21/08/2021
وانت طالب عادي في صيدله بتدرس في الكليه أن الاندرال عباره عن propranolol اللي هو beta blocker يعني بيقفل مستقبلات بيتا في القلب بالتالي بيشتغل كanti hypertensive بيقلل الضغط
،،
كلام جميل ،،
لكن لما تقف في الصيدليه وتلاقيه مكتوب في روشتة angina علشان بيقفل الeffect بتاع الادرينالين ع القلب وبالتالي هيهدي الheart rate وبيقلل الcontraction بتاع الheart muscle وبالتالي يقلل الangina
يبقى كدا انت ارتقيت من مجرد طالب عارف معلومه عنه لصيدلي فاهم
،،
كلام حلو
ولو جاتلك روشتة مكتوب فيها inderal لمريض مش ضغط ولا ذبحه اصلا ومكتوب في روشته غدة درقيه وعرفت أنه فعال في علاج الhyperthyrodism علشان بيمنع تحول الT4 لT3 وبالتالي يقلل نشاط الغدة الدرقية يبقى انت كدا اصبحت دكتور صيدلي فاهم وعارف شغله كويس في الصيدليه
،،
اما بقى لو جاتلك روشتة واحد عنده صداع ومكتوبله propranolol وكنت على علم ودرايه ان الpropranolol بيعمل relaxation للvessels وبالتالي هيحسن الblood flow للمخ ويقلل من الmigraine
يبقى انت كدا وصلت لليفل الصيدلي الشاطر المتمكن
،،
طيب لو لاقيت الinderal في روشته نفسيه وعرفت أنه بيستخدم لحالات الanxiety علشان بيهدي الheart rate وبالتالي يقلل التوتر والقلق علشان كدا بيستخدمه الناس اللي بتعمل interview أو presentation أو طالعين على الstage قدام الناس علشان يبقوا هاديين ومش متوترين يبقى انت كدا محل ثقة وتقدير من الجميع ومخيبتش ظن الناس فيك
،،
يا صلاة الزين يا صلاة الزين
طب تعرف ان اللي يلاقي اندرال في روشتة جلدية ومن غير ما يرتبك ولا يتوتر ويعرف انها بتستخدم في حالة hemangioma ودي بيكون فيها extra blood vessels فبتعمل زي وحمه في الوش أو الراس ودور الاندرال هنا أنه يقلل الblood vessel constriction دا وبالتالي يعالج الhemangioma يبقى انت كدا خلاص وصلت لليڤل الprofessional pharmacist يامعلم
،،
اما لو دخل عليك راجل كبير في السن ومعندوش اي حاجه من دي بقى وجايب روشته مخ واعصاب مكتوب فيها propranolol وعرفت أنه مكتوبله علشان الرعشه اللي في ايديه علشان بيقفل الnerve impulses to muscle وبالتالي يقلل الtremors
يبقى انت كدا انسان مبدع اثبتت يقيناً صحة مقولة
تابعوا الكومنتات
تمنياتي للجميع بمستقبل مشرق ❤️
