27/08/2026
Raayyaa Ittisa Biyyaa Itiyoophiyaa; birmadummaa biyyaa kabachiise!
(WKGHB,Hagayya 21/2018)
Yeroo teeknooloojiin addunyaa saffisaan guddachaa jiru kanatti dandeettiin nageenya kabachiisuufi ittisa biyyootaa sirna waraanaa baramaa qofaan osoo hin taane beekumsa, odeeffannoofi teeknooloojii ammayyaa irratti hundaa’aa dhufeera.
Raayyaan Ittisa biyyaa Itiyoophiyaas barii jijjiiramaarraa eegalee riifoormii gaggeeffameen falaasama saayinsii waraanaa ammayyaa bu’uura godhachuun humna ittisaa cimaa ta'uun ijaarameera.
Har’a meeshaalee waraanaa ammayyaa, gurmaa’insa sirrii fi qarooma yaada saayinsaawwan durfamuun teeknooloojii fayyadamuun, akkasumas loogii siyaasaa irraa bilisa tahuun akkuma maqaa isaa raayyaa ittisaa Itiyoophiyaa ta’eera.
Raayyaan Ittisaa Itiyoophiyaa, yaadama seeraa fi seenaa cimaa, caasaa ammayyaa fi dandeettii teeknooloojii olaanaatti fayyadamuu, seera kabachiisuu fi nageenya biyyaa eeguu keessatti gahee ol’aanaa bahachaa jira.
Humnoonni finxaaleyyii fi jeequmsa uumuuf socho'an fedhii isaanii galmaan gahuuf nageenya hawaasaa fi tokkummaa biyyaa gaaga'ama keessa galchuuf xixxifatanis, Raayyaan Ittisa Biyyaa qophii ammayyaa fi tarsiima’aan gocha isaanii fashaleessaa jira.
Raayyaan Ittisaa Biyyaa, misoomawwan bu’uuraa kanneen akka geejjibaa, annisaa fi teeleekoomii akka hin mancaane eegumsa cimaa taasisa.
Akkasumas, dandeettii odeeffannoo fi teeknooloojii ammayyaatti fayyadamuun sochiiwwan badii dursanii ittisuu irra darbee, odeeffannoowwan dogoggoraa humnoota kaniinuu faca'an caaluudhaan tasgabbii uumaa jira.
Waraanafi jeequmsa ittisuun imala guddinaa fi nageenya biyyaatiif filannoo kan hin qabne yoo ta'u, Raayyaan Ittisaa Biyyaas gahee heeraMootummaan itti kenname gahumsa olaanaan ba’uun kabaja biyyaa mirkaneessaa jira. OBN
