22/05/2026
📚 A Universidade de Vigo celebra as reivindicando lingua, cultura e memoria.
Este ano, a homenaxe foi para Begoña Caamaño, unha figura clave e profundamente transformadora da literatura galega contemporánea, pioneira na incorporación dunha mirada feminista sólida e comprometida tanto no xornalismo como na narrativa. A súa obra segue a ser un referente imprescindible para entender a evolución da creación literaria galega e o papel das mulleres nela.
A xornada combinou música, literatura e divulgación científica, coa actuación do dúo musical PÄRBO. Riobó & Pintos Duet, que amenizou o evento. Ademais, baixo a batuta do profesor Benigno Fernández Salgado, director da Área de Normalización Lingüística, tivo lugar a entrega dos Premios de poesía, relato curto e tradución 2026. Durante o acto, léronse fragmentos das obras gañadoras da man de Raquel Pérez Orozco, enlace de Igualdade da escola.
Na categoría de poesía, o primeiro premio recaeu en Alba Guzmán Falcón polo poemario Procurei/Rehabitar, o primeiro accésit foi para Francisco Fernández Dávila e o segundo accésit para Elena Pazos Linares. Na modalidade de relato curto, o primeiro premio foi para Noelia Fernández Romero polo texto Alén mar, o primeiro accésit recoñeceu novamente a Francisco Fernández Dávila mentres que o segundo accésit foi para Niobe Alonso Iglesias. Na categoría de tradución, o primeiro premio foi para Elvira Riveiro Tobío pola tradución de O Astrágalo, de Albertine Sarrazin, mentres que os dous accésits quedaron desertos.
Tamén se presentou un novo glosario que reforza o uso do galego no ámbito científico-técnico, contribuíndo á súa normalización en todos os espazos do coñecemento.
Unha celebración que reafirma o compromiso da Universidade de Vigo cun idioma que é identidade, coñecemento e futuro.
👉 https://www.uvigo.gal/universidade/comunicacion/duvi/uvigo-reivindica-galego-figura-begona-caamano-celebracion-letras-galegas-2026
