17/09/2023
ଗତ ୧୫ ସେପ୍ଟେମ୍ବର ୨୦୨୩ ସରକାରୀ ପଲିଟେକନିକ୍,ମୟୂରଭଞ୍ଜ କ୍ୟାମ୍ପସରେ “ଟେକ୍ନୋୟାନ୍ -୩.୦” ନାମକ ଏକ ଟେକ୍ଫେଷ୍ଟ୍ ଆୟୋଜିତ ହୋଇଯାଇଛି। ଇଞ୍ଜିନିୟର୍ସ ଡେ ଅବସରରେ ଆୟୋଜିତ ଏହି କାର୍ଯ୍ୟକ୍ରମରେ ଜିଲ୍ଲାର ୭ଗୋଟି ଇଞ୍ଜିନିୟରିଂ ସ୍କୁଲ୍ /ପଲିଟେକ୍ନିକ୍ସ୍ (ଉଭୟ ସରକାରୀ ଏବଂ ବେସରକାରୀ)ର ଛାତ୍ରୀଛାତ୍ରୀମାନେ ଅଂଶଗ୍ରହଣ କରିଥିଲେ। ଆମ ଶକୁନ୍ତଳା ସୁଦର୍ଶନ ବୈଷୟିକ ଶିକ୍ଷାନୁଷ୍ଠାନର ୨୩ଜଣ ଛାତ୍ରଛାତ୍ରୀ ଅଂଶଗ୍ରହଣ କରିଥିଲେ।ଶିକ୍ଷାନୁଷ୍ଠାନରୁ ମୋଟ ୪ଟି ପ୍ରୋଜେକ୍ଟ,୨ଟି ପୋଷ୍ଟର ପ୍ରେଜେନ୍ଟେସନ୍ ଟିମ୍, ୧ଟି ଟେକ୍ନିକାଲ କୁଇଜ୍ ଟିମ୍ କାର୍ଯ୍ୟକ୍ରମରେ ସାମିଲ୍ ହୋଇଥିଲେ। ଟେକ୍ନିକାଲ୍ ପ୍ରୋଜେକ୍ଟ ଇଭେଣ୍ଟରେ ଇଲେକଟ୍ରିକାଲ ବିଭାଗର "ଅଟୋମେଟିକ୍ ୱାସ୍ ବେସିନ୍ ଟୁ ସେଭ୍ ୱାଟର" ନାମକ ପ୍ରୋଜେକ୍ଟଟି ପ୍ରଥମ ସ୍ଥାନ ଅଧିକାର କରିଥଲା।ଉକ୍ତ ପ୍ରୋଜେକ୍ଟ ଟି ମୁଖ୍ୟ ଅଧ୍ୟାପକ ଇଂ ଯୁଧିଷ୍ଠିର ମହାନ୍ତ ଏବଂ ଅଧ୍ୟାପକ ଇଂ ବିଭୂତି ଭୂଷଣ ଗିରିଙ୍କର ପ୍ରତ୍ୟକ୍ଷ ତତ୍ତ୍ବାବଧାନରେ ୫ମ ସେମିଷ୍ଟାରର ବାପି ଓରାମ୍,ଗୁରୁଚରଣ ନାଏକ,ବିଜୟ କୁମାର ନାଏକ,ରାହୁଲ କୁମାର ମହାନ୍ତ ଏବଂ ଛତିଶ କୁମାର ମହାନ୍ତ ପ୍ରମୁଖ ପ୍ରସ୍ତୁତ କରିଥିଲେ। ପୋଷ୍ଟର ପ୍ରେଜେନ୍ଟେସନ୍ ଇଭେଣ୍ଟରେ ମେକାନିକାଲ୍ ବିଭାଗର ଛାତ୍ର ମିଥୁନ୍ କୁମାର ମହାନ୍ତ ଓ ଭଗବାନ ସୋରେନ୍ ୨ୟ ସ୍ଥାନ ଏବଂ ସିଭିଲ ବିଭାଗର ଛାତ୍ରୀ ବିଜୟଲକ୍ଷ୍ମୀ ମାର୍ଣ୍ଡି ଓ ସୁଷମାରାଣୀ ନାୟକ ୩ୟ ସ୍ଥାନ ଅଧିକାର କରିଥିଲେ।ଅନୁଷ୍ଠାନର ଡାଇରେକ୍ଟର ଇଂ ଉପାଲି ଉପମିତା ପ୍ରଧାନ ଏବଂ ପ୍ରିନସିପାଲ୍ ଇଂ ମାନସ କୁମାର ବାସ୍କେ ଛାତ୍ରୀଛାତ୍ରୀମାନଙ୍କର ଏ ସଫଳତାକୁ ବହୁ ପ୍ରଶଂସା କରିଛନ୍ତି।
