اتحاد طلاب حقوق طنطا - اللجنة العلمية و التكنولوجية

24/12/2021

⚖️⚖️⚖️

لو كنت محامي لازم تعرف إن شهرياً فيه أكتر من مليون شخص في مصر بيدوروا على محامي متخصص في محركات البحث و85% منهم مش بيوصل لمحامي مناسب لاحتياجهم..
انضم لمنصة قانوني مجاناً وساعد الموكلين المحتملين انهم يوصلولك بسهولة
وكمان تقدر تحجز مكانك بين أول 100 محامي وتحصل على مكتبك الذكي مجاناً لمدة 6 شهور واللي هيساعدك تحول مكتبك بالكامل لمكتب رقمي ومزايا تانية كتير تفاصيلها في أول كومنت..
للتسجيل سيب كومنت أو ابعتلنا رسالة فيها رقم تليفونك..
#قانوني
qanouny.net

23/04/2021

كان في يوم عيد ميلادي ١٩/٤ 😍👑⚖️💝

اقامت كلية الحقوق اجتماع خاص بحفل تنصيب طلاب اتحاد كلية الحقوق والذى بدأ فى تمام الساعة العاشرة صباحا بقاعة مجلس الكلية بحضور السيد أ.د/ محمد ابراهيم عميد الكلية والسيد أ.د/ مصطفى ابو عمرو وكيل الكلية لشئون التعليم والطلاب والسيد أ.د/ رفعت الصباحى والسيدة / طمان احمد ابو الدهب امين عام الكلية والسيدة / سمية عبدالغفار مدير ادارة رعاية الطلاب ولفيف من السادة الموظفين بادارة رعاية الطلاب وطلاب الاتحاد وقد قام السيد أ.د/ عميد الكلية بالقاء كلمة سيادته على السادة الحضور وعمل لقاء خاص بطلاب الاتحاد خلال الاجتماع

11/08/2020

👌👏👏👏

اختصاصات مجلس الشيوخ............................................................................
1. دراسة واقتراح ما يراه كفيلا بتوسيع دعائم الديمقراطية.
2. دعم السلام الاجتماعي والمقومات الأساسية للمجتمع وقيمه العليا والحقوق والحريات والواجبات العامة.
3. تعميق النظام الديمقراطي وتوسيع مجالاته.
4. يؤخذ رأى مجلس الشيوخ في الاقتراحات الخاصة بتعديل مادة أو أكثر من مواد الدستور.
5. يؤخذ رأيه في مشروع الخطة العامة للتنمية الاجتماعية والاقتصادية.
6. يؤخذ رأيه في معاهدات الصلح والتحالف وجميع المعاهدات التى تتعلق بحقوق السيادة.
7. يؤخذ رأيه في مشروعات القوانين ومشروعات القوانين المكملة للدستور التى تحال إليه من رئيس الجمهورية أو مجلس النواب.
8. يؤخذ رأيه فيما يحيله رئيس الجمهورية إلى المجلس من موضوعات تتصل بالسياسة العامة للدولة أو بسياستها فى الشئون العربية أو الخارجية. ويجب على مجلس الشيوخ أن يبلغ رئيس الجمهورية ومجلس النواب برأيه فى هذه الأمور على النحو الذي تنظمه اللائحة الداخلية للمجلس.
#قانوني

10/08/2020

👌⚖️⚖️⚖️👏

من طرائف المحاماة............................................................................
عندما كادت هيئة المحكمة أن تنطق بحكم الإعدام على قاتل زوجته والتي لم يتم العثور على جثتها رغم توافر كل الأدلة التى تدين الزوج،
وقف محامى الدفاع يتعلق بأى قشة لينقذ موكله، ثم قال للقاضي: "ليصدر حكماً باعدام على قاتل، لابد من أن يتوافر لهيئة المحكمة يقين لا يقبل الشك بأن المتهم قد قتل المجني عليها، والآن سيدخل من باب المحكمة دليل قوى على براءة موكلي وعلى أن زوجته حية ترزق"
وعندما فتح باب المحكمة اتجهت أنظار كل من فى القاعة إلى الباب، و بعد لحظات من الصمت و الترقب .. لم يدخل أحد من الباب،
و هنا قال المحامى: "الكل كان ينتظر دخول القتيلة، وهذا يؤكد أنه ليس لديكم قناعة كاملة بأن موكلي قتل زوجته"
و هنا هاجت القاعة إعجاباً بذكاء المحامى، وتداول القضاة الموقف،وجاء الحكم بمفاجأة.. حكم بالإعدام لتوافر يقين لا يقبل الشك بأن الرجل قتل زوجته،
و بعد الحكم تساءل الناس كيف يصدر مثل هذا الحكم، فرد القاضى ببساطة: "عندما أوحى المحامي لنا جميعاً بأن الزوجة لم تقتل و مازالت حية، توجهت أنظارنا جميعاً الى الباب منتظرين دخولها، إلا شخص واحد في القاعة .. إنه الزوج المتهم، لأنه يعلم جيداً أن زوجته قتلت، وأن الموتى لا يسيرون"..
#قانوني

06/08/2020

من زمان واحنا بنذاكر التاريخ لما كانت بتيجى سيرة أى شخصية من الناس العظيمة دي: زي سعد زغلول ومصطفى كامل كانت أول جملة بنسمعها
وتخّرج من كلية الحقوق أو حصل على الليسانس فى الحقوق، وكانت كلية البشوات والوزراء زمان.

إحنا بقى النهاردة هندخل كلية الحقوق ونقولك هتتخرج منها إزاى وهتشتغل إيه 😀
كلية الحقوق من الكليات اللى بتقدر تدخلها من
علمى علوم وعلمي رياضة وأدبي.
والكلية طبعا فيها انتظام وانتساب.

طيب إيه الفرق بين انتظام وانتساب؟
ببساطة كدة، انتظام مجموعها أعلى ومصاريفها أقل، لكن انتساب مجموعها أقل ومصاريفها اعلي

نتكلم بقى عن لغات الدراسة في الكلية وهي 3 لغات:
حقوق عربى
وحقوق انجليزى
وحقوق فرنساوى

طيب إيه شروط كل شعبة من دول؟

حقوق عربى ملهاش شروط خالص غير إن كلية الحقوق تكون جيالك في التنسيق سواء كانت انتظام أو انتساب.

أما حقوق إنجليزي فـ شروطها إنك تكون جايب 80% من درجة الإنجليزي، ويكون مجموعك يجيب حقوق انتظام، يعني مينفعش انتساب؟ لا مينفعش انتساب للأسف.
وشعبة إنجليزي بتكون بمصروفات.

طيبب، وبالنسبة لشعبة فرنساوي؟

شعبة فرنساوي دى حكاية لوحدها...
أولاً شروطها في بعض الجامعات إنك تكون خريج مدارس لغات فرنساوى، وتكون جايب مجموع حقوق انتظام، وكمان تعدى من امتحان معين بيتعمل في المركز الثقافى الفرنسى.

طيب ليه كل الشروط دى؟

لو هنتكلم عن حقوق القاهرة شعبة فرنساوي فانت بتتخرج منها معاك ليسانس حقوق من جامعة القاهرة وكمان من جامعة السوربون فى فرنسا.

وطول سنين الدراسة بيكون ليك ID من جامعة القاهرة وID من جامعة السوربون ومتاح ليك
وانت بتدرس أو بعد الدراسة إنك تسافر تكمل دبلومة فى فرنسا.

أما بالنسبة للمصروفات الخاصة بالقسم فبتدفع جزء منها لجامعة القاهرة وجزء منها لجامعة السوربون بردو.

نتكلم بقى عن أقسام الكلية.
كلية حقوق بتتقسم لـ7 أقسام:

قسم القانون المدنى
قسم القانون الخاص
قسم القانون العام
قسم القانون الدولى العام
قسم الشريعة
قسم القانون الجنائى
قسم القانون التجارى

وكل قسم له مواد معينة، أكيد يعني✌😀
بس الجديد بقى إنك بتاخد مواد من كل الأقسام دى ومبتتخصصش فيها إلا لو حابب تعمل دبلومة فى حاجة معينة بعد التخرج فبتختار موضوع معين فى قسم معين تعمل فيه الدبلومة.

نيجي بقى لنظام الدراسة:
الدراسة فى حقوق دراسة نظرية بحتة، مفيش أعمال سنة، مفيش غياب وحضور، مفيش ميد ترم، لكن فيه بعض الدكاترة بياخدو غياب و كل دكتور وليه أسلوبه.

كمان في بعض الجامعات بيكون فيه أعمال سنة على بحث أو حاجة شبه كدة بس بتكون درجات بسيطة جدا لكن النسبة الكبيرة بتبقى على امتحان الفاينال.
المادة عموما بتكون من 20 ولو فيه أعمال سنة بتكون 3 درجات تقريبا أو 4 والإمتحانات بتكون نظرية، مفيش امتحانات شفوية خالص خلال سنين الكلية.

طيب إحنا بندرس إيه بقى في الكلية؟

بتدرسوا في الكلية مواد قانونية وشريعة إسلامية
واقتصاد بتعمق غير إنك بتدرس تاريخ القانون، وفلسفة القانون واجرام وقانون دولي وغيرها.
وعلى طول سنة أولى بتبقى أسهل سنة ف اللي بيدور على تقدير يركز من سنة أولى ويهتم بالحضور.

وبتقعد الـ 4 سنين تاخد مواد من كل قسم وبعدين تتخرج معاك ليسانس حقوق.😌

طيب وتفرق ايه دراسة إنجليزي عن عربي؟

فرق حقوق عربي عن حقوق إنجليزي مش كبير؛ لأن قسم عربى بياخد نفس مواد قسم إنجليزي وبالمناسبة قسم إنجليزي بياخد المواد بالعربى بردو
لكن الفرق الوحيد إنه بيزيد مادتين متعلقين بالقانون الأمريكى ودول بس اللى بيدرسهم بالإنجليزي.

أما بالنسبة لحقوق فرنساوي فهما بياخدو حوالى 6 مواد زيادة عن قسم عربي متعلقين بالنظام الدستورى الفرنسي.

طيب ايه أحسن ؟ أدخل حقوق عربي ولا حقوق انجليزي؟

هو مفيش حاجة أحسن وحاجة أوحش، كل قسم بيبقى ليه أولوية في مكان معين.

يعنى إيه؟

بالنسبة للشغل في البنوك والشركات متعددة الجنسيات فالأولوية بتكون لخريجين حقوق إنجليزي ودى تعتبر ميزة أقسام اللغات عن العربي.
لكن فيه أماكن شغل تانية بتفضل خريجين حقوق عربي.
فكل واحد بيشوف هو مناسب ليه إيه أكتر وطموحه فين وعلى الأساس ده يكمل ويدخل عربى أو انجليزى أو فرنساوي.

السؤال المهم بقى بالنسبه ليكم دلوقتي، أنا أما أتخرج هشتغل إيه؟ وفرص الشغل متاحة ولا لأ؟

اه فرص الشغل متاحة بشكل كبير ومختلفة، وأكتر شغل بنسمع عنه لخريجين حقوق هو المحاماة لأنه الشغل الأشهر ليهم ومحدش غيرهم بيشتغله.

بس المحاماة موضوعها مش سهل كدة بردو، يعنى مش هتتخرج تشتغل محامي على طول

ليه طيب؟

لأن مؤخرا بقى شرط علشان تبقى محامي وتاخد تصريح مزاولة المهنة.

استني كدة...، يعنى إيه مزاولة المهنة دي؟

مزاولة المهنة يعنى تروح المحكمة وتترافع والناس توكلك تدافع عنهم ده اسمه مزاولة المهنة.
نرجع لكلامنا، علشان تقدر تزاول المهنة لازم تاخد دبلومة سنة بعد الكلية و كمان تتدرب لمدة 3 سنين من تاريخ حلف اليمين.
وحاليًا فيه أخبار عن إحتمالية وجود نظام سنتين يقدر الطالب بعده يشتغل في المحاماه ولكن القرار لم يُطبق بعد.

طيب ممكن أشتغل في إيه تانى غير المحاماة والمحاكم؟

ممكن تشتغل فى الضرايب، وفي الشركات و في البنوك، كل الأماكن دى بتحتاج خريجين حقوق
غير إنك ممكن تشتغل فى الشئون القانونية فى القطاع الخاص، وكمان وزارة الخارجية.
وبالمناسبة منظمات دولية كتير بتقدم كل سنة طلب لخريجين حقوق علشان الشغل.

ده طبعا غير النيابة ومجلس الدولة وهيئة قضايا الدولة.

وهنا في ملحوظة مهمة للبنات وهي إن النيابة العامة مبتشغلش بنات، لكن النيابة الادارية بتسمح إن البنات تشتغل فيها عادي.

وبالنسبة لشغل النيابة لو حد مهتم بيه فلازم تكون جايب تقدير عام جيد فى الـ 4 سنين دراسة فذاكروا من الأول وكدة 🙂

وكده يكون اتكلمنا خلاص عن كلية الحقوق بنتمنى لكم التوفيق يا بشوات..⁦❤️⁩

23/07/2020

انا لله وإنا إليه راجعون
البقاء والدوام لله

تتقدم ادارة كلية الحقوق للسيد الاستاذ الدكتور/محمد ابراهيم عميد الكلية بخالص العزاء والمواساة في وفاة الحاجة هدى/ زوجة سيادته اليوم والدفنة والعزاء بالبلد وانا لله وانا اليه راجعون ..وللفقيدة الرحمة وللاسرة الصبر والسلوان

اللهم أغفر لها وأرحمها وأعف عنها وأكرم نزلها ووسع مدخلها واغسلها بالماء والثلج والبرد ونقها من الخطايا كما ينقى الثوب الأبيض من الدنس، اللهم جازها بالحسنات إحسانا وبالسيئات عفوا وغفرانا وأفتح أبواب السماء لروحها برحمتك يا أرحم الراحمين.اللهم ارحمها فوق الارض وتحت الارض ويوم العرض عليك. اللهم قها عذابك يوم تبعث عبادك يا ارحم الراحمين

16/07/2020

فتح باب التقدم للمنح المقدمة من هيئة فولبرايت بالولايات المتحدة الأمريكية
http://law.tanta.edu.eg/News_Details.aspx?New_id=8a32a290-fc0c-4be8-805a-393f7c9e1e94

16/07/2020

16/07/2020

تم حجب نتائج أبحاث طلاب بعض فرق النقل بكليات جامعة طنطا التي أعلنت مسبقا عبر المنصة الالكترونية وذلك لعدم انتهاء بعض أعضاء هيئة التدريس من التقييم ،وسيتم اعلان النتيجة لاحقا خلال ٤٨ ساعة ، مع أطيب التمنيات لجميع الطلاب بالتوفيق والنجاح

25/05/2020

هام ⚖️

17/05/2020