¿Qué es el sitio web?

Hispona

Grupo de Investigación de Historia Política e dos Nacionalismos da Universidade de Santiago de Compostela.

O Grupo de Investigación HISPONA xurde na facultade de Xeografía e Historia da Universidade de Santiago de Compostela hai xa algúns anos. Agora, comezamos unha nova andaina que nos gustaría partillar con todas e todos vós. Como o propio nome indica, o noso grupo ten dous eixos fundamentais de pescuda. Dunha banda, a historia política, entendida en senso amplo, na liña das correntes actuais da Hist

oria cultural da política, mais tamén da Historia dos partidos políticos, as institucións e os movementos sociais, incluíndo o papel dos símbolos, as representacións e as culturas e identidades políticas, e igualmente algunhas novas pescudas orientadas cara á Historia sociocultural da guerra e da violencia política. Un segundo eixe de investigacións veu determinado pola concentración nos estudos sobre os nacionalismos, identidades nacionais e rexionais, e discursos territoriais na Galicia, España e Europa contemporánea. Así, pois, o grupo posúe unha vocación interdisciplinar, sobre todo no referido ó intercambio e uso de metodoloxías e marcos teóricos adoptados doutras ciencias sociais, nomeadamente a Socioloxía, a Antropoloxía e a Ciencia Política…

A través desta canle que agora ve a luz, gustaríanos compartir xa non só as actividades e eventos organizados polo grupo, senón todos acontecementos que, dalgún ou doutro xeito, consideramos que poden ser do interese de todas e todos aqueles vencellados ó mundo da Historia.

09/06/2026

Hoxe!

25/05/2026

O ourensán foi premiado por un ensaio sobre a participación de Galicia na campaña de Rusia, á que acudiron uns 2.500 voluntarios

22/05/2026

O noso Marco Virgilio García Quintela impartirá a conferencia " Culte d’Hélios et société dans la cité des Magnètes des Lois de Platon", convidado polo Centre d'études sur la pensée antique «Kairos kai Logos» (Francia).

📅 Data: Mércores, 27 de maio de 2026
🕕 Hora: 18:00 h
💻 Plataforma: Zoom (inclúe espazo de debate posterior).

Inscrición de balde. Solicita o teu enlace de conexión enviando un correo a [email protected].

18/05/2026

🗓️‼️ Esta semana teremos dobre presentación de "Un tory en España", a última obra do noso Emilio Grandío.

📍 20 de maio ás 19 horas na Libraría Day, Narón.
📍 21 de maio ás 19:30 horas na Casa das Campás, Pontevedra.

Agardámosvos!

14/05/2026

08/05/2026

La Voz de Galicia entrevista ao noso Emilio Grandío co gallo da súa última obra "Un Tory en España: Wing Commander James (WCJ) (1936-1941)"

23/04/2026

Xa no interesante seminario sobre o integralismo no Brasil e as súas relacións coa extrema dereita actual, a cargo de Odilon Caldeira.

22/04/2026

O noso Xosé Carlos Veiga García culmina un traballo de anos coa defensa da súa tese de doutoramento «‘Needle Nazis’: Conflito intergrupal e analoxías co nazismo nos EUA durante a pandemia da COVID-19».

21/04/2026

O grupo Hispona comprácese de anunciar un novo seminario dedicado ó fascismo no Brasil. Da man do profesor Odilon Caldeira Neto, achegarémonos ao integralismo brasileiro, ás súas raíces históricas e ás conexións que certos movementos autoritarios manteñen co presente.

📅 23 de abril
🕚 11:00 h
📍 Aula 15, Facultade Xeografía e Historia USC

21/04/2026

Hoxe rematou o seminario da RESHINT "Fronteiras (in)visibles: información, intelixencia e redes clandestinas (1936-1950)" dous días de traballo e reflexión sobre os progresos do proxecto e as expectativas de cara aos próximos meses. Seguimos!

Dirección

Santiago De Compostela

Página web

http://hispona.org/gl_ES/

Notificaciones

Sé el primero en enterarse y déjanos enviarle un correo electrónico cuando Hispona publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.