30/04/2020
গোলাঘাট বাণিজ্য মহাবিদ্যালয়ৰ অৱসৰপ্ৰাপ্ত অধ্যক্ষ
শ্রীযুত অনুপ কুমাৰ দাসদেৱলৈ
বিদায় সম্ভাষণ
শ্রদ্ধাভাজনেষু,
প্রথমে গোলাঘাট বাণিজ্য মহাবিদ্যালয়ৰ পৰিয়ালৰ হৈ আপোনালৈ আমাৰ আন্তৰিক ওলগ যাচিলোঁ। আজিৰ এই বিদায় ক্ষণত আপোনাৰ স'তে পাৰ কৰা প্ৰতিটো মুহূর্ত শ্রদ্ধাৰে সুঁৱৰিছো। মহাবিদ্যালয়ৰ সুদীর্ঘ কৰ্ম জীৱনৰ সময়ছোৱাত অধ্যাপক আৰু অধ্যক্ষ হিচাপে লাভ কৰা উমাল সান্নিধ্যৰ স্মৃতি আমাৰ মনাকাশত আজিও সজীৱ হৈ আছে। গত সময়ছোৱাত পৰিলক্ষিত হোৱা আপোনাৰ কৰ্মোদম, কৰ্মদক্ষতা, আপোনাৰ চিন্তাৰ গভীৰতা আৰু সহজ সৰল ব্যক্তিত্ব আমাৰ বাবে সদায় পাথেয় হৈ ৰ'ব।
হে মান্যবৰ
আজিৰ এই বিদায় মাথো এক পৰম্পৰাহে। এই মহাবিদ্যালয়ৰ পৰিয়ালৰ লগত থকা আত্মিক সম্বন্ধই আমাক সদায় আপোন কৰি ৰাখিব। আপোনাৰ প্রতি থকা আমাৰ শ্ৰদ্ধা, মৰম, ভালপোৱা চিৰসেউজীয়া হৈ থাকিব। আপোনাৰ ব্যক্তিত্বৰ অনন্য আঁকৰ অনাগত দিনবোৰতো একেদৰেই থাকক। এই বিদায় বেলাত আপোনাৰ নতুন জীৱনলৈ আমি জনাইছোঁ আমাৰ আন্তৰিক শুভেচ্ছা। আপোনাৰ নতুন জীৱনটো সুন্দৰ হওঁক, সুখময় হওঁক। আপোনাৰ সুস্বাস্থ্য আৰু দীর্ঘায়ু কামনা কৰিলোঁ।
মহাবিদ্যালয়ৰ পৰিয়ালৰ হৈ---------
