利樹培堂舊生會

12/11/2019

【緊急呼籲】
即刻返中大支援師弟妹，攜手衛我中大!
依一刻我地都唔知可以做乜，但越多人，越安全，唔好再俾師弟妹落單!

22/10/2019

【踢走建制，新宿做起】
今屆區議會選舉因為送中惡法而令很多素人挺身參選
其中新宿的一位舊生－李予信(阿信)(天一樓/2019)
北角錦屏 - 李予信 Shun Lee
成功入閘參選2019年香港區議會錦屏區區議員
堂歌有曰「玩比賽我地永沒退縮」
今次阿信親身落區，為信念不退後
希望新宿一眾舊生可以多多支持阿信
亦希望大家繼續在各個領域為香港出一份力
兄弟爬山，各自努力

20/10/2019

【齊心支持段校長】

10月18日，段崇智校長履行對學生的承諾，發出公開信。隨即，校長便遭到共黨機器之言語攻擊。

聖經中，撒旦曾對耶穌說：「這一切權柄和榮華我都要給你，因為這原是交給我的，我願意給誰就給誰。 你若在我面前下拜，這一切都歸你。」（路加福音4:6）

我們也曾認為段校長是社會權貴，只懂粉飾高牆，向在上位者獻媚。然而，聲明既出，即表示校長願意以世俗的權柄和榮華為代價，真誠地關心學生，承擔起中大人文精神的歷史重負。至於魔鬼要怎報復，或者他已豁出去了。

此等勇氣，純潔高貴，值得所有中大人的支持與尊敬。有中大人發起了支持校長的公開聲明，希望大家花一分鐘時間聯署支持：
https://bit.ly/32vf39T

28/07/2019

香港已經走入一個時代既分岔口，前路既一端係我地可以重奪民主、自由、正義、善治既香港，另一端係只可以睇住極權繼續侵蝕香港價值，以法之名剝奪我地對香港既美好想像。而係贏係輸，一切在乎今日我地依場運動點樣走落去。

住過新宿既我地多少都體驗過贏輸既滋味，傅盃時節，當知道贏同輸係取決於我地每個人今日肯付出幾多，新宿既傳統就係全情投入，爭取勝利。運動叻既就加入其中一支球隊投入練波，轉數快既就投入練習鋤dee UNO，手腳稍為協調既已經可以入跳大繩隊，就連無咩專長既，都可以玩逼巴士甚至攻城，總之團結，肯付出就係勝利既最大因素。

泰山不讓土壤故能成其大，河海不擇細流故能就其深，哪怕微小，但我地都係依場運動既一份子，我地都可以出一分力改寫將來，可以做既就乜都試下做，所以懇請大家都幫手簽個名，多謝！

我們是一群香港中文大學崇基學院的學生、校友及教職員。我們對香港六月以來特區政府和香港警察處理反對修訂逃犯條例運動的手法感到憤怒和痛心。 同時，我們對本校校友、1987年社工系畢業生、現香港警務處副處長兼行動....

17/06/2018

呢位人兄好熟口面！佢未就係新宿堂主渣渣輝。

祝各位新宿老鬼及宿生們，父親節快樂！
https://www.facebook.com/ohpamahk/videos/10216590402618698/

29/08/2017

【CC大O觀察員】

又到O camp既季節，舊生會特派員今晚返到眾志觀察CC大O六組會師情況，發現dem beat文化依然歷久不衰，而各大組既組beat甚至比以往更長更複雜（片中組beat就有成2分半鐘長）。

今年新宿出左兩位大組長，希望所有黎緊會住宿既師弟妹將新宿住得好幸福既舍堂文化繼續傳承落去！

02/07/2017

是日龍舟訓練！ 一次過經歷陽光同大雨！

20/05/2017

新宿工程正在進行
大家期待吓新宿嘅新面貌
PS 感謝三不館Hei Chan提供照片

17/05/2017

「願你走出半生，歸來仍是少年。」

當大家工作有多忙，生活有多大壓力，只要回到新宿，大家都會無憂無慮。

14/05/2017

【新宿，後會有期！】
新宿下星期就會開展全面翻新工程，為左讓舊生把握最後機會重返屬於我地依一代人既新宿，舊生會琴晚舉辦左新宿送舊盆菜宴，吸引左百幾位歷屆老鬼聚首一堂，係大廳食左一餐熱鬧又溫馨既晚飯。

飯後大家自由活動，係大廳玩牌藝，係大堂促膝夜話，返自己樓層飲酒，上天台睇吐露港...相信大家都互相分享左窩心既一個晚上。

等新宿裝修好，舊生會再邀請大家返新宿聚舊，新宿，後會有期！

photo credit: Steven Wu大大

13/05/2017

新宿送舊盤菜宴即將開始，老鬼返來囉！

10/05/2017

[分享回憶 送禮阿喂]
呢兩位宿生咁樣樣 一定係無錢買堂褸
在學嘅宿生有堂褸著好幸福喔
但係畢左業嘅老鬼又點算？
唔緊要 而加小編又化身送禮勤
係呢個post share一張有關新宿回憶嘅相
就有機會得到神秘獎品一份