JS 5100 科大理學院2016入學指南

08/08/2016

今日放咗JUPAS啦~ 入到JS5100既你，八月十號記得嚟註冊啦，以下係當日既必備清單
1. JUPAS confirmation letter
2. 身份證
3. 現金大約$1000 (以備不時之需同埋最緊要梗係報O camp啦，UST有恆生、中銀同東亞既ATM，帶張提款卡即可輕鬆搞掂！)
4. 少量文具

另外，返到嚟Reg Day記得要去足呢啲地方啊😎
1. Atrium - 入到大學緊係要報o camp啦😄嗰度有唔同Soc嘅counter俾大家報架❤
2. Sci Home - 記得要去聽talk啊🗣佢會介紹下reg科同major嘅事
3. LT-B -全部science嘅同學都喺度聽talk啦😎而IRE嘅係LT-F，BIBU同MAEC就係LSK 1007
4. Sci Home - 記得去Sci Home揀peer mentor啊😁佢地係呢緊一年會幫到你好多咖😎

最後，如果有咩問題，可以再透過呢個Page搵我地，必定盡心解答XD

07/08/2016

各位同學仔，聽日就係放榜嘅大日子啦，記得聽日早啲起身check啦😉記得係9點啊💪🏻希望大家都可以如願以償直入A1❤

收到科大 Science 嘅offer之後，記得要去銀行交$5000留位費啦🎩之後8月10號就係registration day註冊日，記得要返嚟啦😁

有咩問題歡迎問下我地㗎！

Hello大家好！歡迎咁多位準大學生嚟到Bio Soc為大家專設資訊總站。 Bio Soc全名係Biology and Biotechnology Students' Society, HKUSTSU，中文名就係香港科技大學學生會生物系及生物科技系學生會。 而我地係Bio Soc既幹事(Executive Committee)，簡稱Bio Ex-Co 仲有唔夠一個星期，大家就會收到... 《Uwants》

13/07/2016

放咗榜唔知道自己個分入唔入到嚟？可以上UST自己嘅score calculator計下自己個分高唔高過median🤔無論如何都祝大家入到心儀嘅學科啊💪🏻💪🏻

11/07/2016

仲有幾日就放榜啦😣同學仔一定好緊張好擔心自己嘅成績🤔不過唔洗擔心只要做足準備，到時就唔會嗱手唔成世啦！

可能有部分同學仲未清楚放榜當日既流程，仲覺得好亂，而家就簡單同大家複習多次啦！

當日返到學校，就會因應返唔同學校嘅程序去唔同地方收DSE成績表。之後就需要改選jupas，如果有需要就要去大專院校度交留位費。

我地為咁多位同學準備咗放榜日必備清單😛
1. 文具
2. 手機（差足電，最好帶埋尿袋）
3. JUPAS選科次序
4. 專上院校有條件取錄的確認電郵
5. 放榜攻略，例如中學的升學輔導手冊，2016/17聯招選科全攻略 (明報)等
6. 中四至中六的成績表、學生學習概覽(SLP) 及學校推薦信正、副本
7. 各種學歷及專業資歷證書正、副本
8. 身份證明文件正、副本
9. 證件相片數張
10. 提款卡、適量現金、適量散銀 (約$500-$1500作覆核成績、報名費、留位費及交通費之用)

收到成績之後唔洗騰雞，記得同身邊屋企人，老師，朋友好好傾下自己嘅岀路，祝大家7月13號放榜一切順利💪🏻

08/07/2016

距離放榜一星期都冇啦🙈相信咁多位中六生都開始緊張😫
但係唔洗怕，我地會一路陪住大家😝
下面呢個論壇大家記得Save做my favourite啦，上面會介紹理學院、科大同埋交通方法，有好多實用嘢架😍😍
P.S. 好嘢記得share俾其他人啦💪🏻
http://www.uwants.com/viewthread.php?tid=19076904&page=1&extra=page%3D1
http://www.discuss.com.hk/viewthread.php?tid=25902446&extra=page%3D1

Hello大家好！歡迎咁多位準大學生嚟到Bio Soc為大家專設資訊總站。 Bio Soc全名係The Biology Students' Society, HKUSTSU，中文名就係香港科技大學學生會生物系學生會。 而我地係Bio Soc既幹事(Executive Committee)，簡稱Bio Ex-Co 仲有唔夠一個星期，大家就會收到DSE成績。我地喺一年前都經歷過呢... 《Uwants》

13/06/2016

各位同學仔，聽日上晝9點就可以check自己轉JUPAS choice嘅time slot啦！睇清楚記得唔好錯過自己嘅時段啊！

01/06/2016

講咗咁多科大Science嘅資料，而家略略講下科大啦。

香港科技大學成立於 1991 年，有25年嘅歷史，係一間年輕嘅大學。 喺短短二十年間，科大已迅速在全球的學術界躍升，並於《2013 QS亞洲大學排名》及《QS全球年輕大學》排名位列榜首。

科大校園佔地超過60公頃，係香港第二大嘅大學校舍，座落於背山面海的清水灣半島上。9座宿舍一共提供約5000個宿位。除了有教室，實驗室和其他教學設施，科大仲擁有多項體育及康樂設施，包括多用途體育館、運動場、全天候草地田徑場、跑步徑、網球場，壁球場、奧林匹克規模的室外泳池和室內泳池。

如果對科大嘅環境有興趣，可以留言或者PM我地，我地好樂意解答你地嘅問題！！或者去HKUST嘅網站睇下：http://www.ust.hk/zh-hant/

26/05/2016

呢個post講下有關credit嘅野。

科大既學生喺畢業前都要讀夠120 credits 嘅，120個credits 入面包括左唔同既範疇，例如主修科要求課程(Major Requirement Courses)，大學核心課程(Common Core Courses)，選修科課程(Elective Courses) 仲有理學院要求課程(School of Science Required Courses)，下面有較詳細嘅介紹：

(1)主修科要求課程係指不同major要求必須完成的courses，其credits數量因不同major而異。

(2)大學核心課程係指4個科大希望同學裝備好自己既範疇，同學要根據相關要求修讀一定數量既課程。

(3)選修課程就係不計算在上述範圍之內的courses 可以比同學根據興趣去報讀唔同既科目。

(4) 理學院要求課程係指7個Science Foundation Course，1個laboratory course，1個 Language course，1個 IT course 同1個 0 credit既Science School Induction course

如果想知道更詳細嘅資料，歡迎留言同pm我地，或者可以去School of Science嘅網自己了解下：http://science.ust.hk/index.html

24/05/2016

睇完尋日9個major嘅簡單介紹之後，輪到跨學科課程，即係IPO啦。


理學院學可以選擇嘅跨學科課程分別有：

1. Dual Degree Program in Technology and Management (DDP)

DDP係一個五年制嘅雙學位課程，主要著重於全方位訓練學生係技術和業務上解難、良好溝通和人際交往嘅能力。課程包括工程學、商學及生物科技，讓同學在學業上有多元化的發展。就讀呢個課程嘅同學會以Bachelor of Engineering in a specific engineering discipline/Bachelor of Science in Biotechnology and Bachelor of Business Administration in General Business Management雙學位畢業。

網址：http://www.techmgmt.ust.hk


2. BSc in Risk Management and Business Intelligence Program (RMBI)

RMBI嘅課程雖然由Risk Management同 Business Intelligence兩方面組成，但就會著重係風險管理同Statistic方面。另外校方亦會注重為學生準備將來的專業考核。

網址：http://www.rmbi.ust.hk


3. BSc in Environmental Management and Technology (EVMT)

EVMT同ENVS的課程內容相近，但會著重更多從科學，技術，管理和社會的角度建立全面的解決方案的能力，以達致可持續發展，同時拓展同學們的國際視野。

網址：http://www.evmt.ust.hk


4. BSc in Individualized Interdisciplinary Major Program (IIM)

IIM係一個新開辦的課程。IIM為本地及國際的學生提供了一個非傳統及跨學校的學術途徑和視野，不同學校的不同部門結合起來，與學生制定一個跨學科的學習計劃。雖然同學們今年未可以喺JUPAS內選擇IIM，但係同其他IPO課程一樣，可以進入學校任何一個school之後再申請喺Year2修讀IIM。

網址：http://iim.ust.hk

23/05/2016

大家係咪好想認識下科大理學院嘅9個major呢？


1. BSc in Biochemistry and Cell Biology 生物化學及細胞生物學

課程概括：生物化學及細胞生物學主要修讀的重點是生物分子。初期的課程內容較為廣泛，鞏固同學的基礎知識，然後在較高階的現代分子生物學中找尋自己有興趣的科目。同學可以選擇修讀高階的科目，或者選擇更多進入實驗室進行培訓。

就業前景：這個課程的目的是讓學生多有機會深造，或投身不同的職業訓練行業，例如是教育和醫療。隨著大眾對創新科技及公共衛生的認知增加，畢業生有更多的機遇。


2. BSc in Biological Science 生物科學

課程概括：生物科學的課程設計多完化，包含現代生物學不同的範疇，例如動植物學、生物演化學及環境生物學等，讓同學能在生物學中自由探索。課程的靈活度相當的高，同學可自由選修其他學院的課程，例如工程學、人文學等。

就業前景：這個課程的重點是教授生物學知識，為學生提供了對所有職業道路需要的獨立學習技能。透過跨學科學習，畢業生有廣泛的選擇，能夠勝任不同職位。


3. BSc in Biotechnology 生物科技

課程概括：生物科技注重對不同生物科技和其產品的研習，將主要教授生命科學的應用，例如生物科技的理論應用。課程亦要求學生在不同領域有基本知識，例如生物化學和細胞學。

就業前景：生物科技同時注重裝備同學在生物科技的知識，讓同學在在製藥、農業等職場有發展空間。生物科技的興起為畢業生提供大量機會。


4. BSc in Biotechnology and Business 生物科技及商學

課程概括：生物科技及商學是一個嶄新的課程，顧名思義，不但融合了生物科技和商學之外，課程跨越多個學科，包括生命科學和各個領域和生物技術的應用，以及基礎商業科目包括會計及管理，微觀及宏觀經濟學，營運管理等。此課程將擴闊學生對生物科技及商學的國際視野。

就業前景：由於讀畢課程的畢業生修讀了生物科技及商學，同學們的就業前影十分廣闊。畢業生可能被製藥公司，生物技術產品，服務供應商和專注於生物技術的諮詢公司聘請。


5. BSc in Chemistry 化學

課程概括：修証化學的學生將修讀四種基礎化學課程，包括有機化學、無機化學，物理化學和分析化學。學生有四個專修學科可作選擇，包括：

(i) Biomolecular Chemistry 生物分子化學

(ii) Environmental and Analytical Chemistry 環境及分析化學

(iii) Material Chemistry 材料化學

(IV) Pure Chemistry 純化學

就業前景：修讀化學的畢業生可成為政府或私營實驗室的化驗師及技術員、教師、環境評估顧問、化學工程師、中醫藥研究員、藥劑師、實驗室儀器或電腦供應商的市場銷售員、科技專利主任、撰稿員、科學期刊或雜誌的記者，以及在本地或海外大學繼續深造。


6. BSc in Environmental Science 環境科學

課程概括：環境作為一個集成系統涵蓋了物理元素（空氣、土地、水）、生物元素（生物有機體及其互動）和人類活動。各元素之間的互相影響，與人類的日常生活息息相關。這個課程旨在讓學生掌握各環境科學領域的基礎知識和生態系統的教育。

就業前景：畢業生可投身政府機關（香港漁農自然護理處、香港環境保護署）、環境顧問機構（環境影響評估、自然資源管理）、與環境保護有關的非政府組織、從事公共教育工作（教師、環境保護團體、生態旅遊）及研究工作。


7. BSc in Mathematics

課程概括：數學幾乎滲透到各個學科的科學和技術。它也是商業，工程和其他學科如生物學，物理學和計算的語言。學生有六個專修學科可作選擇，包括：

(i) Applied Mathematics Track 應用數學

(ii) Computer Science Track 計算機科學

(iii) Mathematics and Physics Track 數學及物理

(iv) Pure Mathematics (Advanced) Track 高級純數學

(v) Pure Mathematics Track 純數學

(vi) Statistics and Financial Mathematics Track 統計及金融數學

就業前景：大概四分一的數學系畢業生會繼續升學，他們大都遠赴海外院校深造。另有四份一的畢業生會從事教育工作。其餘畢業生會從事於商業及服務性行業，如：行政管理、計算機程式設計、會計、保險、市場公關及銷售、採購、銀行財務。有些會從事研究工作。


8. BSc in Mathematics and Economics 數學與經濟

課程概括：數學與經濟是由數學系及經濟系合辦的課程。課程中約一半必修科目為數學課程科目，另一半為經濟課程科目。

就業前景：畢業生具備良好的數量推理能力、理解力，以及能以數學、經濟和社會學的方式有效地溝通。畢業生可繼續升學、從事教育工作，或在政府、私營機構及服務業就業。


9. BSc in Physics 物理

課程概括：物理學涵蓋範圍廣泛，從最微小的粒子到整個宇宙的形成都能以物理學的角度分析，是現代科學及工程學的基礎。物理系學生有機會研習各種有趣的課題，如：量子計算、納米科技、夸克子、黑洞以及超導體等。學生有三個專修學科可作選擇，包括：

(i) Applied Physics 應用物理

(ii) Physics and Mathematics Option 物理及數學

(iii) Pure Physics Option 榮譽物理

就業前景：畢業生可選擇繼續進修，或投身教育、研究、技術性銷售、法證、醫藥、商業、及銀行等行業。課程培養出學生良好的分析力及解難能力，使學生可投身於不同的行業。此外，政府機構或私營機構均提供充足的就業機會予物理系的畢業生。

如果想知道更詳細嘅資料，可以去School of Science嘅網自己了解下：http://science.ust.hk/index.html

17/05/2016

大家快啲睇下上年嘅admission score估下自己入唔入到嚟啦！
5月24號之後就冇得喺呢一輪改JUPAS choice啦

希望下年見到你地啊！

[admission score 2015]

DSE 考生最關心嘅admission score 出爐了，快啲 share 俾想入科大嘅朋友啦！

16/05/2016

今日要介紹嘅係Mathematics and Economics (JS 5813)同BIBU一樣，MAEC今年都係會收25人，同學們亦都可以讀完一年Science Program之後再transfer過去。大家可以參考下MAEC嘅收生要求睇下自己入唔入到咖。

大家亦都可以上學校提供嘅Score Calculator計下自己嘅分數：http://join.ust.hk/cal/cal.html

希望大家都可以如願以償入到自己心儀嘅學科啦！