Waleed Abdo

Home
Egypt
Tanta
Waleed Abdo

Call Directions Website

اهلاً ومرحباً بكم فى الصفحة الرسمية الخاصة بدكتور وليد عبده للعلوم البيولوجية

30/10/2026

🔥 مستعد تدخل المفرمة؟ 💪

فصل الهرمونات مش مجرد شوية معلومات تتحفظ وتتنسي.. ده فصل محتاج فهم وتركيز وتدريب على كل فكرة ممكن تقابلك في الامتحان.

وعشان كده قررنا نفتح مع بعض سلسلة «مفرمة الهرمونات» 🔥

هنشتغل فيها على:
✅ أسئلة الثانوية العامة وأفكارها المختلفة.
✅ تجميع أفكار التدريبات من الكتب الخارجية.
✅ مناقشات وتفاعل ومشاركة من الطالب، مش مجرد مشاهدة وسماع.
✅ تدريب على الأفكار الصعبة والتفاصيل اللي بتفرق في الدرجة.

وفي النهاية.. امتحان حقيقي يقيس مستواك، ويكشف أنت وصلت لفين من خلال شغلك واجتهادك معانا.

🎯 هدفنا مش إنك تحل أسئلة كتير وخلاص.. هدفنا إنك تبقى محترف في الفصل، وتدخل الامتحان فاهم وواثق ومستعد لأي فكرة.

المفرمة مش للفرجة.. المفرمة للشغل! 🔥

ورونا الهمة يا أبطال.. التحدي بدأ! 💪
مستنينكم من بكره ان شاء الله
#أحياء

27/10/2026

استعدوا للامتحانات الجاية على منصة د. وليد عبده! 💜🚨

سنتر او اونلاين خليك جاهز
كل الامتحانات اللى جاية شواااااامل
وهتكون متاحة على منصتنا ، علشان تقدروا تختبروا نفسكم، وتقيسوا مستواكم ، وتدخلوا الامتحانات بثقة أكبر 💪

وتسجيلك ليه مكافأة كمان !
أول ما تسجل على المنصة، هتحصل على نقاط ترحيبية 🎉 تقدر تجمعها وتستبدلها بعد كده بهدايا مميزة! 🎁😍

سجّل دلوقتي، وخليك جاهز لكل امتحان جاي، واستفيد بنقاط الترحيب بتاعتك من أول يوم! 💯

🌐 سجّل من هنا:
WALEEDABDO.COM

20/10/2026

ثالثه ثانوي عام او ازهرى وحاسس إن الحركة وقعت منك؟ او مش بتعرف تحل اسئلتها ؟

فى فرصة اوعه تضيع منك ...
لسه قدامك فرصة تبدأ من جديد 💪🔥

مع بداية شهر ١١ ، عندك فرصة حقيقية تفتح صفحة جديدة وتبدأ بداية مختلفة 🎯
شرح الحركة فى الكائنات الحية من الصفر مع الحل والتدريب على كل أفكارها

ومهم جدا تعرف ان الجزء دا احنا شغالين فيه بالتوازى مع شغل الحصص الاساسية ، يعني تقدر تركز في اللي جاي وتبني مستواك خطوة بخطوة مع مراجعة اللى فاتك عادى جدا 💯

مش مهم بدأت السنة إزاي .. المهم هتقرر تكمل إزاي 🚀

لو قررت تدي لنفسك فرصة جديدة، وتبدأ بجد …

بابنا مفتوح ليك ، وإحنا معاك خطوة بخطوة 🤝🙏🏻

خد القرار ... والبداية من الأسبوع اللى بعد الجاي 🔥📚

#أحياء

27/09/2026

🧠 سؤال في دقيقة… لكن تأثيره أكبر بكتير!

مش كل مراجعة لازم تكون ساعات طويلة وكتاب مفتوح قدامك.

أحيانًا سؤال واحد كويس كفيل إنه يفكّرَك بمعلومة درستها من فترة، ويختبر قدرتك على الربط والاستنتاج. 🔥

وعشان كده هنبدأ معاكم فكرة جديدة على قناتي على اليوتيوب:

⏱️ سؤال في دقيقة × أحياء

كل فترة هننزل سؤال من اللي سبق ودرسناه…

📌 عندك دقيقة تفكر
📌 حاول توصل للإجابة بنفسك
📌 اربط المعلومات ببعض
📌 وبعدها شوف الشرح الكامل على القناة

لأن الهدف مش إنك تعرف الإجابة وخلاص…

الهدف إنك تتعلم إزاي توصل للإجابة بنفسك. 💪🧠

مراجعة بسيطة… مستمرة… وذكية
تخليك دايمًا على اتصال باللي فات، وتبني فوقه اللي جاي.

🎯 فكّر في السؤال… واختبر نفسك… وبعدها تعالى نشوف الإجابة مع بعض على اليوتيوب.

#أحياء

25/09/2026

🔥 طلعت من الامتحان اللي فات متفوق؟
طيب… مستعد للمستوى اللي بعده؟ 😎

الامتحان اللي فات كشف لنا إن عندنا عدد جميل من الطلاب قادرين يتعاملوا مع الأفكار العالية…
فقلنا: ليه نقف هنا؟! 🔥

📌 الجمعة القادمة… امتحان تحدي لطلابنا المتفوقين.

أسئلة أعلى ⬆️
أفكار أعمق 🧠
ومنافسة بينكم… كل واحد عايز يطلع أفضل نسخة من نفسه. 💪

مش امتحان عشان نخوفك…
ده امتحان عشان تعرف أنت تقدر توصل لفين.

استعدوا يا أبطال…
المرة دي السقف أعلى! 🚀

21/09/2026

📚 ملحقتش تبدأ معانا من الأول؟
كنت مسافر أو بتصيف وفاتتك حصص أول المنهج؟
مكنتش مركز في بداية السنة ، وحاسس إن الدروس بدأت تتراكم عليك؟
حاولت تلم الدعامة وحاسس إن الموضوع صعب ومش عارف تبدأ منين؟
يبقى البوست ده ليك. ❤️
مفيش مشكلة إنك اتأخرت...
المهم إنك تاخد قرارك وتبدأ.
علشان كده هنبدأ المنهج من الأول من جديد،
وهنبدأ معاك الدعامة من الصفر:
🔹 شرح كامل وواضح
🔹 حل وتطبيق على كل جزئية
🔹 تدريب على أسئلة الامتحانات
🔹 وورشة عمل تساعدك تثبت فهمك وتعرف تطبق بنفسك
دي فرصتك تلحق المنهج من البداية صح...
ومتسيبش المتراكم يكبر أكتر من كده.
⏰ بداية المجموعة الجديدة: الأحد 27 / 9
📅 الأحد والأربعاء من كل أسبوع
🕜 الساعة 1:30 ظهرًا
📍 مجموعة جديدة وإضافية بالسنتر
الفرصة لما تيجي... متأجلهاش.
احجز مكانك في أسرع وقت من خلال السنتر،
وخلّي الأحد الجاي هو نقطة البداية من جديد. 💪🧬
لسه تقدر تلحق... بس ابدأ دلوقتي.

#احياء

21/09/2026

صباح الخير

17/09/2026

✨ منافسي الوحيد… هو الشخص الذي كنتُ عليه بالأمس
ابنى طالب العلم
ماتقارنش نفسك بحد…
ولا تشغل بالك مين سبقك ومين اتأخر عنك.
خلي منافستك الحقيقية مع نفسك.
كل يوم اسأل نفسك:
هل أنا النهارده أفضل من امبارح؟
هل فهمت أكتر؟
هل اتعلمت حاجة جديدة؟
هل عالجت نقطة ضعف عندي؟
هل قربت خطوة من هدفي؟
مش لازم تكون الأفضل بين الناس…
لكن حاول كل يوم تكون أفضل نسخة من نفسك.
ذاكر أكتر من امبارح ، افهم أعمق من امبارح ،
نظّم وقتك أفضل من امبارح ،
ومتستسلمش لنقطة ضعف كنت بتقف عندها زمان.
التفوق مش ضربة حظ…
والنجاح مش سباق قصير.
النجاح رحلة تطوير مستمرة.
وأجمل انتصار ممكن تحققه ، إنك تبص لنفسك بعد فترة وتقول:
"أنا فخور بنفسي…
لأني ماوقفتش عند النسخة القديمة مني." ❤️
اتحدى نفسك…
طوّر نفسك…
وابنِ كل يوم نسخة أفضل منك.

10/09/2026

مشكلة أراها بوضوح … ولا أريد أن ندفن رؤوسنا في الرمال.

بعد الانتهاء من شرح الدعامة فقط من فصل الدعامة والحركة ( اى نصف الغصل ) ، ومع ملاحظة اننى فى كل عام فى نفس الوقت بكون خلصت الفصل كاملا ،
وجدت معاناة واضحة عند عدد كبير من الطلاب في التعامل مع لغة السؤال ومع بعض الأفكار ، والمفاجأة أن الأمر لا يقتصر على الطلاب الضعاف … بل يظهر أحيانًا عند طلاب متفوقين أيضًا.
وبعد أكثر من 26 عامًا في تدريس مادة الأحياء للثانوية العامة ، أستطيع أن أقول إن جزءًا كبيرًا من المشكلة ليس في قدرة الطالب على الفهم ، وإنما في أنه وصل إلى هذه المرحلة دون أن يمتلك بالقدر الكافي التدرج والتراكم المعرفي والمهارات التي يبني عليها تعلمه الجديد.

الطالب اليوم قد يكون مطالبًا بأن يربط ويحلل ويستنتج ، بينما بعض المهارات التي يفترض أن تكون قد نمت معه تدريجيًا لم تحصل على فرصتها الكافية.

وهنا لا أريد أن نبدأ معركة:

هل السبب الطالب؟
أم ولي الأمر؟
أم المدرسة؟
أم المعلم؟
أم النظام التعليمي؟

ربما ساهم أكثر من عامل في صناعة المشكلة …

لكن البحث عن المذنب لن يعيد للطالب ما فاته.

وكذلك لا أعتقد أن الحل هو أن نغرقه في المزيد والمزيد من الشرح.
حتى كورسات التأسيس ، رغم أهميتها فى السنوات السابقة ، لن تستطيع وحدها أن تعوض سنوات من التدرج والتراكم مع هذا الجيل.

نحن بحاجة إلى شيء أعمق:

نحن بحاجة الى أن نعلّم الطالب كيف يفهم، وكيف يربط، وكيف يستنتج ، وكيف يقرأ السؤال اصلا ، وكيف يكتشف سبب خطئه.

والأهم من وجهة نظرى أن نساعده على أن يكتشف ان تعبيره الاتى :

"أنا مش شاطر في الأحياء" ليست حقيقة…
قد تكون فقط هناك مهارة لم تُبنَ بالشكل الصحيح بعد.

لذلك أطلب من ولي الأمر ألا ينظر إلى تعثر ابنه باعتباره فشلًا، وأطلب من الطالب ألا يحكم على نفسه من خلال سؤال صعب أو امتحان لم يوفق فيه.

وأطلب من نفسي ومن زملائي المعلمين أن نحاول أن نرى ما وراء الدرجة:
أين المشكلة؟
وماذا يحتاج هذا الطالب تحديدًا؟

فنحن جميعًا في النهاية في جانب واحد.

المعلم ليس خصم الطالب…
وولي الأمر ليس خصم المعلم…
والطالب ليس متهمًا.

نحن أمام جيل يحتاج إلى أن نعيد معه بناء ما فاته ، بهدوء ، وصبر ، ووعي ، وتعاون من الجميع وعلى وجه الخصوص ولى الأمر.

لن نستطيع أن نعيد السنوات الماضية…

لكن نستطيع أن نبدأ من مكانه الحقيقي اليوم ، ونأخذه خطوة خطوة إلى المكان الذي يستحق أن يصل إليه.

لا نريد أن نلوم الماضي…
نريد أن ننقذ المستقبل. ❤️

#التعليم

17/08/2026

احلى قرار فى الدنيا كلها لنظام التعليم
وعقبال يا رب مزيد من التعديلات اللى ترجع للتعليم قدره

Address

دوران ش الاشرف مع السلطان مراد بجوار مسجد الحمد
Tanta
1113

Telephone

+201225126246

Website

https://waleedabdo.com/

Alerts

Be the first to know and let us send you an email when Waleed Abdo posts news and promotions. Your email address will not be used for any other purpose, and you can unsubscribe at any time.