Senteret arbeider for styrke kontakten mellom norske og franske forskingsmiljø og enkeltforskarar innan samfunnsvitskap og humaniora. Ei prioritert målgruppe er norske forskarrekruttar, i tillegg til etablerte forskarar ved dei deltakande norske fakulteta og institusjonane som kan nyte godt av Senteret sine tenester. Senteret sine praktiske oppgåver omfattar mellom anna:
• Støtte til phd-kurs og
seminar. Sjå retningslinjer for kurs og seminar (http://www.paris.uio.no/om-senteret/retningslinjer-seminarer-phdkurs-2015-jan.pdf)
• PhD/Post.doc-stipend for norske stipendiatar til Frankrike
• Mobilitetsstipend for franske forskarar som vert inviterte til Noreg
• NFR/FMSH-stipend
Meir informasjon om stipenda våre finn du på denne lenkja:
http://www.paris.uio.no/stipend/
Ut over støtte til stipendiatar og post.doc., gjev senteret normalt ikkje økonomisk støtte til reiser og til opphald i Frankrike. For slik støtte viser vi til avtalen mellom Noregs Forskingsråd og FMSH (sjå eige kapittel: " Stipend, støtte, o.l."). Denne avtalen gjev også norske forskarar høve til å gjere bruk av FMSH sin infrastruktur (bibliotek, kantine, skrivestove, o.l.). Nærare informasjon får ein ved å kontakte NFR eller Senteret. Carte d'accueil FMSH (som gjev deg lettere tilgang til bibliotek og arkiv, og rabatt på enkelte museer og utstillingar) samt bibliotekskort FMSH kan ein få ved å kontakte Senteret. Eit av Senteret sine fortrinn er tilhøyrdnaden til Fondation Maison des Sciences de l'Homme (FMSH). Dette er ein institusjon som hyser ei lang rekkje større og mindre forskingssenter og forskningsprogram innan samfunnsvitskap og humaniora, og med spisskompetanse på heile verda. Dette gjev Senteret unike moglegheiter til kontakt med eit breitt spekter av aktuelle forskingsmiljø. Senteret skal også, så langt det er mogleg, setje norske forskarar i kontakt med miljø og enkeltforskarar ved andre universitet og forskingsinstitusjonar i Frankrike.
