Academia de la Llingua Asturiana

Academia de la Llingua Asturiana Páxina oficial en Facebook de l'Academia de la Llingua Asturiana.

L'Academia de la Llingua Asturiana (ALLA) ye una institución del Principáu d'Asturies que se creó en 1980 per Decretu del Conseyu Rexonal d'Asturies 33/1980 de 15 d'avientu y con Estatutos aprobaos pol mesmu muérganu por Decretu 9/1981, modificaos el 12 d'abril de 1995 (BOPA nu 136 de 14.6.1995). L'Academia tien anguaño 23 miembros de númberu, 19 miembros correspondientes y 15 académicos d'honor.

Los académicos nun perciben nenguna retribución nin pola so condición de tales nin polos cargos que desempeñen na Academia.

📣 L'ALLA anuncia un cursu nuevu d'asturianu p'adultos empobináu a consiguir un nivel elemental (A1-A2) del idioma.🗓️ Les...
02/09/2026

📣 L'ALLA anuncia un cursu nuevu d'asturianu p'adultos empobináu a consiguir un nivel elemental (A1-A2) del idioma.

🗓️ Les persones interesaes puen matriculase na web de la institución del 14 al 30 de setiembre del 2026.

📌 El cursu va impartise nel llar de l’Academia los martes y xueves del 6 d’ochobre al 15 d’avientu n’horariu de 17 a 20 h. Tien una duración de 100 hores llectives, dividíes en 60 presenciales y 40 d’autoestudiu.

El preciu, de 150 euros, inclúi materiales y inscripción na Prueba de nivel final.

Más información: https://cutt.ly/hth9xHcJ

L'Academia de la Llingua Asturiana llamenta la muerte de la escritora Helena Trexu Fombella, una persona que llevaba la ...
29/08/2026

L'Academia de la Llingua Asturiana llamenta la muerte de la escritora Helena Trexu Fombella, una persona que llevaba la dignificación y la recuperación de la llingua asturiana por bandera y que siempres tuvo claro'l papel de les muyeres y la lliteratura nesa xera.

Dende l’Academia de la Llingua Asturiana queremos espresar el nuesu fondu dolor pola perda de Luis Antonio Suárez, perso...
11/08/2026

Dende l’Academia de la Llingua Asturiana queremos espresar el nuesu fondu dolor pola perda de Luis Antonio Suárez, persona trabayadora, elegante y fondamente humana, lleal y cercana.

Güei sentímonos pertristes pola so marcha, pero tamién mui arguyosos por poder cuntar tantos años cola so fidelidá y collaboración desinteresaes, por deprender tanto xunto a él.

Tola cultura asturiana, igual qu'esta institución, va tenelu siempres na alcordanza.

Semeya: Mario Rojas.

📚 Acabóu a primeira fase del curso de capacitación docente en na Caridá, úa formación qu'encarga a Conseyeiría d'Educa...
07/08/2026

📚 Acabóu a primeira fase del curso de capacitación docente en na Caridá, úa formación qu'encarga a Conseyeiría d'Educación y qu'organiza a Secretaría Llingüística del Navia-Eo cua collaboración del Conceyo del Franco.

Despós d'un trabayo intensivo y de dalgúas esperiencias d'estudio llingüístico, artístico y cultural na compañía das vecías y os vecíos da zona, el futuro profesorao del asignatura mira xa á segunda fase, que vai ter llugar neste mesmo sito el brao que vén.

Muitas gracias ás formadoras y os formadores, al grupo d'estudiantes, al Conceyo y a todo el público que nos acompañóu nas actividades abertas, como foi a visita interpretada al Molín de Mingolín del pasao 5 d'agosto.

❗️¡Acutái fecha!📣 Préstanos anunciar que'l «XLIV Congresu Internacional de Filoloxía y Cultura Asturianes (CIFCA)» va ll...
05/08/2026

❗️¡Acutái fecha!

📣 Préstanos anunciar que'l «XLIV Congresu Internacional de Filoloxía y Cultura Asturianes (CIFCA)» va llevase alantre los díes 3, 4 y 5 de payares del 2026. El so programa, como tolos años, va xuntar actividaes de formatu estremáu: conferencies, presentaciones, conversaciones lliteraries y comunicaciones.

Amás, anguaño, ta previsto que la xornada del xueves 5 acueya un monográficu sobre'l piesllu del proyeutu internacional d'investigación «Patronymica Romanica» (PatRom), depués de cuatro décades de xera filolóxica onde la ciencia asturiana, al traviés de la Universidá d'Uviéu y l'Academia de la Llingua Asturiana, tuvo un papel destacáu.

➡️ Más información: https://cutt.ly/FyoOnNDe

El Conseyo de redacción de «Viermo Carpinteiro» presenta el númaro dous da revista cua intervención dos autores.El exemp...
30/07/2026

El Conseyo de redacción de «Viermo Carpinteiro» presenta el númaro dous da revista cua intervención dos autores.

El exemplar novo presentóuse núa das actividades complementarias del Curso de Capacitación Docente d'Eonaviego nun acto aberto al público nel complexo cultural As Quintas da Caridá.

Moderao por Carmen Muñiz, directora da publicación, y Aurora Bermúdez, nembro del Conseyo de redacción, os autores lleron as súas contribucióis de narrativa y poesía pra qu'el público podese conocer as voces máis novas del país.

El númberu 29 de la revista Cultures asoléyase esti branu en dos volúmenes qu'atropen la mayor parte de los trabayos pre...
29/07/2026

El númberu 29 de la revista Cultures asoléyase esti branu en dos volúmenes qu'atropen la mayor parte de los trabayos presentaos nel Congresu Mundial de Cultura Asturiana (CMCA), celebráu en febreru del 2025.

Nesti tiempu, autores, coordinadores y equipu editorial trabayaron na escritura, revisión y maquetación de más de mil páxines de conteníu que nun faen otro qu'afitar inda más la importancia de la investigación antropolóxica n'Asturies y ayudar a echar la buelga pal futuru d'esta.

La bayura de los artículos recoyíos espéyase nes estayes «Discursos d’identidá, autenticidá y patrimoniu», «Cuestiones de sociollingüística», «Ciudá y mundu global», «Caltenimientu de vezos tradicionales», «Paisaxes inmuebles y muebles» y «El mundu de les creyencies», nes que participen autores más de cincuenta autores del país ya internacionales.

Dambos volúmenes tán yá en distribución y puen atopase nes llibreríes asturianes y na de l'Academia de la Llingua Asturiana.

El 28 Congresu de l'Association pour les Langues et Cultures Européennes Menacées (ALCEM) celebróse n'Uviéu los pasaos v...
29/07/2026

El 28 Congresu de l'Association pour les Langues et Cultures Européennes Menacées (ALCEM) celebróse n'Uviéu los pasaos vienres 24 y sábadu 25 de xunetu.

Nel marcu de les actividaes del congresu diose a conocer el nuevu númberu de «Cultures», qu'atropa los trabayos del Congresu Mundial de Cultura Asturiana (CMCA).

Los autores del númberu Lisardo Lombardía y Susana Markendorf acompañaron a Roberto González-Quevedo, direutor de la revista, nel actu de presentación, que se desenvolvió nel salón d'actos del Muséu Arqueolóxicu d'Asturies.

El vienres 24 de xunetu púnxose'l ramu a la edición del 2026 de la Universidá Asturiana de Branu (UABRA), organizada pol...
27/07/2026

El vienres 24 de xunetu púnxose'l ramu a la edición del 2026 de la Universidá Asturiana de Branu (UABRA), organizada pola ALLA a comuña col Vicerrectoráu d’Estensión Universitaria de la Universidá d’Uviéu y col sofitu de la Fundación Municipal de Cultura del Conceyu d’Uviéu.

A lo llargo de la selmana lo cursos de «Preparación pa la certificación C1 de llingua asturiana», «El movimientu obreru na lliteratura asturiana contemporánea» ya «Intelixencia Artificial aplicada al aula de Llingua Asturiana» y les actividaes complementaries movilizaron a más d’un centenar de persones, que compartieron los sos conocimientos y esperiencies nun entornu llingüísticu dafechamente n’asturianu.

¡Munches gracies a toles persones que collaboraron y participaron nesta edición!

Mañana, sábadu 25 de xunetu, nel marcu del congresu d'ALCEM que se ta celebrando n'Uviéu estos díes, preséntense los dos...
24/07/2026

Mañana, sábadu 25 de xunetu, nel marcu del congresu d'ALCEM que se ta celebrando n'Uviéu estos díes, preséntense los dos volúmenes del númberu 29 de la revista Cultures (Actes del CMCA25). La presentación, de calter breve, busca dar a conocer los exemplares que tán acabante d'asoleyase a falta d'una presentación institucional más alantre nel añu.

L'actu va facese'l sábadu 25 de xunetu, a les seis y diez de la tarde, nel Muséu Arqueolóxicu d'Asturies.

Dirección

Cai L'Águila, 10. Uviéu, Asturies
Oviedo
33003

Horario de Apertura

Lunes 09:00 - 14:00
Martes 09:00 - 14:00
Miércoles 09:00 - 14:00
Jueves 09:00 - 14:00
Viernes 09:00 - 14:00

Teléfono

985211837

Página web

Notificaciones

Sé el primero en enterarse y déjanos enviarle un correo electrónico cuando Academia de la Llingua Asturiana publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.

Contacto La Universidad

Enviar un mensaje a Academia de la Llingua Asturiana:

Atajos

Compartir