Ahmed S Rezk

10/12/2023

دول قبل التمرين يودوك في حتا تانيه خالص 🔥💪💪

05/09/2022

📌 15 علامة تدل على أنك تعانى من نقص الفيتامينات:

١. ألم في الأصابع والظهر الساقين وباطن القدمين (الكالسيوم والبوتاسيوم والمغنيسيوم)
٢. الشفة المشقوقة والحنك المشقوق (مجموعة فيتامين ( B )
٣. الشعور بالتعب (B2)
٤ . النوم وتنميل الأطراف (B6 و B12).
٥ . البثور الحمراء على الذراعين والخدين (A و D)
٦. الاكتئاب (D)
٧. تساقط الشعر الشديد (B)
٨. اضطرابات الرؤية الليلية (A)
٩ . فقدان الشهية (B)
١٠ . الغثيان والإمساك والانتفاخ (B 12)
١١. نزيف اللثة وتقرحاتها الذي يتحسن في وقت متأخر (C)
١٢. صداع ودوخة (B 3).
١٣. الإسهال (B 9).
١٤. الأرق (B 5)
١٥. الجلد الجاف (A و B )

19/11/2021

09/08/2021

**حقيقة ان اكل الدايت مش بيشبع زي الاكل العادي**

ياكوتش مالدايت دا هيخليني اجوع يعني واحرم نفسي من الاكل والمشوي والمسلوق دا مش بيشبع

تعالي اقولك ياصديقي ان الحقيقه عكس دا
لو جيت بصيط لل ١٠٠ جرام صدور دجاج مشوي وزيه ١٠٠ جرام مقلي في الزيت

هنلاقي ان ال ١٠٠ جرام صدور مشوي فيهم اقل من 150 كالوري انما المقليه فيهم اكثر من 260 كالوري ولو مع ال fries ولوازمها حدث ولا حرج علي كمية السعرات😂

يعني لو كلت 180 جرام صدور مشويه هيعادل ال ١٠٠ جرام مقليه تقريبا

فايهما مشبع وافيد بالنسبالك من حيث الكميه والفائده ؟

حاجه تاني
بس الدايت ياكوتش حواراته كتير في التحضير
طيب خليني اقولك برضه انه بالعكس دا اسهل بكتير في
تحضيره 😃

الاسهل انك تتبل قطعة فراخ وتسيبها في الفرن لحد مايستوي ؟
ولا الاسهل انك تسخن الزيت وبعدين تتبل الفراخ وتحطها فبيض وبقسماط وبعد كدا تقليها وتقف قدامها عشان تقليها عالوش التاني وبعدين تصفيها من الزيت وتحطها علي مناديل تشرب الزيت 😁

بل كمان اكل الدايت ممكن يتخزن بسهوله ويفضل بنفس طعمه ودا لو انت حضرت وجبات تكفيك الاسبوع مثلا في يوم اجازتك وشيلتهم في ال freezer
انما المقليات وما شابه مايتخزنش لانه مش هيحتفظ بجودته وطعمه بمجرد مايبات وبيبقي غير شهي

حاجه كمان اكل الدايت مابيكونش مذاقه ممتع زي الاكل المقلي فبمجرد مابتاكل وتشبع بتحس انك كدا تمام اوي انما الاكل المقلي بيدوب كدا في الفم وبيخليك شهيتك مفتوحه لانك تاكل بزياده فمش بس سعرات عليه قد ماتشبع لا دا كمان سعرات اكتر جدعنه منك كدا 😂😂

لا مش بشوقك لا دانا بوضحلك الاغراء فين 😄

ايهما اسهل ؟؟؟
انت اللي بتصعبها علي نفسك بس عشان مش علي هواك 😉

وكذلك تحضير الكاربوهيدرات والخضار

تعمل زيت وتنزل فيه الشعريه وبعدين تقلب الرز وبعدين تحطله مايه وتستني اما يتشرب ؟

ولا تحط الرز في شوية مايه وتسيبه لحد مايستوي اسهل ؟

نيجي للخضار تعمله تسبيكه ؟ ولا تحطه فمايه او عالبخار اسهل؟
الدايت اسهل واريح وافيد انت بس اللي مستصعب الامور عشان ماسهلتهاش علي نفسك ياصديقي

07/08/2021

الجري بالأكياس ومايعرف بالكاوي لن يذيب الشحم ، فلو كان العرق شحما لكان على شكل زيوت لكن العرق هو ماء به أملاح ليس له رائحة والبكتيريا الموجودة على الجسم هي التي تهضمه وتجعل له رائحة ...لذلك فالجري بلباس خفيف يحرق سعرات مثل الجري بلباس ثقيل ..العرق الذي تخسره أثناء الجري سوف تشربه ماء عند الإنتهاء "
✔ كذلك الجري بالأكياس البلاستيكية في الجو الحار يؤدي بك إلى جفاف جسمك كما قد يسبب سرطانات عفانا الله ، تذكر دائما البلاستيك مسرطن

✔ لذا ينصح بلبس لباس قطني يسمح بشرب العرق وترك الجسم في حالة تهوية

31/05/2021

الهدوم وسعت عليا بس وزني زي ما هوا❗❗❗🤔

حجم كيلو الدهون اضعاف حجم كيلو العضلات علي رغم انهم نفس الوزن علي الميزان..

وهو ده تفسير انك لما بتمشي بنظام صحي متوازن مع رياضة مقاساتك بتتغير بسرعة والميزان بينزل ببطئ..

معناه انك بتخس دهون وبتزيد عضلات وده يفرحك مش يضايقك لانه بيرسم شكل جسمك.. 🚶

علشان انزل كيلو دهون من جسمي محتاج احرق 7500 سعر وده رقم كبير ومحتاج نظام متوازن ورياضة ووقت.. 🏋️

وزي م الدهون بتنزل بصعوبة ، بردو بتتكون بصعوبة..
علشان كده اللي بيخس صح صعب يزيد تاني..

نخرج بالكلام ده بشوية حاجات..

1- اللي هتخسه بسرعة اكتر من كيلو في الاسبوع بنظام دايت قاسي مش دهون دي عضلات ومية..
علشان كده بترجع تزيد بسرعة وده اللي بتعمله حوارق الدهون👎🏻..

2-الاستعجال بيخليك تخس وزن لكن شكلك ومقاساتك مش كتير بتنزل ده غير الترهلات لان ده معناه العضلات ضعفت والدهون قاعدة.. ❗

3- لما اقولك اصبر والتزام تسمع الكلام👌
كابتن رزق 🥰

31/05/2021

الاجابة علي اسئلة حيرت الناس❗❗❗❗

#⃣ اكل رز ولا مكرونه؟
- الارز افضل..المكرونه يعني دقيق.

#⃣ اشرب قهوه ولا نسكافيه؟
- القهوه افضل وافيد

#⃣ استعمل سكر ابيض ولا سكر دايت؟
- ولا ده ولا ده استعمل عسل نحل

#⃣ كورن فليكس ولا شوفان؟
- مفيش مقارنه اصلا ...شوفان طبعا

#⃣ اكل فاكهه ولا اعملها عصير؟
- كل فاكهه افضل و سعرات اقل والياف اكثر.

#⃣ لبن خالي الدسم ولا كامل الدسم؟
- كامل الدسم ونشيل الوش عشان نستفيد بالفيتامينات اللي فيه.

#⃣ زيت ذره ولا زيت زيتون؟
- زيت الزيتون اكيييييد (على البارد)

#⃣ افضل نوع فيتامينات اشتريه من الصيدليه؟
- كل سلطه وخضار طازج بكل الالوان كل يوم مش هتحتاج اي شي .

#⃣ اشتري (كبسولات اوميجا 3)؟
- كل اسماك (مشويه)مرتين الى ٣ في الاسبوع مش هتحتاجها ان شاء الله

#⃣ كانز دايت ولا عصير من غير سكر؟؟؟
- ولا ده ولا ده اشرب ماء كتيييير

#⃣ مكسرات نيه ولا محمصه؟
- نيه بس اتاكد انها مش متخزنه

#⃣ اشتري صن بايت ولا فورنو؟
- اعمل فشار في البيت.

#⃣ ممكن اكل قطعه شيكولاته؟؟؟
- الغامقه ممتازه وتكون فوق70🫑🥗🥬🌱🌲
كابتن رزق 🥰

13/05/2021

الجبنة القريش
من أفضل وأحسن الوجبات اللي ممكن تاكلها في وجبة العشاء ليه ؟
لأنها باختصار شديد غنية بكل العناصر الغذائية اللي محتاجها جسمك وقت النوم للتمثيل الغذائي الصحيح زي البروتين البطيء الامتصاص اللي ممكن يقعد في جسمك حوالي ٧ ساعات .. والكالسيوم والدهون القليلة .. الكاربوهيدرات الضعيفة .. وطبعاً الجبنة القريش من أحسن الوجبات اللي فيها (كازين) ودي تقريباً بتسهل الهضم وبتخلي المعدة تعمل بشكل صحيح
القيمة الغذائية لـ ١٠٠ جرام جبنة قريش :
💣 السعرات الحرارية : ١١٠ سعر حراري
💣 البروتين :١٢ جم
💣 الكاربوهيدرات : ٤ جم
💣 الدهون : ٣ جم
فوائد الجبنة القريش :
🔥 تحتوي جبنة القريش على مقدارٍ عالي من البروتين والكالسيوم والصوديوم والزنك ونسبٍ قليلة من الدهون والكولسترول والكربوهيدرات .
🔥 تساعد جبنة القريش في تقليل خطر الإصابة بسرطان الثدي لأنّها تحتوي على فيتامين د والكالسيوم .
🔥 تحدّ من حدوث السكتات الدماغيّة .
🔥 تخفّض من الشعور بالقلق والتوتر .
🔥 نظراً لاحتواء جبنة القريش على الكالسيوم بمستوىً عالي فهي مفيدة في نمو الأطفال بالإضافة إلى أنّها تفيد المرأة الحامل حيث تمدّها بالكالسيوم الذي يفيد صحة العظام وتقويتها .
🔥 تعتبر جبنة القريش من الأغذية التي تحظى بالأفضليّة لدى لاعبي رفع الأثقال وكمال الأجسام وذلك بسبب نسبة البروتين العالي بها، وقلّة الدهون التي تحتوي عليها مقارنةً بالأنواع الأخرى .
🔥 تعتبر مفيدةً جداً للنساء الحوامل والجنين، وذلك نسبةً إلى احتوائها على حمض الفوليك الّذي يعمل على نموّ الجنين، والحد من خطر الإصابة بتشوّهات الأجنّة .
🔥 تساعد في إنقاص الوزن لذلك فهي مفضّلة لدى الأشخاص الذين يرغبون بإنقاص أوزانهم؛ لأنّها تحتوي على سعرات حرارية قليلة ودهون منخفضة حيث يتمّ تناولها مع الخضار مثلا الخيار وزيت الزيتون لتشكّل وجبةً صحيّةً متكاملة .
🔥 تحتوي جبنة القريش على البوتاسيوم الّذي يعمل على اتّزان السوائل في الجسم ويُنشّط أعصاب العضلات والدماغ بالإضافة إلى أنّه يعمل على تخفيف تشنّج العضلات ويمنع الجلطات لو تمّ تناوله بشكل منتظم حيث يعمل على انقباض الأوعية ويقلّل ضغط الدم .
( قطعة جبنة قريش ١٥٠ جم + سلطة + حبة البركة + معلقه زيت زيتون) تقريباً دي وجبة متكاملة ومفيدة جدا لجسمك

09/05/2021

يا ريت الكل يركز معايا في البوست دة
ازاي اضخم جسمي وعضلاتي💪
واحافظ علي نسبة دهون قليلة
اولا لازم تعرف حاجة مهمة جدا
مينفعش تضخم وتنشف في نفس الوقت
يا تضخم يا تنشف
عشان تنشيف يعني دايت يعني سعرات حراربة اقل
ضخامة يعني اكل اكتر يعني سعرات حرارية اكتر
✔️في الclean bulk او الضخامة بدهون مش كتير
(خلي بالك مفيش بالك بدون دهون الدهون هتزيد بس مش هتزيد كتير)
نرجع لموضوعنا
الكلين بالك او الضخامة النظيفة✔️
🔵بتعتمد علي اكل النشويات
زي الرز والمكرونة والعيش والبطاطا والبطاطس
🔵والبروتين
زي اللحم والفراخ والسمك والبيض والجبنة القريش واللبن
بس النشويات اهم طبعا في مرحلة الضخامة👍
☑️ بصورة عالية بس شرط منع الحلويات والسكريات والمياة الغازية و الزيوت والمقليات
علشان مندخلش سعرات حرارية ملهاش لازمة
نخلي السعرات بتاعتنا من حاجات مفيدة تغذينا
والخضار والفاكهه اساسي
علشان مخازن الجليكوجين 💪
ونملي العضلات بروتين 💪
🔵 بالنسبة للتمرين
٥ ايام في الاسبوع كفاية جدا
🔵 وبالنسبة للنوم
من ٨ ل١٠ ساعات
🔵بالنسبه للكارديو
يفضل تلعب كارديو ٣ ايام
☢️☢️احتمال في المرحلة دي عضلات البطن متبقاش ظاهرة اوي مهم بس متخفش استحالة دهونك تزيد بشكل مبالغ فيه 💪
عجبك البوست لايك كومنت شير عشان تفيد غيرك
وعلشان انزل بوست التنشيف💪

24/04/2021

يعني اقسم ع 60 هتعرف كام في الدقيقة

23/04/2021

هل الكارديو يهدم العضل؟ 🤔♥