FCI ZU English Club

17/04/2019

*يعني ايه IELTS 🤔؟
ايلتس هو عبارة عن امتحان لغة انجليزية دولي معتمد في العالم كله عشان يثبت تمكن الشخص من اللغة
الاسم اختصار لـInternational English Language Testing System
*عبارة عن ايه ؟
الامتحان عبارة عن اربع اجزاء استماع وتحدث وقراءة وكتابة كل جزء منهم ليه score وال score النهائي للامتحان كله من 9
*ايه اهميته او هحتاجه ليه 🤔؟
الانجليزي دلوقتي بقى من اهم الحاجات اللي لازم تبقى معاك اهم من اي مهارة او شهادة لانه هو اللي هيوصلك وهيفتحلك مجالات كتير جدا
لو عاوز تسافر تدرس او تشتغل او حتى تدريب كل دا بيحتاج انك يكون معاك ايلتس وجايب فيه score معين. ال CV بتاعك مش هيكمل من غير ايتلس🙂

17/04/2019

السلام عليكم :)
في الEnglish club هنمارس ال 4 اجزاء الرئيسية في اللغة
listening, speaking, reading and writing 😃
1- ال speaking : هيكون عن طريق عمل محادثات بينا اما في مواضيع هنختارها وعن طريق عمل interviews هنسال فيها في مواضيع عامة شبه جزء الspeaking في امتحان IELTS (هنتكلم عنه بالتفصيل) ونصحح الاخطاء سواء في النطق او الجرامر.
2. ال Listening : هنسمع مواقف ومحادثات وهيكون عليها اسئلة نجاوب عليها ونقيس مستوانا بنعرف نلقط الكلام كله ونفهمه ولا لا + هنتفرج على اجزاء من افلام كرتون بترجمة انجليزي او من غير ترجمة وفيديوهات لمدرسين اجانب بيشرحوا انجليزي ونشوف فهمنا ولا لا.
3- ال reading : هنقرأ مقالات في اي مجال مهتمين به ونتدرب على طريقة القراية بسرعة لو المقال كبير وازاي تقدر تلم الموضوع كله بشكل سريع ونجاوب علي اسئلته
4- ال Writing : هنشوف امثلة لمقالات مكتوبة ونشوف ايه المصطلحات والجمل اللي تقوي المقالات بتاعتنا وكمان هنتعلم ازاي لو عندنا digrams او اي رسمة نحولها لمقال مكتوب ونقدر اننا نفسرها ونشرحها بشكل سهل.
بالنسبة لامتحان IELTS هكتب عنه بوست تاني ان شاء الله :)
دا اللي هنمشي عليه ان شاء الله قولولي رايكم فيه ايه لو حد عنده اي استفسار او اقتراح يتفضل :)

12/04/2019

The reaction to the idea has been amazing ,so we happily announce that the 1st session of the English Club is TOMORROW at 12:30 !
Mention your friends and come join us 😄

باذن الله بكره هيبقى اول سيشن ل English Club ..
معادنا 12:30 في مدرج 6 مبنى السكاشن .
منتظرنكم كلكم بكره 🙌
واللي المعاد مش هيكون مناسب له ،في 3 مواعيد تانيين الاسبوع ده :
- Tuesday, 16 April . at 1:30
- Wednesday, 17 April. at 12:30.
- Thursday,18 April. at 1:30.

03/04/2019

27/03/2019

احنا في كليتنا بنتعلم كل حاجة بال english و بكده تبتدي قصتنا كطلبة حاسبات ان ال english يبقى جزء من حياتنا .

سوق العمل هتحتاج فيه english ، عملت project حلو وشاركت بيه في مسابقه هتحتاج انك تتكلم عنه بالenglish برده ، ال english هي لغة الكمبيوتر والعلوم والتكنولوجي والبحث العلمي .

بجانب طبعا ان اي لغه اضافيه تتعلمها بتزيد في مداركك وثقافتك وانك تتواصل مع الناس .

تمام حلو اوي ..طب احنا عارفين ده..نعمل ايه بقى؟
مش هنقولك اتعلم english لان كفايه اوي 12 سنه بنتعلمه في المدارس .. اللي احنا محتاجينه اننا نمارسه ،بدل ماحنا خدنا شوية grammar و vocabularies وكنا بنحطهم في اوراق الامتحان وخلاص، نبدا بقى نستخدمهم صح ؟
وهنا بقى يجي دورنا في ال English Club .

هنحاول نخلي الانجليزى جزء اساسى من حياتك ،تتعود عليه زي العربي،وسط ناس زيك مهتمه بالموضوع ،بطريقه ممتعه ومختلفه.

بجانب اننا مش بس هنمارس اللغه..لا احنا هنمارسها عن طريق games و debates و discussions ف مواضيع حياتيه مهمه،ومواضيع علميه زي اخر التكنولچي اللي العالم وصلها الخ..يعني استفدنا حاجه ازيد من بس تعلم لغه ،و هنشجعك تعمل ده حتى لو معندكش وقت 😉
كل اللى عليك انك تفضى نفسك مره في الاسبوع وتنضملنا!
لو حابب تشاركنا الفكره ممكن تملا الform وتحدد المواعيد اللي تناسبك عشان نختار معاد يناسب الكل 😄

Plz fill in the form if you wanna join our English Club!

26/03/2019

- ناس كتير بتسأل يعني ايه English Club و بيفرق ايه عن باقي طرق تعليم اللغة؟
- بإختصار شديد، إحنا بنقدم فكرة جديدة لتعلم اللغة من خلال الممارسة بعيدا عن جو المحاضرات والكتب والجرامر.
- نظامها قائم على الممارسة والمشاركة وأن الطالب هو محور التدريب عن طريق تنظيم جلسات اسبوعيه لعدد من الطلبه فى أحدى مدرجات الكليه مش بنعتمد على كتاب ومنهج، لكن بنقدملك الإنجلش في شكل محادثات بسيطة، وأغاني سهلة في البداية، وأجزاء من أفلام ومسلسلات، وفيديوز تعليمية بالإنجلش بنشرحها ونناقشها مع بعض، بجانب أنشطة تانية تساعدك على الكلام
لأننا مؤمنين تماما أن practice makes perfect خلينا لغة التعامل هي الإنجلش وبس عشان نتعلم أسرع من خلال الممارسة.
طبعا الناس مستوياتها مختلفة في الإنجلش وده هيساعد اكتر على سرعة التعلم وتصليح الاخطاء لمعظمنا