15/05/2026
প্ৰতি,
মাননীয় প্ৰধান আচাৰ্য মহোদয়,
ব:চৌ: শংকৰদেৱ শিশু নিকেতন, সৰ্থেবাৰী।
তাৰিখ: ১৫ মে’, ২০২৬
স্থান: সৰ্থেবাৰী
বিষয়: নিকেতন প্ৰাংগণৰ ঐতিহ্যমণ্ডিত গছকেইডাল কটাৰ সিদ্ধান্ত পুনৰ বিবেচনা কৰি সংৰক্ষণ কৰাৰ বাবে বিনম্ৰ অনুৰোধ।
মহোদয়,
সাদৰ সম্ভাষণ গ্ৰহণ কৰিব । আমি উক্ত নিকেতনৰ প্ৰাক্তন ছাত্ৰ হিচাপে আজি আপোনালৈ এক বিশেষ আহ্বান লৈ এই পত্ৰখনি লিখিছোঁ । সম্প্ৰতি সামাজিক মাধ্যমৰ জৰিয়তে আমি অৱগত হৈছোঁ যে নিকেতনৰ সন্মুখত থকা আমাৰ অতি মৰমৰ গছকেইডাল উভালি পৰা শংকাত কাটি পেলোৱাৰ সিদ্ধান্ত গ্ৰহণ কৰা হৈছে। এই খবৰটোৱে আমাক মৰ্মাহত কৰিছে।
এই সন্দৰ্ভত নিকেতনৰ প্ৰাক্তন শিক্ষাৰ্থীসকলৰ তৰফৰ পৰা আমি তলত উল্লেখ কৰা কেইটামান বিশেষ দিশ আপোনাৰ আৰু পৰিচালনা সমিতিৰ দৃষ্টিগোচৰ কৰিব বিচাৰিছোঁ:
শৈশৱৰ স্মৃতি আৰু আৱেগিক সংযোগ: নিকেতনৰ সন্মুখৰ এই গছকেইডাল কেৱল উদ্ভিদ নহয়, ই আমাৰ হাজাৰ হাজাৰ প্ৰাক্তন ছাত্ৰ-ছাত্ৰীৰ শৈশৱৰ এক নিৰৱ সাক্ষী। আমি পঢ়ি থকা দিনবোৰত এই গছবোৰৰ তলতে বহি টিফিন খাইছিলোঁ, খেল-ধেমালি কৰিছিলোঁ আৰু আটাইতকৈ গুৰুত্বপূৰ্ণ কথাটো হ’ল— আমি নিজেই এই গছবোৰ ৰোপণ কৰি মৰমেৰে প্ৰতিপালন কৰি ডাঙৰ-দীঘল কৰিছিলোঁ। ই আমাৰ বাবে এক জীৱন্ত ইতিহাস।
পৰিৱেশতন্ত্ৰৰ ভাৰসাম্য ৰক্ষা: গোলকীয় উষ্ণতা বৃদ্ধিয়ে সমগ্ৰ বিশ্বতে ত্ৰাসৰ সৃষ্টি কৰা এই সময়ছোৱাত এজোপা পূৰঠ গছ কটা মানে পৰিৱেশৰ এক অপূৰণীয় ক্ষতি কৰা। এই গছকেইডালৰ শীতল ছাঁই নিকেতনৰ চৌহদটো কেৱল সুন্দৰ কৰাই নহয়, গ্ৰীষ্মকালত ছাত্ৰ-ছাত্ৰীসকলক প্ৰাকৃতিক শীতলতাও প্ৰদান কৰি আহিছে।
শিক্ষাৰ্থীৰ বাবে নৈতিক নিদৰ্শন: নিকেতনত আমাক সদায় প্ৰকৃতি আইক সেৱা কৰিবলৈ শিক্ষা দিয়া হয়। তেনেস্থলত গছ কাটি আধুনিক নিৰ্মাণ কাৰ্য কৰিলে বৰ্তমানৰ ছাত্ৰ-ছাত্ৰীসকলৰ মনত ইয়াৰ এক নেতিবাচক প্ৰভাৱ পৰিব পাৰে। ইয়াৰ পৰিৱৰ্তে গছকেইডাল সংৰক্ষণ কৰিলে তেওঁলোকে প্ৰকৃতি প্ৰেমৰ এক বাস্তৱ শিক্ষা লাভ কৰিব।
বিকল্প ব্যৱস্থাৰ সন্ধান: আমি জানিবলৈ পাইছোঁ যে নিকেতনৰ উন্নয়নৰ স্বাৰ্থতে হয়তো এই সিদ্ধান্ত লোৱা হৈছে। কিন্তু আধুনিক স্থাপত্য বিদ্যাৰ সহায়ত গছজোপা অক্ষুণ্ণ ৰাখিও বিকল্প সন্ধান কৰাটো সম্ভৱ। আমি আশা কৰোঁ আপোনালোকে তেনে কোনো বিকল্প চিন্তা কৰিব।
ইতিমধ্যে আমি আপোনাৰ সৈতে টেলিফোনিক বাৰ্তালাপৰ জৰিয়তে আমাৰ শংকা আৰু আবেদন ব্যক্ত কৰিছোঁ। আপুনি আমাক আশ্বাস দিছিল যে আপুনি এই বিষয়ে পুনৰ বিবেচনা কৰিব। তাৰ বাবে আমি আপোনাৰ ওচৰত কৃতজ্ঞ।
আমাৰ এই আৱেগিক আবেদন আৰু পৰিৱেশৰ বৃহত্তৰ স্বাৰ্থক সন্মান জনাই গছকেইডাল নিধন কৰাৰ পৰিৱৰ্তে তাক সংৰক্ষণ কৰাৰ কোনো ব্যৱস্থা গ্ৰহণ কৰিবলৈ মই বিনম্ৰ অনুৰোধ জনালোঁ। নিকেতনৰ উন্নতিৰ বাবে প্ৰাক্তন ছাত্ৰ হিচাপে আমি সকলো ধৰণৰ সহযোগিতা আগবঢ়াবলৈ সদায় প্ৰস্তুত আছোঁ।
আপোনাৰ এক ইতিবাচক সিদ্ধান্তই আমাৰ নিকেতনৰ ঐতিহ্য আৰু প্ৰকৃতিৰ মাজত থকা মধুৰ সম্পৰ্কটোক জীয়াই ৰাখিব বুলি আমি আশাবাদী। শেষত আমি কোনো বিতৰ্ক নহওক বুলিয়ে আমি পোনপটীয়াকৈ আপোনাৰ লগত যোগাযোগ কৰিছিলো কিবা বিকল্প ব্যবস্থা ল'ব পাৰি নেকি কিন্তু আপুনি আমাৰ মনোভাৱ খিনিক কটু সমালোচনা কৰি ফেচবুকত বিতৰ্ককেন্দ্ৰিক পোষ্ট দিয়া বাবেও আমি গৰিহণা জনাইছো ।
ইতি,
প্ৰাক্তন ছাত্ৰ ভাৰতী ।
Since: 2011 🌲
