12/06/2026
अक्ट' 12जुन 2026
#सुजित_नार्जारीनि_39थि_थैनाय_सान_फालिथाइ
दिनै 12जुन 2026 (सुक्रबार) खालि जनता फरायसालिमा दालायसा दुलाराय बर' फरायसा आफादनि बान्जायनायाव आलादा "बडलेण्ड सोमावसारनायनि गिबिसिन मुंख्लं सुजित नार्जारीनि" 39थि थैनाय सानखौ फरायसालिमानि मुंख्लं खाम्फा थानाय थावनियाव लोगोसे सुजित नार्जारीनि सावगारिखौ लाफानानै बिबार बाउनाय आरो दुलाराय बर' फरायसा आफादनि गोथार फिरफिलाखौ खावसे बिरहोनाय हाबाफारि लानाय जायो।मख'नो गोनांदि बे हाबाफारियावनो आफादनि फिरफिलाखौ बिरहोदों आफादनिनो आफादगिरि मुस्रि हरिदेब नार्जारी,सुजित नार्जारीनि सावगारियाव आलारि बाथि फोजोंगिरि आरो बिबार बाउजेनगिरि आलासि महरै जनता फरायसालिमानि गोरायुं ड. सुबुं बसुमतारी, मुंख्लं खाम्फायाव आलारि बाथि सावजेनगिरि आरो बिबार बाउजेनगिरि आलासि महरै जनता फरायसालिमानि लेङाइ गोरायुं मुस्रि बिथराय ब्रह्म सार बेजों लोगोसे राजखान्थि बिफाननि लोगो बिबुंगोरा मुस्रि सोगोमसार ब्रह्म सार लोगोसे जनता फरायसालिमा दालाइसा दुलाराय बर' फरायसा आफादनि बोसोनगिरि फारियै मुस्रि गोमोथाव बसुमतारी आरो मुस्रि दानेशर नार्जारी।जनता फरायसालिमा फरायसा खौसेथि गौथुमनि आफादगिरि ,गाहाइ नेहाथारि लोगोसे गुबुन गुबुन बिबानाव थानाय बिबानगिरि बिथांमोन, बर' थुनलायारि आफादनि गाहाइ नेहाथारिजों लोगोसे गुबुन गुबुन बिबानाव थानाय बिबानगिरि बिथांमोन। दालाइसा आफादनि गुबुन गुबुन बिबानाव थानाय बिबानगिरि बिथांमोनजों लोगोसे फरायसालिमायाव फरायनाय फरायसा बिथांमोन।
