Lunes 09:00 - 21:00 Martes 09:00 - 21:00 Miércoles 09:00 - 21:00 Jueves 09:00 - 21:00 Viernes 09:00 - 21:00

Escola de Enxeñería Industrial da Universidade de Vigo

Casa
España
Vigo
Escola de Enxeñería Industrial da Universidade de Vigo

Páxina web oficial da Escola de Enxeñería Industrial da Universidade de Vigo en Facebook

02/06/2026

A estas alturas, non imos descubrir nada novo se dicimos que unha das grandes fortalezas da enxeñería industrial é a capacidade que dá para resolver problemas complexos. Pero... que pasa coas preguntas de moita transcendencia que a todos nos asaltan nesta época do ano?Falamos dos interrogantes clásicos: Que somos?, de onde vimos? e a onde vamos?
Na EEI non imos andar con rodeos. Temos claras as respostas. E estamos seguros de que, en canto as coñezas, resolverás a túa outra gran preocupación existencial: Que estudar e onde facelo?

🏛️ Que somos?
Unha Institución Pública de Educación Superior que ofrece formación integral en Enxeñería Industrial (grao, máster e doutorado). Unha Escola que deseña os seus títulos para dar resposta aos desafíos reais das empresas e da sociedade dun xeito eficiente, sostible e responsable, sempre dende o rigor.

⏳ De onde vimos?
Vimos de moi lonxe: somos unha Escola con 125 anos de bagaxe na Enxeñería Industrial. Ademais, este ano cúmprese o 15 aniversario (2011-2026) da maior ‘fusión universitaria’ de Galicia, que nos converteu no gran referente do sistema universitario galego.

🔮 A onde vamos?
Imos cara ao futuro. Aspiramos a seguir liderando as demandas sociais dun xeito innovador. Pero, sobre todo, imos a onde ti queiras chegar: porque sabemos que só a través dunha formación de calidade se garante un futuro cheo de grandes oportunidades no que facer realidade todos os teus soños.

Se miras hoxe o abanico de titulacións que impartimos na EEI, vas alucinar! Consulta a nosa oferta formativa: eei.uvigo.es/gl/estudos/oferta-formativa/

Xa o tes claro? Non te compliques a existencia e estuda na EEI! 🎓

29/05/2026

O COITIVIGO, en colaboración coa Escola de Enxeñería Industrial da Universidade de Vigo, vén de convocar a edición 2026 do Premio ao mellor Traballo Fin de Grao presentado na EEI durante o ano 2025.

Esta convocatoria ten por obxecto recoñecer a excelencia académica, técnica e profesional do alumnado egresado da EEI, así como reforzar os vínculos entre a Universidade, a profesión colexiada e o sector industrial.

🎓 A quen vai dirixido? Se defendiches o teu TFG entre o 1 de xaneiro e o 31 de decembro de 2025, animámoste a que presentes o teu proxecto. Quen sabe se o teu traballo será un dos elixidos? É unha oportunidade de ouro para demostrar a túa valía e abrir as portas cara ao teu futuro profesional.

📅 Prazos: O prazo de presentación arrancou o 25 de maio e estará aberto ata o 25 de xuño de 2026.

🔗 Bases e inscrición: Toda a información e as bases da convocatoria pódense consultar na seguinte ligazón: 👉 https://www.coitivigo.es/colegiacion/premio-tfg

🚀 Se non dás o paso adiante, podes perder unha grande oportunidade de amosar o teu potencial. A que esperas? Participa!

26/05/2026

Despois de meses de moito traballo, de longas xornadas de estudo e de prácticas de todo tipo, xa estamos na recta final do curso, inmersos nun calendario de exames do máis esixente; deses que dan vertixe e que poñen a proba o sistema nervioso (“Keep calm and carry on”) 😵🌀📝

Aínda que non nos gusta dar consellos, queremos animarvos a saír a por todas e a dar o mellor de vós 💪✨

Lembrade o que sempre dicimos: non existe o fracaso, soamente aprendemos que algunhas cousas non se poden facer como pensabamos... E se non saen á primeira, aproveitade todas as oportunidades que tedes 🎯 As cousas non son como empezan, senón como rematan, e xa sabedes que na Escola nos gustan os finais felices 😊🏁

Desde a Escola queremos enviarvos unha mensaxe de ánimo para que afrontedes esta etapa coa moral moi alta, sempre con boa actitude e coa mentalidade de dar o mellor de vós para superar todo o que se vos poña por diante 🙌🌟

A vocación da xente que estuda en Industriais, o noso ADN, é a de resolver grandes problemas e mellorar a vida das persoas 🛠️ Aínda que non o creades, tedes unha preparación excelente para resistir e superar o calendario máis esixente, incluído o de Industriais 🏗️

A EEI non che dá ás, pero queremos que chegues moi alto. Ánimo e a por todas! 🚀🎓👏

22/05/2026

Este pasado mércores, 20 de maio, tivemos o privilexio de acoller unha nova edición, nada menos que a ###II, do Seminario de Loxística que vén organizando o “Grupo de Ingeniería de Organización” (GIO) da EEI. A xornada arrancou coa inauguración a cargo do noso director, José Fariña, e de José Carlos Prado, profesor do Departamento de Organización de Empresas e Márketing da UVigo, director do GIO e organizador do evento.
Os nosos parabéns ao grupo GIO por esta apaixonante xornada 🎉👏

Esta xornada, que xa é unha das citas máis destacadas no ámbito da loxística en Galicia, reúne cada ano na nosa Escola a máis dun centenar de profesionais/estudantes. Sen dúbida este evento é unha grande oportunidade de coñecer de primeira man proxectos sobre experiencias prácticas a través dun amplo panel de persoas expertas que, asemade, en moitos casos se formaron na nosa Escola. Vaia orgullo que sentimos cando volven á EEI a contarnos os grandes proxectos nos que están a traballar e liderando 🤝🚚

O noso agradecemento aos intervenientes por facer un oco nas súas apertadas axendas e achegarse ata a nosa Escola para compartir as experiencias dos seus proxectos. Tamén é unha honra ver como persoas egresadas da Escola están a facer grandes cousas nas empresas da nosa comunidade e a pór en valor a marca EEI por todo o mundo 🙌🌍

21/05/2026

Pensabas que xa o sabías todo sobre a Xeración T? Se pensabas que era unha moda pasaxeira, nada máis lonxe da realidade. A Xeración T non para de medrar e de deixarnos coa boca aberta coa súa preparación e dominio das soft skills.Pois si, hai quen di que as novas xeracións xa non son como as de antes… e teñen razón: Son mellores!. Vaia ‘profile’ gastan:

• TOP: Porque non se conforman con facer as cousas ben, sempre buscan chegar ao máis alto.
• TOGETHER & TEAM: Saben que o talento suma, pero o equipo multiplica.
• THINK: Pensan, analizan e, sobre todo, non teñen medo a dicir o que pensan.
• TROUBLE: Onde outros ven un problema, eles ven un reto complexo que resolver.
• TARGET: Van ao gran. Teñen as metas claras e os obxectivos no punto de mira.
• TRAVEL: Son unha xeración sen fronteiras, que domina linguas e que entende que o mundo é a súa casa (e o Erasmus, unha parada obrigatoria 😉)

Na EEI sentímonos orgullosos de contar con esta comunidade unida pola tecnoloxía e o talento. Grazas polo gran traballo que demostrades cada día, o futuro é da Xeración T, tamén Teu.

➡️ Identifícaste con este perfil? Se es dos nosos, déixanos un ❤️ e demostra que a Xeración T está máis viva que nunca. Que outra palabra con T define o teu grupo de traballo?

14/05/2026

Os días 8 e 9 de maio de 2026 a EEI volveu estar presente nunha nova edición de Ponteciencia (Feira da Miniciencia). Investigadores de distintas áreas da Enxeñería Industrial (Enxeñería Química, Enxeñería de materiais, Tecnoloxía electrónica, Enxeñería Biomédica…), a través de talleres interactivos, fascinaron ao alumnado de primaria, secundaria, bacharelato e FP, amosando a capacidade da ciencia e a tecnoloxía para transformar e mellorar o mundo que nos rodea. Para alucinar! ✨🔬

Na feira tamén contamos coa presenza da asociación estudantil UVIGO Spacelab, na que participan estudantes da Escola de Enxeñería Industrial de distintas disciplinas, que amosaron ao público o papel clave da Enxeñería Industrial no desenvolvemento dunha misión espacial real. Vaia maneira de dar á imaxinación do talento mozo! 🚀🛰️

Ponteciencia é un proxecto organizado pola Concellería de Educación do Concello de Pontevedra en colaboración coa FECYT – Ministerio de Ciencia, Innovación e Universidades, co obxectivo de desenvolver o pensamento investigador entre a xente máis nova achegando a ciencia e a innovación desde o máis próximo e cotián 👩‍🔬👨‍🔬

Tamén busca espertar a curiosidade e o interese científico a nivel persoal e colectivo, así como estimular a participación cidadá en procesos científicos 🧠🔎

Parabéns á organización desta Feira da Miniciencia e grazas a todas as persoas da Escola que se envorcaron para facer as delicias do público asistente. A pola seguinte! 🎉👏

08/05/2026

Este martes foi publicada pola Axencia Estatal de Investigación do Ministerio de Ciencia, Innovación e Universidades a resolución das axudas para incentivar a consolidación investigadora da convocatoria 2025, axudas que se enmarcan dentro do “PROGRAMA ESTATAL DE RECURSOS HUMANOS, DO PLAN ESTATAL DE INVESTIGACIÓN CIENTÍFICA, TÉCNICA E DE INNOVACIÓN 2024-2027”📰🎓

O obxectivo destas axudas é facilitar o inicio ou o afianzamento dunha liña de investigación mediante o financiamento dun proxecto propio de I+D+i e incentivar a creación de prazas de carácter permanente. 💡🔬📈

Dende a EEI queremos trasladarlle os maiores parabéns á nosa compañeira, a profesora/investigadora Xanel Vecino, pola consecución dunha axuda neste programa — sen dúbida, un merecido recoñecemento ao seu traballo e á súa proposta investigadora 👏🏅

A Escola quere amosar a súa ledicia por esta gran nova e resaltar que a solicitude da nosa compañeira, a nivel autonómico, foi a elixida das 9 candidatas seleccionadas de forma interna na Universidade de Vigo. Tamén pór en valor que, a nivel estatal, dentro da área de tecnoloxías medioambientais (TMA) só se financiaronn 3 proxectos, sendo un deles o da nosa compañeira 🌍🌱

Parabéns, Xanel! 🥳🌟

05/05/2026

Cando pensamos nas persoas que estudan unha carreira de enxeñería, imaxinámonos cabezas que están feitas para os números, ‘frikis’ da tecnoloxía ou algo así. Na Escola sabemos ben o que é talento mozo, temos o privilexio de g***r de xente que non deixa de sorprendernos cada día, de facernos sentir orgullosos das súas capacidades, da súa paixón por facer grandes cousas 🌟👩‍🔧📐

Aínda que sabemos que todas as persoas que estudan na EEI esconden moitas facetas sorprendentes, hoxe queremos facer un recoñecemento á nosa alumna, Alba Guzmán Falcón. Aos 18 anos xa tiña gañado 22 certames literarios, cunha maneira de escribir que rompeu moitos moldes para a súa idade 🏆✍️

Os seus escritos amosan unha preocupación, un gran compromiso coa sociedade. A medida que ía crecendo, en idade e tamén en madurez, comezou a incluír nos seus escritos crítica social. «Quería que tivesen unha mensaxe sobre o feminismo, sobre a inmigración, sobre os dereitos humanos ou calquera cousa que eu pensase que merecía ser escoitada». Nela sempre hai unha «vea activista», que considera fundamental, sobre todo entre a súa xeración ✊🌍

Con «A vinganza de Paquiño Jackson» (Xerais, 2025) gañou o IV Premio Xuventude Crea 2024 de Novela Curta, programa da Xunta de Galicia, que xa conseguira en 2021 con «Xoaniña de Deus» (Xerais, 2022). Vaia maneira de escribir, que imaxinación! 🤩

Recomendámosvos que non vos perdades a recente entrevista da TVG 👉 https://tvg.gal/ejirv1

04/05/2026

A competición de robots sempre nos deixa mostras da creatividade que amosan os equipos participantes, e trasládanos no tempo coa caracterización elixida para os seus robots.

Dentro dos premios que se outorgan nas diferentes categorías da competición, queremos destacar o da ‘Orixinalidade’. Un recoñecemento que quere pór en valor a vea Artística das disciplinas STEAM.

A verdade que non é doado o veredicto deste premio por parte do xurado porque hai moi boas propostas. Nesta edición os finalistas foron as dos equipos:

A Xeración Robótica de 3º ESO do IES Castelao

Ángeles bot2 de 4º ESO do Colexio Ángel de la Guarda

O gañador ao premio da ‘Orixinalidade’ ao final correspondeulle ao Ángeles bot2 do Colexio Ángel de la Guarda de Nigrán 🏆👏

Os nosos parabéns a todos os equipos participantes polo seu esforzo e o bo traballo que fixeron cos seus robot. Felicitar ao equipo gañador na categoría Be Robot, aínda que Raio Mcqueen non puidese ser o máis rápido nas probas...outra vez será 🤖🤩

28/04/2026

Este xoves 30 de abril ás 12:30 inaugúrase no vestíbulo da EEI-Sede Campus a exposición das fotografías finalistas do IV Concurso de Fotografía. Trátasae dun certame que foi convocado pola Asociación de Enxeñeiros Industriais de Galicia (AIIG) e o Ilustre Colexio Oficial de Enxeñeiros Industriais de Galicia (ICOIIG) baixo o slogan de “Enxeñería Industrial na Sociedade” 📸🖼️

A exposición, aberta ao público, poderá visitarse no vestíbulo da EEI-Sede Campus ata o 15 de maio! 📅 Trátase dunha mostra de imaxes que dalgunha maneira caracterizan a enxeñaría industrial, a súa estética, o seu espírito e a súa importancia nas nosas vidas. As imaxes tamén buscan achegar a Enxeñaría Industrial á cidadanía, amosando o seu impacto en ámbitos como a enerxía, a industria, a innovación e a sustentabilidade.

Non perdas esta oportunidade para descubrir, tamén imaxinar, o papel tan importante que ten a Enxeñería Industrial na vida das persoas, na sociedade.

+Info: https://eei.uvigo.es/gl/escola/comunicacion/axenda/?event_id1=42734

Dirección

Sede Campus: Calle Maxwel, Campus Universitario Lagoas-Marcosende
Vigo
36310

Horario de Apertura

Lunes	09:00 - 21:00
Martes	09:00 - 21:00
Miércoles	09:00 - 21:00
Jueves	09:00 - 21:00
Viernes	09:00 - 21:00

Página web

http://www.eei.uvigo.es/

Notificaciones

Sé el primero en enterarse y déjanos enviarle un correo electrónico cuando Escola de Enxeñería Industrial da Universidade de Vigo publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.