نوادي صناع الحياة جامعة المنوفية

Directions Website Contact the university

نوادي صناع الحياة جامعة المنوفية أهدافنا:- تمكين الشباب وتأهيلهم لسوق العمل، ونشر ثقافة العمل التطوعي، وتفعيل دور المشاركة المجتمعية

أسر صناع الحياة - جامعة المنوفية
أهدافنا:- تمكين الشباب وتأهيلهم لسوق العمل، ونشر ثقافة العمل التطوعي، وتفعيل دور المشاركة المجتمعية من خلال مجموعة من الأنشطة سواء على مواقع التواصل الإجتماعى من خلال الصفحة أو على أرض الواقع. Families of life makers, Menoufia University
Our goals: - Empowering youth and qualifying them for the labor market, spreading the culture of volunteer work, and activating the role of community participation through a set of activities, whether online through the page or offline on the ground.

في حاجة جديدة بنحضر لها. 👀مش هنقدر نقولكم التفاصيل دلوقتي،بس نقدر نقول إن اللي جاي مش عادي. 🔥ترتيبات بتتعمل، وتفاصيل بتت...
22/09/2026

في حاجة جديدة بنحضر لها. 👀

مش هنقدر نقولكم التفاصيل دلوقتي،
بس نقدر نقول إن اللي جاي مش عادي. 🔥

ترتيبات بتتعمل، وتفاصيل بتتجهز،
وحاجة كبيرة قربت تظهر للنور.

خليكم قريبين.
وتفتكروا إيه الجديد؟

19/09/2026

الصوت ده مش صدفة..🚨

في تغيير كبير جاي.
والبداية، أقرب مما تتخيلوا. 👀

يلا نعرف بداية الحكاية.🤩الحكاية بدأت لما مجموعة شباب من قادة صناع الحياة قرروا في 2012 إنهم يأسسوا مشروع هدفه نشر ثقافة ...
18/09/2026

يلا نعرف بداية الحكاية.🤩

الحكاية بدأت لما مجموعة شباب من قادة صناع الحياة قرروا في 2012 إنهم يأسسوا مشروع هدفه نشر ثقافة التطوع بين طلاب الجامعات.

بقالنا 14 سنة موجودين ولسه مكملين، بروح أحلى، طاقة أكبر وحماس أكتر. 🔥

استنونا يوم الأحد الساعة ٨ مساءً عشان تعرفوا ايه الجديد.😶‍🌫️

مش كل طريق يستاهل تمشيه، لكن الطريق الصح هو اللي يستاهل إنك تكون جزء منه. ✨الحكاية مش إنك تمشي الطريق، دي حكاية يقين بـ ...
06/03/2026

مش كل طريق يستاهل تمشيه، لكن الطريق الصح هو اللي يستاهل إنك تكون جزء منه. ✨

الحكاية مش إنك تمشي الطريق، دي حكاية يقين بـ إنك تمشى الطريق الصح، مش بـ إنك تشوف ايه الموجود لكن إنك تشوف من منظور مختلف عن كل الناس؛ مش المهم إنك تجرب حاجة جديدة لكن المهم إنك تعيش تجربة مميزة. 💙

وعلشان كده أسر صناع الحياة - جامعة المنوفية فتحت باب التقديم لإنضمام أعضاء جدد فى الكيان من خلال انك تسجل في الفورم دي: https://ee-eu.kobotoolbox.org/x/HSGunqmt وهنتواصل معاك في أقرب وقت. 📝

كام مرة أجلت تعمل أكونت Linkedin؟ طيب هل جاهز تعمل أكونت Linkedin خطوة بخطوة؟ دلوقتي موعدنا مع الإعلان عن تاني سيشن ضمن ...
02/03/2026

كام مرة أجلت تعمل أكونت Linkedin؟ طيب هل جاهز تعمل أكونت Linkedin خطوة بخطوة؟

دلوقتي موعدنا مع الإعلان عن تاني سيشن ضمن فعاليات أسر صناع الحياة - جامعة المنوفية في رمضان. 🤩

واللي هتكون بعنوان: "أساسيات Linkedin"
مع المدرب م. أحمد صبحي، صاحب الخبرة الكبيرة اللي بتمتد لـ 8 سنوات في سوق العمل. 💙

هتعرف في السيشن دي:
1️⃣ ليه لينكد ان مهم؟
2️⃣ إيه الفرق بين لينكد إن وباقي منصات السوشيال؟
3️⃣ ازاي تعمل لنفسك بروفايل احترافي؟
4️⃣ لو معنديش خبرة أعمل إيه؟
5️⃣ ازاي أكبر شبكة علاقاتي؟
6️⃣ ازاي أبحث عن الفرص والوظائف؟
7️⃣ ازاي أعمل لنفسي personal branding؟
8️⃣ خطة عملية للتنفيذ

موعدنا يوم الخميس 5 مارس
الساعة 9 مساءًا بعد صلاة التراويح على Google Meet

سجل دلوقتي: https://forms.gle/pHqVDwVGvpwLJFKQ7 وهيتم التواصل معاك. 📝

مؤمنين إن كل خطوة محسوبة بتصنع الفرق، وفي مجال كله منافسة الـ CV هو الانطباع الأول عنك.🤩سيشن قوية جدا بعنوان "أساسيات كت...
01/03/2026

مؤمنين إن كل خطوة محسوبة بتصنع الفرق، وفي مجال كله منافسة الـ CV هو الانطباع الأول عنك.🤩

سيشن قوية جدا بعنوان "أساسيات كتابة الـ CV باحتراف" قدمهالنا د. محمد اسماعيل

حابين نوجه ليه الشكر، ومستنيينكم في باقي السيشنات ضمن فاعليات أسر صناع الحياة جامعة المنوفية في رمضان. ♥

الـ CV مش بس ورقة خبرات، ده البوابة الأولى لأي فرصة شغل أو هدف تحلم بيه. ✨دلوقتي جه موعدنا مع الإعلان عن أول سيشن ضمن فع...
26/02/2026

الـ CV مش بس ورقة خبرات، ده البوابة الأولى لأي فرصة شغل أو هدف تحلم بيه. ✨

دلوقتي جه موعدنا مع الإعلان عن أول سيشن ضمن فعاليات أسر صناع الحياة - جامعة المنوفية في رمضان. 🤩

واللي هتكون بعنوان "أساسيات كتابة الـ CV بإحتراف"
مع المدرب د. محمد إسماعيل، صاحب الحبرة اللي بتمتد لأكتر من 3 سنين في مجالات الرعاية الصحية والتعليم. 💙

هتعرف في السيشن دي:
1️⃣ إزاي تكتب CV قوي يجذب الـ HR
2️⃣ أهم الأخطاء اللي بتضيع فرص القبول
3️⃣ أسرار ترتيب الخبرات والمهارات بشكل احترافي
4️⃣ نصائح عملية تزوّد فرصك في الشغل والتدريب
5️⃣ يعني ايه ATS وليه هو اللي بيحدد فرصتك

موعدنا يوم الجمعة 27 فبراير
الساعة 9 مساءًا بعد صلاة التراويح على Google Meet

سجل دلوقتي: https://forms.gle/JNByzvMff1vUvqxP7 وهيتم التواصل معاك. 📝

العزوة مش عدد، العزوة قلب بيزور قلب. 🤍في ناس كتير رمضان أو غيره بيعدي عليهم في هدوء، من غير حد يخبط الباب، من غير لمة، م...
25/02/2026

العزوة مش عدد، العزوة قلب بيزور قلب. 🤍

في ناس كتير رمضان أو غيره بيعدي عليهم في هدوء، من غير حد يخبط الباب، من غير لمة، من غير حد يقولهم وحشتونا.

علشان كده قررنا إن حملة عزوة تكون زيارة قبل ما تكون وجبة. ✨

هنجهز بإيدينا وجبات بحب، وناخدها معانا وننزل دار مسنين، نقعد معاهم، نسمع حكاياتهم، نضحك سوا، ونفكرهم إن لسه في عزوة حواليهم. 🥰

الموضوع مش أكل وبس، الموضوع صحبة، كلمة حلوة، ولمة صغيرة ممكن تغير يوم كامل.

لو حابب تكون جزء من العزوة سجل في الفورم دلوقتي:
https://forms.gle/k6bchviqheFuXRsp9

وخليك سبب في بسمة حد مستنيها من زمان. ✨

#عزوة

تفتكروا ايه اللي جاي؟ 🤔
04/02/2026

تفتكروا ايه اللي جاي؟ 🤔

فصل جديد من الحكاية هيبدأ، فاستعدوا. ♥
02/02/2026

فصل جديد من الحكاية هيبدأ، فاستعدوا. ♥

Address

Menoufia Province
Shebin Al-Kom
32511

Website

Alerts

Be the first to know and let us send you an email when نوادي صناع الحياة جامعة المنوفية posts news and promotions. Your email address will not be used for any other purpose, and you can unsubscribe at any time.

Contact The University

Send a message to نوادي صناع الحياة جامعة المنوفية:

Shortcuts

Share

Category