Bodoland University ABSU Kokrajhar

04/09/2026

बड'लेण्ड मुलुगसोलोंसालिनि दालाइ एब्सु आरो बड'लेण्ड मुलुगसोलोंसालि फरायसा खौसे आफादनि बान्जायनायाव बा सान हारिमु मावबादा लानायाव दिनै थाम साननि सोलोंबाय थानाय समाव लानाय मोनसे भिडिअ। Bodoland University Bodo Students' Literary Society Bodoland University

03/09/2026

मैयानिफ्राय जागायबाय हारिमुवारि मावबादा।
बड'लेण्ड मुलुगसोलोंसालि दुलाराय बर'फरायसा आफाद आरो बड'लेण्ड मुलुगसोलोंसालि फरायसा खौसे आफादनि बान्जायनायाव 2 सेप्तेम्बरनिफ्राय 6 सेप्तेम्बरसिम जागायबाय बेसेन नाङै हारिमुवारि मावबादा। बे हारिमुवारि मावबादायाव बागुरुम्बा मोसानाय, खाम दामनाय, सिफुं सुनाय बायदिखौ बेसेन गैया जासे फोरोंथाय होगासिनो दं।

28/08/2026

मैया मोनाबिलि समाव बडलेण्ड मुलुगसोलोंसालिनि लांगोनायाव बड'लेण्ड मुलुग सोलोंसालि दालाइ एबसु आरो बडलेण्ड मुलुगसोलोंसालिनि फरायसा खौसे आफाद जथायै बि.टि.चि. नि Deputy speaker सार बिथां बिजित गोरा नार्जारि आरो बड'लेण्ड मुलुगसोलोंसालिनिनो सासे फरायसुलि बबिता बसुमथारिनि अबथिरा जिउ फोजोबनानै लानायखौ दुखु फोरमायनानै आरो बिथांमोननि जिउमाया सोरगो रायजोआव आलो गोजोन थाहैनो मोनथोंखौ हास्थायनानै candle lighting हाबाफारि खुंफुंनाय जायो। हाबाफारियाव मुलुगसोलोंसालिनि फरायसाफोरजों लोगोसे Vice Chancellor सार बिथांजों लोगोसे मुलुगसोलोंसालिनि गुबुन prof. सार मोननि बाहागो लानायाव मोजांयै जोबनानै थांङो।

15/08/2026

बड'लेण्ड मुलुगसोलोंसालि कक्राझार
अक्ट: 15/08/2026
दुलाराय बर' फरायसा आफादनि थांखि बायदियै दिनैनिफ्राय खरसा आसामनि दाब दाब जिलायाव दैबाना लोमनानै मैला जानानै थानाय जायगाफोरखौ फोसाबहैनाय हाबाफारिया जागायबाय। बे हाबाफारियावनो बड'लेण्ड मुलुगसोलोंसालि दालाइ दुलाराय बर' फरायसा आफादनिफ्रायबो बाहागो लाफाहैनाय जायो।

08/08/2026

दिनै बड'लेण्ड मुलुगसोलोंसालि दालाइ दुलाराय बर' फरायसा आफादा बड'लेण्ड मुलुगसोलोंसालिनि लांगोनायाव थानाय बड'फा उपेन्द्र नाथ ब्रह्मनि मुसुखा आरो गुरूदेब कालिचरन ब्रह्मनि मुसुखाखौ साखोन सिखोन खालामनाय जायो। बे साखोन सिखोन खालामनाय हाबाफारियाव जोंनि मुलुगसोलोंसालिनि दालाइसा एब्सुनि बिबानगिरिफोरजों लोगोसे दालाइसा एब्सुखौ मोजांमोनग्रा माखासे फरायसा दैदेनगिरि बिथांमोना फैनानै जोंखौ खामानियाव मदद होफैबाय, बिथांमोन साफ्रोमनोबो दालाइसा एब्सुनि जानानै साबायखर बावहरबाय आरो मिजिंथियो फैबायथानाय समाव बेबायदिनो खामानिफोरखौ ज' ज' ओंखारना मावफानानै दालाइसा एब्सुखौ मदद होलांबाय थागोन होननानै।

*जै बर' हारिनि ।*
*दुलाराइ बर' फरायसा आफाद जिउ लावथों ।*

24/07/2026

बड'लेण्ड मुलुगसोलोंसालि, क'क्राझार
अक्ट': 24 जुलाइ, 2026 इं।

बड'लेण्ड मुलुगसोलोंसालि दालाइ दुलाराय बर' फरायसा आफादा थांनाय 10 जुलाइ, 2026 इं अक्ट'निफ्राय गोलोम बोथोरनि बेसेन नाङै फोरोंथाइ मावबादाखौ देबरगाव जौसिन गेजेरारि फरायसालिआव होबोगासिनो दं। बे फोरोंथाइ मावबादाखौ दिनै 24 जुलाइ, 2026 इं खालि फोजोबनाय जायो। दिनैनि फोजोबनाय हाबाफारियाव जोंनि बड'लेण्ड मुलुगसोलोंसालि दालाइ दुलाराय बर' फरायसा आफादनि आफादगिरि मुस्रि बिजिरगिरि नार्जारी, गाहाइ नेहाथारि मुस्रि मुसुखा नार्जारी, लोगो आफादगिरि मुस्रि फ्रबिन नार्जारी, रां लाथुमगिरि मुस्रि नायस्रां बसुमटारी, लोगो बुंथिगिरि मुस्रि सुरेस बसुमटारीजों लोगोसे सा क'क्राझार दख'रा एबसुनि गाहाइ नेहाथारि मुस्रि निरन्जय ब्रह्म आरो देबरगाव दालायसा एबसुनि आफादगिरिजों लोगोसे बिथांनि हान्जाया नुजाथियो।

22/07/2026

10/07/2026

बड'लेण्ड मुलुगसोलोंसालि,देबरगाव, क'क्राझार।
अक्ट':- 10 जुलाइ, 2026 इं।
बड'लेण्ड मुलुगसोलोंसालि दालाइ दुलाराय बर' फरायसा आफाद आरो देबरगाव दालाइसा दुलाराय बर' फरायसा आफादनि बानजायनायाव गोलोम बोथोरनि बेसेन नाङै फोरोंथाइ मावबादाखौ फैगौ 11 जुलाइ, 2026 निफ्राय 25 जुलाइ 2026 इं खालारसिम देबरगाव गोजौसिन गेजेरारि फरायसालिआव लानो थाखाय थि खालामनाय जादों। बेनिनो दिनै 10 जुलाइ, 2026 इं खालि हाबाफारिखौ बेखेवनानै लानाय जायो। बे बेखेवनाय हाबाफारियावनो बाहागो लाफैयो मिरु दुलाराइ बर' फरायसा आफादनि बाथ्रा दान्थे नेहाथारि, साहा कक्राझार एब्सुनि आफादगिरि आरो देबरगाव गोजौसिन गेजेरारि फरायसालिनि लोगो गाहाय फोरोंगिरि आरो दालाइ एब्सुनि बिबानगिरिमोनजों लोगोसे फरायसा बिथांमोना।

All Bodo Students Union - ABSU
"गुन गोनां सोलोंथाइ लानायाव बयबो बाहागो ला।"
ABSU Long Live

26/06/2026

बड'लेण्ड मुलुगसोलोंसालि, क'क्राझार
26 जुन, 2026 इं।

दिनै 26 जुन, 2026 इं खालि बड'लेण्ड मुलुगसोलोंसालि दालाइ दुलाराय बर' फरायसा आफादा आमथिसुवा फोरबोजों लोब्बा लाखिनानै आफादनि बिबानगिरि आरो सोद्रोमाफोरजों जयै रायदाव लायनाय आरो फिथाइ सामथाइ जानाय हाबाफारि लानाय जायो मुलुगसोलोंसालिनि केनटिनाव। बे हाबाफारिखौ सामलायो जोंनि बड'लेण्ड मुलुगसोलोंसालि दालाइ एबसुनि आफादगिरि मुस्रि बिजिरगिरि नार्जारीआ। हाबाफारियाव बाहागो लायो दालाइ एबसुनि गाहाय नेहाथारि, लोगो आफादगिरि आरो गासै बिबानगिरिजों लोगोसे बड'लेण्ड मुलुगसोलोंसालि फरायसा खौसेथि गौथुमनि गाहाइ नेहाथारि बिथां जाफुंसार ब्रह्म, बड'लेण्ड मुलुगसोलोंसालि बर' फरायसा थुनलाइयारि गौथुमनि आफादगिरि बिथां सानसुमा बर' आरो बिथांनि मावथि सोद्रोमा आरो जोंनि बड'लेण्ड मुलुगसोलोंसालि हौवासा आरो हिन्जावसा देरानि गोजाम आरो गोदान प्रिपेक्ट बिथांमोन आरो फरायसुला-फरायसुलि बिथांमोन।