04/09/2026
Ydych chi'n dod i Gampws y Bae yn fuan? Yna darllenwch ymlaen!
Dyma ychydig o wybodaeth ddefnyddiol i chi cyn i chi gyrraedd.
Os ydych chi'n teithio mewn car, cewch eich cyfarch ar ôl cyrraedd a dylech fynd ar hyd y ffordd o fewn y campws i'r babell Casglu Allweddi:
• Bydd staff yn rhoi'r cerdyn allwedd i'r llety tra byddwch yn eich cerbyd.
• Yna cewch eich cyfeirio i'r iard agosaf at eich adeilad llety a chaniateir 20 munud i ddadlwytho eiddo.
• Gofynnwn yn garedig bod eich cerbyd yn cael ei symud oddi ar y campws ar ôl 20 munud.
Bydd ein maes parcio dynodedig yn Stiwdios y Bae yn rhad ac am ddim yn ystod y cyfnod Cyrraedd.
Os ydych chi'n cyrraedd ar droed/beic/trafnidiaeth gyhoeddus, cerddwch yn uniongyrchol i'r babell Casglu Allweddi ger blaen y campws.
Cliciwch ar y ddolen 'Paratoi ar gyfer cyrraedd' yn ein bio.
Beth allwch chi ei ddisgwyl wrth gyrraedd:
Bydd ein staff cymorth cyfeillgar wrth law i'ch helpu i lywio'ch ffordd o amgylch y campws. O lety, casglu eich cerdyn adnabod myfyriwr, archwilio mannau arlwyo campws, siopau lleol a mwy, byddwn yn gwneud ein gorau glas i ateb eich holl gwestiynau.
Ar ôl i chi setlo i mewn, byddem yn eich annog i archwilio'r campws, ymweld â'n stondinau gwybodaeth, cofrestru i feddyg teulu, ac archebwch tocyn Wythnos y Glas os nad ydych eisoes wedi gwneud hynny!
