01/04/2025
🏹🌅
大家好😆！我哋係2025-2026年度東華學院第十二屆職業治療學會 烯朢 Hesperus
🏹”Hesperus” 🌅
“Hesperus” 源自希臘神話，象徵黃昏時嘅金星，代表着指引同光明。我哋希望可以好似金星咁，陪伴着職業治療學系嘅同學，為同學嘅校園生活增添更多歡樂同色彩。
🏹「烯」🌅
「烯」字嘅本意係指火嘅顏色，由「火」同「希」組成，象徵我哋心中嘅火焰，即使面對各種挑戰仍會燃燒，綻放色彩。我哋會懷着心中呢團火焰，抱著能夠克服挑戰的決心，竭力為職業治療學系嘅同學服務。
🏹「朢」🌅
「朢」字嘅本意係指登高遠望，代表我哋追求卓越，努力不懈嘅精神，為同學提供優質嘅服務。呢個字代表我哋嘅理念，亦反映我哋會全心全意為同學提供幫助同支持。
🏹「烯朢」🌅
「烯朢」同「希望」同音，意指我哋烯朢會時刻懷着希望嘅信念，激勵自己勇往直前，力求提供精彩嘅活動同有質素嘅服務俾各位職業治療學系嘅同學。
🏹會徽🌅
本學會會徽有三種元素，分別係代表我哋嘅金星神，太陽同雲彩。金星神手持弓箭嘅形象，象徵我哋嘅團隊精神，就好似射箭所需嘅身體協調咁，我哋嘅莊員會分工合作同互相支持。而雲彩象徵一直為職業治療學系服務同付出嘅同學，太陽則代表本學會為同學帶嚟嘅溫暖。學會名稱中更有七粒星星✨，代表着七位莊員。
會徽嘅三種主色分別係感覺溫暖嘅橙色，充滿活力嘅黃色，同埋舒適親切嘅米白色，我哋希望可以營造出一種友好同包容嘅環境，令每位同學都能感受到彼此嘅支持同關懷。
🏹「烯驥晨光，朢峰共往。」🌅
前句寄意烯朢將會奔赴千里，竭盡所能為大家帶嚟好似晨曦咁溫暖嘅支持。
而後句指我哋志存高遠，勇攀高峰，追求合作同成長，陪伴各位職業治療學系嘅同學一齊進步，為追求心中理想而奮鬥🏃🏻♀️。
🏹”Hesperus ignites your passion, Unleash potential with precision.”🌅
前句表達烯朢可以點燃各位職業治療學系嘅同學對職業治療學系嘅熱情，增強同學對職業治療學系嘅歸屬感。
而後句則強調我哋希望同學可以喺我哋舉辦嘅活動中發掘自己嘅優勢，令大家各展所長。
🏹🌅
烯朢 Hesperus 在此承諾將恪守歷屆職業治療學會嘅赤忱之心🫶🏻 ，喺任期內全力以赴為職業治療學系嘅同學提供多元化嘅活動同優質嘅服務。我哋之後就會陸續介紹各位莊員👼🏻，想知多啲關於新一屆OT Soc 嘅資訊就記住要留意我哋嘅IG啦🧡💛！
烯朢 Hesperus🏹🌅
烯驥晨光 朢峰共往
Instagram:
