسعيد
اليوم السابع
الصفحة الرسمية لكلية التجارة جامعة بورسعيد
نبض بورسعيد

🚨 الكلام الجاي لازم يوصل لكل مسؤول في الكلية! 🚨مش بنكتب عشان نعمل دوشة… إحنا بنتكلم عشان نطالب بحقوقنا، وبالعدل اللي الم...
27/10/2025

🚨 الكلام الجاي لازم يوصل لكل مسؤول في الكلية! 🚨
مش بنكتب عشان نعمل دوشة… إحنا بنتكلم عشان نطالب بحقوقنا، وبالعدل اللي المفروض يكون موجود من الأول 💪

1️⃣ نطالب إن امتحان الميدترم يكون كله MCQ وعدد الأسئلة لا يقل عن 15 سؤال.
احنا مش ضد الامتحانات ولا المجهود، بالعكس، إحنا عايزين نظام يقيس الفهم مش الحفظ، ويكون منصف لكل الطلبة.
كل ما الأسئلة تزيد كل ما التقييم يبقى أدق وأعدل.

2️⃣ نطالب بتقليل المصاريف الدراسية.
الموضوع خرج عن السيطرة، الـCD السنة اللي فاتت كان بـ660، النهارده بـ1500!
والمصاريف نفسها زادت كأننا في نظام خاص مش حكومي!
إحنا بنحترم الكلية ونقدرها، بس لازم في المقابل يكون في تقدير لظروفنا كطلاب.

3️⃣ نطالب بتفعيل نظام “السمر كورس”
علشان الطلبة اللي بتتعثر يكون عندها فرصة حقيقية تعوّض المادة بدل ما تضيع سنة كاملة!
النظام ده معمول عشان يساعد الطلبة مش يعاقبهم، وموجود في جامعات كتير، فليه مش مطبق عندنا؟

4️⃣ تحديد واضح وجزء محدد لامتحان الميدترم.
مش كل اللي اتشرح في المحاضرات يتحط في الامتحان، خصوصًا طلبة الفرقة الأولى اللي لسه بيتأقلموا على النظام الجامعي.
كده بتظلموهم من أول الطريق!

🎯 باختصار:
إحنا مش بنطلب رفاهية، إحنا بنطلب نظام، عدالة، وتقدير حقيقي للطلاب.

🔥 واللي لازم الكل يعرفه:
السكوت خلاص بقى ضعف… واحنا مش هنفضل ضعاف!
اتحاد الطلبة دوره الدفاع عن الطالب، مش يتفرج عليه وهو بيتظلم.

📢 شارك البوست، علق، خليه يوصل للإدارة…
صوتنا لما بيتجمع بيغير كتير، ومفيش إدارة تقدر تتجاهل صوت الطلبة لو اتوحد 💪🔥

Port Said University - جامعة بورسعيد
@أبرز المعجبين
اليوم السابع
الصفحة الرسمية لكلية التجارة جامعة بورسعيد

رسمياً انتهاء الحرب على غزه ويا اهلنا في القطاع، سلامٌ عليكم بما صبرتم فنعم عقبى الدار ♥️
09/10/2025

رسمياً انتهاء الحرب على غزه
ويا اهلنا في القطاع، سلامٌ عليكم بما صبرتم فنعم عقبى الدار ♥️

📢 بما إن الفترة دي الكل بدأ يتحرك ويذاكر، وحرفيًا كل يوم حد بيسألني:“أبدأ منين؟ آخد كورسات عند مين؟ والناس اللي في الكلي...
09/10/2025

📢 بما إن الفترة دي الكل بدأ يتحرك ويذاكر، وحرفيًا كل يوم حد بيسألني:
“أبدأ منين؟ آخد كورسات عند مين؟ والناس اللي في الكلية دي مين فيهم بيفهم ومين مجرد تسويق؟”

فخليني أقولك كلمتين على السريع، يمكن يفيدوك 👇

مبدئيًا: ما بيشكرش في نفسه غير إبليس، يعني لو هو شاطر الناس كلها هتجري عليه، مش محتاج يعمل إعلان.
بس ماشي، الدنيا بقت سبوبة مفتوحة وكل واحد بيحاول يثبت نفسه، فخلينا نتكلم بالحق.

---

🔹 النظري:
مفيش غير دكتورة حنان محفوظ
وده لينك الفيسبوك بتاعها:
👉 facebook.com/groups/1480600638936130

ليه قلت دكتورة حنان؟ 🤔
مش أنا اللي بقول، ده كلام طلاب السنين اللي فاتت،
ولو سألت أي حد من دفعة السنة اللي فاتت هتأكد كلامي.
نظام الامتحانات اتغير، وهي الوحيدة اللي بتشرح النظام الجديد صح.
ده غير إن خرج من تحت إيدها معيدين موجودين معاكم في الكلية.

وبرضه عندنا المبدأ: ادِّي الجمل وادِّي الجمال.
روح وجرب بنفسك، أنا مش عايزك تمشي ورايا، عايزك تمشي ورا نفسك وتختار صح،
ومتسمعش لحد لأن أغلب اللي بيكلمك مدفعلهم.

---

🔹 المحاسبة:
غني عن التعريف… صاصا!
لالا مش عصام صاصا بتاع المهرجانات 😅، ده دكتور مصطفى ضياء.
جميع المعدين بتوع المحاسبة في الكلية خرجين من تحت إيده.

عارف يعني إيه؟
يعني بيخليك محاسب بجد، مش مجرد واحد بيحل امتحان وخلاص.
لأنك في كلية تجارة، ولازم تبقى فاهم يعني إيه تكون محاسب.

وده لينك الفيسبوك بتاعه:
👉 facebook.com/share/g/1b5Af2PQPf

وبرضه لسه عند نفس المبدأ: ادِّي الجمل وادِّي الجمال.
جرب بنفسك، وما تسمعش للي بيقولك "روح عند ده، ده أخو فلان باشا"…
كلهم بيقولوا، بس الفعل في التجربة.

---

🔹 الحاسب الآلي:
كل الموجودين كويسين، والاختلاف في طريقة الشرح.
بس خليني أقولك بصراحة…
رائد الجيار فنان الحاسب الآلي 💻
غير إنه بيشرح بطريقة مختلفة وسهلة جدًا، مش هيسيبك غير وإنت فاهم يعني إيه المادة بجد،
مش مجرد حافظ كلمتين وتروح تمتحن.

وده لينك الفيسبوك بتاعها
https://www.facebook.com/share/g/1Cs6eMu41A/
---

📌 لو في حد مش عارف يوصل لأي دكتور من دول، يقدر يبعت مسج على الصفحة وأنا هبعتله الأرقام كلها 💬📞


⚠️ نصيحة في الآخر:
أوعى حد يستخدمك كسلاح ضد حد.
أوعى تمشي ورا حد يقولك: "اشتم فلان" أو "اعمل في فلان".
اللي خايف عليك مش هيدخلك في حوارات.

الامتحانات صعبة، ومحدش يستسهل ويقول "هبدأ بعدين"…
لأنك كده هتقعد في نفس الفرقة ومش هتتحرك.

✅ بالتوفيق للجميع 💪

ده جروب الفرقه الاولى

https://chat.whatsapp.com/KJCYyIXg4DWJfvKaHn06TS?mode=ems_copy_t

06/10/2025

أنا بفكر أفتح سبوبة كورسات محاسبة…اقول للطلاب تعلوا هجبلكم أعمال السنه
أصلها بقت كلها مدرسين محاسبة 😅
@أبرز المعجبين

06/10/2025

🇪🇬
في أكتوبر... بتفكرنا مصر إن النصر مش بالحظ،
النصر بالعزيمة، وبالإيمان، وباللي مايعرفوش المستحيل 💪

٥٢ سنة على يوم غير التاريخ،
يوم علم العالم يعني إيه كلمة “مصري” 🇪🇬✨

كل سنة وجيشنا وشعبنا بخير…
وكل سنة ومصر دايمًا منتصرة ❤️

ًا_من_المجد

⚡️📢 رسالة لكل طالب في تجارة بورسعيدإحنا جينا ندرس، نلاقي نفسنا في معركة مش بتاعتنا.المفروض إن اتحاد الطلاب يبقى صوتنا، ي...
25/09/2025

⚡️📢 رسالة لكل طالب في تجارة بورسعيد

إحنا جينا ندرس، نلاقي نفسنا في معركة مش بتاعتنا.
المفروض إن اتحاد الطلاب يبقى صوتنا، يبقى سندنا، يبقى اللي يحمينا من أي ظلم أو استغلال.
لكن الواقع اللي بنشوفه كل يوم حاجة تانية خالص:

🔴 فين الانتخابات؟
مفيش انتخابات أصلاً! كل مدرس كورسات يجيب طالب من عنده ويدخّله الاتحاد، يبقى هو المندوب بتاعه جوة الكلية.
يعني الاتحاد اللي المفروض يمثل الطالب… بقى ممثل للمصالح الخاصة.

🔴 فين الشفافية؟
الصبح يقولك: "بلاش كورسات"، وبالليل يجي لك من رقم غريب: "إلحق سجل في الكورس".
طالب أولى لسه مش فاهم حاجة، يلاقي رقمه وبياناته (انتظام – انتساب – إنجليش) في إيدين مدرسين الكورسات من غير ما يعرف اتسربت إزاي.

🔴 فين دورهم الحقيقي؟

الطالب يظلم في أعمال السنة → ساكتين.

الدكاترة في منهم استغلال وفي منهم مش عارف يشرح بسبب الطلاب اللي عاملين شغب→ ساكتين.

الطالب يتباع كورسات كأنه سلعة → ساكتين.
طب إنتوا اتحاد إيه؟ وإيه لزمتكم؟

🔴 الجروبات واللعب الرخيص
بدل ما الجروبات تبقى خدمة للطلاب، بقت حرب:
ده يقولك "الجروب الرسمي"، وده يقولك "الأصلي"، واللي يجمع أرقام أكتر يبقى "التوب".
وبكده الطالب اتقسم لجمهور مشتركين، مش زملاء بيدرسوا مع بعض.

⚡️ النتيجة:
الاتحاد اللي المفروض يحمي الطالب… هو أول واحد بيبيعه.
الطالب بقى مجرد "رقم" في قائمة تسويق.
والمصلحة التعليمية اتدهست تحت رجلين الكورسات والسبوبة.

💥 الخلاصة:
أي حد ساكت على اللي بيحصل… هو شريك فيه.
الاتحاد مش شرف ولا وجاهة، الاتحاد مسؤولية. واللي يخونها، مكانه مش جوة الطلبة… مكانه يتحاسب قدام الطلبة.

✍️
اللي فاكر إن الطالب هيقف ساكت، يبقى غلطان.
لأن في الآخر، اللي بيدفع التمن هو إحنا.

🚨 تنويه مهم:
إحنا نقدر ننزل فضايح ونكشف بالأسماء، لكن مش هنعمل كده. ليه؟
لأن دول طلاب وأهاليهم صرفين عليهم دم قلبهم، وإحنا مش هدفنا نضيّع مستقبل حد.
هدفنا إصلاح، مش تدمير. فضح النظام الفاسد، مش تحطيم زملائنا.

✅ سيب الطالب هو اللي يحدد إذا كان محتاج كورسات ولا لأ.
مش من حق حد يفرض عليه حاجة، ولا يتاجر برقمه، ولا يقرر بداله.
@أبرز المعجبين
نبض بورسعيد
اليوم السابع

Address

بورفؤاد
Port Said
42524

Website

Alerts

Be the first to know and let us send you an email when طلاب كلية التجارة جامعة بورسعيد posts news and promotions. Your email address will not be used for any other purpose, and you can unsubscribe at any time.

Shortcuts

Share

Category