Roinn na Gaeilge, Coláiste na Tríonóide

06/05/2026

Comhdháil lae le Roinn na Gaeilge
Dé hAoine 15 Bealtaine 2026

Téama 2026: An Lon Dubh / The Blackbird

Idir seo agus sin, seo trí go leith nóiméad de cheol an loin - éalú beag ó bhuaireamh an tsaoil!

Gach eolas faoin gComhdháil ag tcd.ie/Irish

06/05/2026

Scoláireacht Taighde Henry Flood

Fáilteoidh Roinn na Gaeilge, Coláiste na Tríonóide, roimh iarratais ar Scoláireacht Taighde Henry Flood don bhliain acadúil 2026-27. Taighde i réimse an bhéaloidis, na litríochta nó na teanga a bheidh i gceist agus ní mór céim sa Ghaeilge (grád II.1 nó I) a bheith ag an iarrthóir chomh maith le togra maith taighde. Scoláireacht bhliana is ea í ach is féidir í a athnuachan (faoi dhó ar a mhéad). Is fiú €8,000 in aghaidh na bliana chomh maith le fiacha (leibhéal AE) an scoláireacht seo.

Cuirtear iarratais – ina mbeidh togra taighde thart ar 1,000 focal, sampla scríbhneoireachta (e.g. miontráchtas nó caibidil as tráchtas iarchéime), achoimre ar aon mhaoiniú iarchéime eile a fuarthas go dtí seo nó a bhfuiltear tar éis cur isteach air, CV agus dhá theistiméireacht ghairide – chuig Ceann Roinn na Gaeilge ([email protected]) agus cuirtear cóip (CC) den teachtaireacht ríomhphoist sin chuig [email protected]

Is é an dáta deiridh d’iarratais
Dé hAoine, 26ú Meitheamh 2026
Tuilleadh eolais ar fáil ó: Riarthóir Roinn na Gaeilge, [email protected], (01) 8961450

05/05/2026

10 lá go mbeidh an Chomhdháil Bhliantúil againn anseo i gColáiste na Tríonóide - 15.5.2026. Failte roimh chách agus gach eolas ar an suíomh

28/04/2026

Alt ag céimí dár gcuid, Ross Coleman, in Irish Times an lae inniu...

Ní féidir brath ar an seomra ranga borradh a chur faoin líon Gael sa tír

25/03/2026

Más suim leat ceist an oideachais trí Ghaeilge, féach na cúrsaí atá dá dtairiscint i gColáiste na Tríonóide

19/03/2026

💚An bhfuil suim agat sa Ghaeloideachas? San oideachas lán-Ghaeilge agus Gaeltachta?💚

Beidh 📢seisiún eolais📢 ag ár gcuid comhghleacaithe i Scoil an Oideachais TCD tráthnóna inniu faoin gcúrsa M.Oid. san Oideachas Lán-Ghaeilge agus Gaeltachta - cúrsa páirt-aimseartha, ar líne agus ar an gcampas, thar dhá bhliain.

Tá an clár teagaisc leagtha amach do mhúinteoirí agus do cheannairí scoile agus tá maoiniú ar fáil sa chaoi is nach bhfuil ach €650 sa bhliain ar na táillí.

Tá eolas ar shuíomh an chúrsa (www.tinyurl.com/TCDMOid) nó buailigí isteach chuig an Seisiún Eolais a bheidh ar MS Teams ag 4pm. Scaipigí an scéal i measc bhur gcuid cairde in earnáil an oideachais!

24/02/2026

'Seans ar bith go stopfadh an bháisteach?'

'Is maith an scéalaí an aimsir' ach an mbeidh sé ag cur go deo na ndeor? 🌀 🌧️ 🌂 ❄️

24/02/2026

💚Dáta don Dialann💚

'An Lon Dubh' an téama a bheidh ag Comhdháil Choláiste na Tríonóide i mbliana, dá reáchtáil ag Roinn na Gaeilge. Gach eolas ar shuíomh na Roinne - www.tcd.ie/irish

20/01/2026

LÉACHT ROINN NA GAEILGE 2026 (cuid d'Éigse na Tríonóide)

Tá cáil ar na litreacha a scríobh Máirtín Ó Cadhain chuig Tomás Bairéad agus é faoi ghlas i gcampa an Churraigh idir 1940 agus 1944. Ach scríobh sé an oiread céanna litreacha chuige ina dhiaidh sin, litreacha nár foilsíodh agus nár pléadh riamh.

Sa léacht seo cuirfidh Aindrias Ó Cathasaigh síos ar an solas úr a chaitheann na litreacha seo ar an gCadhnach.

18/11/2025

Bhí iarmhac léinn dár gcuid, Ross Coleman, ar Raidió na Life 📻 le tamall gairid anuas - scríbhneoir é Ross, agus léigh sé gearrscéal dá chuid ar an gclár. 🤩

Tá an podchraoladh ar fáil thíos! 👏👏👏

Podcast Episode · Raidió na Life 106.4FM · 23/10/2025 · 21m