01/08/2025
*ঘোষণা*
*প্ৰয়াত উৎপল দেবৰয় গণিত মেধা বঁটা*
আপোনালোকক অবগত কৰিব বিচাৰিছোঁ যে কভিড' ত আক্ৰান্ত হৈ বিগত ২০২১ চনত অকালতে আমাৰ মাজৰ পৰা আতৰি যোৱা আমাৰ অতিকৈ শ্ৰদ্ধাৰ উৎপল দেবৰয় ছাৰৰ পবিত্ৰ স্মৃতিত প্ৰবৰ্তন কৰা প্ৰয়াত উৎপল দেবৰয় গণিত মেধা বঁটা চতুৰ্থ বৰ্ষৰ বাবে প্ৰদানৰ বাবে আবেদন গ্ৰহণ প্ৰক্ৰিয়া আজিৰে পৰা আৰম্ভণি কৰা হৈছে । ২০২৫ তথা চতুৰ্থ বৰ্ষৰ বাবে এই বঁটাৰ বাবে নিম্নোলেখিত চৰ্তাৱলী পূৰণ কৰিব পৰা ছাত্ৰ - ছাত্ৰীৰ পৰা আবেদন আহ্বান কৰা হ'ল।
চৰ্তাৱলী-
১) ছাত্ৰ/ ছাত্ৰী গৰাকী ২০২৫ বৰ্ষৰ স্নাতক উত্তীৰ্ণ হ'ব লাগিব।
২) ছাত্ৰ/ছাত্ৰী গৰাকীয়ে গণিত ( Mathematics) বিষয়ত উচ্চমান (MAJOR) সহ স্নাতক চূড়ান্ত ষান্মাষিক উত্তীৰ্ণ হ'ব লাগিব।
৩) ছাত্ৰ/ছাত্ৰী গৰাকীয়ে স্নাতক পৰ্যায়ত প্ৰথম শ্ৰেণী ( FIRST CLASS)/ CGPA- 6 Point বা ততোধিক/ A Grade অথবা A+ Grade লাভ কৰিব লাগিব।
৪) ছাত্ৰ/ছাত্ৰী গৰাকী যিকোনো মহাবিদ্যালয়ত অধ্যয়ন কৰিলেও তেখেত ডুমডুমা নগৰ আৰু ইয়াৰ উপকণ্ঠ অঞ্চলৰ ( ৰূপাই, কাকপথাৰ, ডিৰাক, ধলা, তালাপ, ডাঙৰী, ফিলবাৰী, কাকজান, হাঁহচৰা ইত্যাদি) বাসিন্দা হোৱাটো বাঞ্ছনীয়।
৫) যদিহে ছাত্ৰ/ছাত্ৰী গৰাকীয়ে গণিত বিষয়ত স্নাতকোত্তৰ মহলাত(MSc in Mathematics) নামভৰ্তিৰ সুযোগ লাভ কৰিছে তেনে প্ৰাৰ্থীক অগ্ৰাধিকাৰ দিয়া হ'ব।
আবেদনৰ প্ৰক্ৰিয়া -
১) ছাত্ৰ/ছাত্ৰী অথবা অভিভাৱকে পৰিস্কাৰ বগা কাগজত নাম ঠিকনা উল্লেখ কৰি এখন আবেদন লিখি তাৰ সৈতে স্নাতক চূড়ান্ত বৰ্ষৰ মূল্যায়ন পত্ৰ ( MARKSHEET) খন ফটো অথবা PDF ফৰ্মেটত " [email protected]" লৈ মেইল কৰি প্ৰেৰণ কৰিব পাৰিব।
২) অফলাইন মাধ্যম ত কোনো আবেদন গ্ৰহণ কৰা নহ'ব।
৩) আবেদন খনতে সক্ৰিয় ফোন নম্বৰ উল্লেখ কৰাটো অনিবাৰ্য।
বি:দ্ৰ:- আবেদন কৰোতে মেইলৰ Subject ত - APPLICATION FOR UDMMS-2025 শীৰ্ষক লিখিবলৈ অনুৰোধ থাকিল।
প্ৰয়াত উৎপল ছাৰৰ গণিত শিক্ষাক জনপ্ৰিয় কৰণ আৰু ছাত্ৰ -ছাত্ৰী সকলক সৰ্বোতপ্ৰকাৰে সহায় কৰাৰ মানসিকতা ক আগবঢ়ায় নিয়াৰ মানসেৰে এই বৰ্ষৰ এই বঁটাৰ বাবে এজন ছাত্ৰ বা এগৰাকী ছাত্ৰী ক -
১) নগদ ধনৰাশি
২) এখন মানপত্ৰ
৩)এটি স্মাৰক
৪) ছাত্ৰ/ছাত্ৰী গৰাকী ৰ প্ৰয়োজনীয় এখন কিতাপ
বঁটা হিচাপে আগবঢ়োৱা হ'ব। আগ্ৰহী ছাত্ৰ ছাত্ৰী সকলৰ পৰা ০১-০৮-২০২৫ ৰ পৰা ১৫-০৮-২০২৫ লৈ আবেদন আহ্বান কৰা হ'ল।
ফেচবুক ৰ বন্ধূমহল তথা বন্ধুতালিকা ত থকা অগ্ৰজ সকলক এই বাৰ্তা টো ছাত্ৰ ছাত্ৰী সকলে লাভ কৰিব পৰাকৈ উপলব্ধ কৰিবলৈ(SHARE) অনুৰোধ থাকিল।
