10/09/2022
▃ ▂ ▁ 有一種窮，叫「能源貧窮」▁ ▂ ▃
隨住俄烏戰爭爆發🇷🇺🇺🇦，全球能源供應愈來愈緊張，發電燃料價格愈嚟愈貴，開始有好多人陷入「能源貧窮」💸。
✺「能源貧窮」即係咩？✺
國際上嘅普遍定義係：當能源支出佔咗你家庭收入10%以上，你就係處於能源貧窮。
✺「能源貧窮」係點嚟？✺
一開始，能源貧窮呢個名詞係用嚟形容一啲落後地區人民，或有貧窮家庭🏚 負擔唔起能源使用，甚或根本無法獲取能源嘅情況。之後亦都有人用嚟描述一啲家庭，佢哋屋企有病人，需要長期開啟維生設備而無法負擔高昂電費支出。
時至今日，能源貧窮成為日趨嚴重嘅社會問題。據英國《鏡報》報道，有商戶今年電費比上年升咗4倍有多。英國🇬🇧 亦有組織話今年冬天會有接近三分之一英國家庭落入能源貧窮嘅困境，所以時任英國財相辛偉誠💁🏽♂️ 都公布咗個價值千幾億港元嘅援助計劃，向每戶提供約4,000港元嘅能源開支資助，以解大家燃眉之急。
而喺德國🇩🇪，德國經濟研究機構今年7月都發表咗份報告，估計德國依家大約有四分之一民眾處於能源貧窮。報告話呢啲民眾將來可能需要社會支援，先負擔得起家庭能源開支，建議德國要調整吓社會保障津貼同制度，以反映過度上漲嘅能源成本，同時考慮擴大相關福利措施範圍，幫吓啲貧窮家庭，以免更多人都成為能源貧窮苦主。
為咗減緩全球暖化🌇，我哋節流（減少耗用能源）之餘都要開源（支持潔淨、可持續能源）。例如太陽能同風能呢啲可再生能源都係取之不盡，長遠嚟講，如果呢啲可再生能源技術發展更加成熟，每家每戶都可以輕易取得或者可以大量儲存，咁大家嘅能源開支就可以大大減低啦。如果唔係將來能源就會變到好貴，令好多人難以負擔。
你有冇聽人講過「能源貧窮」呢？留言分享吓你嘅睇法！
———
◑ 能量，是物理學上推動改變的源動力。立即追蹤「能源百科」，推動我們繼續發布更多好的內容！
#能源貧窮 #能源危機 #全球暖化 #能源百科 #智慧城市 #智慧能源
