Zoram Oxford, Serkawn

Zoram Oxford, Serkawn Zo-Sapte iptetpui lo khaina tlang, zirna lama, Zoram a mei detna hmun hmasa!

16/09/2016

Z.O.S TLANG ATANGIN

Famkimlo mihringten famkimlohna khawvela famkim kan zawnnaah hian, ka thian, keini chuan mite ngaih dan leh hmuh dana famkim tum lovin, dik tum i la. A tul hunah huaisen i la. Thutak tan tlattu ni zel bawk i la. Vertherna leh duhamna lakah kan thinlung kawngkhar leg rilru hi vawngin veng tha i la, kan lo famkim zo ta lo a nih leh kan nun erawh a zalen lawi si ang.

10/09/2016

Chhungkua hi zirna in hmasa ber a ni a, chu zirna in hmasa ber chu a enkawl leh a nih dan tur ang a i puitlin thei dawn lo a nih chuan a din lamah hmanhmawh suh. Chuti lo zawng ram ral, hnam tluchhia chawm lenna a ni thei thin.

02/09/2016

Z.O.S TLANG ATANGIN

Ram a kal dik nan khawtlang a dik hmasak a ngai. Khawtlang a kal dik nan khawtlang siamtu chhungkaw tin an dik a ngai bawk. Khawtlang siam thatna hi TRICKLE DOWN, a chunglam atang a a hnuai lam a chhuk thla ai mahin, a hnuai lam atang a a chung lam a chho chi a nih a rinawm. Chhungkua atangin khawtlang ah, chumi atang chuan ramah.

01/09/2016

Zirlai ti tha chawimawi thiam hi khawtlangin zirna a hma a sawn theihna pakhat a ni. Zirlai ti tha chawimawi thiam lo khawtlang hi khawtlang hmasawn a ni thei lo ang.

29/08/2016

Z.O.S THLIRNA

Zirna hi a zirtute an pawimawh rualin a zirna petute an pawimawh bawk. An pawimawhna hi 50% ve ve a tih theih. A zirtuin a zir that loh chuan zirnain hmasawnna a thleng thei lo, Chutih rualin a zirtirtu in a ziritir that loh chuan awmzia reng a awm lo bawk.

Zirna lama hmasawnna tak tak tur chuan an pahnih a tan an lak ve ve a ngai a ni.

He basic ho tak hi ZOS ah hian dinthar leh a tul takzet a, tun atanga beih a tul bawk a ni.

05/08/2015

Z.O.S THLIRNA
-SIKULPUI COLLEGE-

Hmanlai Serkawn kha engvanga vul nge a nih a, engvanga Mizoram huapa mite hriat khua nge a nih tih hi chhan tur ni ta se chhan a awm nual ang. A chhan pakhat zingah chuan zirna hmunpui a nihna kha a ni. Zirnaah pawh a hunlaia zirna sang ber Mizorama pek theih chin awmna a nih vang a ni. Tun dinhmunah Sikulpui te kan thar thawh leh a thil tha tak a ni. Sikulpui ah hian High Sikul chin pek a ni a. Zirna pawh kalpui zel a ni a. Kal zel dan tur chu lo dah tha i la, heti zawng hian in thlir dawn teh ang.

Mizorama zirna sang ber chu University a ni a, a hnuaiah college an awm a. Lungleiah hian college pali kan neia. Mahse kan la in daih lo hle. Hei hi kan dinhmun a ni a. Heti ang dinhmunah hian Serkawn khua hian college hi din ta zawk se kan thatpui zawk a ngem?

College din a nih chuan deptt tam tak siam nghal a ngai chuang lo a. Deptt pahnih thum vek atanga tanin a upgrade theih zel dawn a ni. A hmingah pawh Sikulpui College te pawh a tih theih bawk.

Lecturer ah pawh a buaithlak loh ang. Deptt hrang hranga P.G kan vengin a neihte lawrkhawma. An tam dan a zirte pawhin deptt pawh a hawn theih ang. Sawi zui thui lo i la.

Engpawhnise ta se a innghat thil a nh a. Ta se chuan khawtlang tan a va tha dawn em!

11/03/2015

TLAWMNGAIHNA

Tlangval pakhat chuan, "Ani chu chhiatni thatni ah a tel khat lutuk, an chhungkuain an tawh ve hunah an hre ve khawp ang" a ti al al. Ngaihtuahna a ti thui khawp mai. Tlawmngaihna hi inphutna tello a midangte puihna. Mamawh nikhua a phut let tel hauh lo a inphungbawm tawnna niin an sawi thin a. Mahse he tlangval thlir dan atang hi chuan a ti ve lo chu tih pui ve lo. A tel ve ngai lo chu puih an ngaih huna telpui loh lam a k**k ta tlat mai a ni.

Khawvel changkang leh hmasawn zelah hian mi tam zawk chu kan hman reng tawh lo a, hna avangte in ka buai zela. Tel deuh engang pawh nise an tel thei lo. Hmanlai society anga kal reng theih loh hun a awm tawh a ni. Heti ang hunah hian tam tak chu chhiatni thatnia tel hman lo an tawh tawh a ni. Khawpui zawkah phei chuan tam tak an ni tawh. Heti ang a nih lai hian kan tlawmngaihna hi phut let telna, a ti thin te chauh ngaihvena a ti ve ngai lote chu tel pui loh anga kan kalpui zel dawn?

Tlawmngaihna hi vawi ta zawhna zawh a ni tawh. Kan Serkawn ngei pawh hian kan zawt ve zel a nih hi! Engtin tak chhang zel ang maw?

10/03/2015

END OF AN ERA

Mihluite an ral zela. an hnutchhiah ang hnutchhiah thei erawh an awm lo zel thung. Serkawn Sikulpui concert te kha thu leh hla lama Mizoram deng chhuak thei khawpa Serkawn in nghawng a neih theih lai a ni. Kha laia an thu leh hla kha vawiin thleng zofate tana ro tling an la ni. K*m 100 a liam meuh chuan an thu hnutchhiah ang hnutchhiah theia, an hniak hnug zui thei tumah an awm tawh lo thung.

Serkawn Golden Era chu a rala, tunah erawh chuan kha era chawi thar leh tur leh ti nung leh tur an awm tawh lo.

09/03/2015

Serkawn tradition ropui tak pakhat chu bawhhlawh a bawma paih zel hi a ni :-D

16/11/2014

Z.O.S TLANG ATANGIN

Camping atanga pianthar kher tum mizote hi engatinge kan dak leh hma em em thin? Engngatinge camping khera pianthar kan tum?

A hmasa zawk hi chu chiang takin tawngtai leh bible chhiara fianral kan hman tam loh vang a ni. Fianrial hmang tam tak tak ringtu nun hi0a da leh mai mai thei lo. Hei hi mizote kan chak lohna ber a ni.

Camping khera pianthar kan tum hi kan ngaihdan dik lo tak pakhat a ni. Isua duh tak tak chu khawi hmunah pawh a pianthar theih. Bathroom pawh nise.

Nitin Pathian pawl la. Nun nuam tak hmang zel ang che.

15/11/2014

CAPITAL THA HMAN TANGKAI LOH

Bazar ni tuka thil thleng langsar tak chu Pukpui atanga lo kal chawhmeh supply Serkawn phei a Serkawn nu leh pa, veng dang nu leh pa hoin an lo changa an lo lei thin hi a ni.

A then chuan Indoor stadium kawtah an lo changa. A then a thleng hma ho chu damdawiin kawtah an lo in pho thin. Serkawn leh Zotlang lamte, Zohnuai pawh telin heng chawhmeh supply lo thleng hi bazar hla zawk pan ngai lo a lo leina remgchang tak a ni a, a tha hle a ni.

Heta zawhna lo lut chu, Serkawn hian bazar shed tha tak kan nei a, engngatinge he shed ah hian heng chawhmeh supply lo kal te hi kan lo in zawrh tir loh tih hi a ni. He bazar shed ah hian heng chawhmeh lo thlengte hi lo in zawrh tirin lo in pho tir zar zar i la chuan chawhmeh supply thar tha tha a kha man man takin kan lo lei thei zel dawn tihna a ni si a.

Hall kawta hah thi kula chawhmeh lo phur ho lo din tira an chawhmeh zawrh lo en sak luih luih ai chuan, Bazar shed ah hian in pho ti ta zawk i la. Damdawiin kawt vela mi dawr kawta hnawk taka an inpho ai chuan shed lamah hian sawn phei i la chuan chawhmeh zuar ho tan employment, sumdawnna tha tak pakhat kan siamsak tihna a ni dawna. Chawhmeh tha tha, thar tak tak, phai atanga an lo phurh stock hlui tak tak aia tha kan lei thei reng dawn tihna a ni a tha tak a ni.

Chu mai a la ni law. Bazar shed hi hman mumal tak a nih chuan pawisa leng vel a tam phah zual thei a. chu chu veng tana tangkai tak pakhat a ni thei a ni. Engtin nge chu chu a thlen ang? Bazar ni tuk atanga an in pho tan chuan nitina in pho duh an awm chho a nga. Bazar shed hman mumal loh, YMA thutthleng leh bungrua dah nana hman kha sumdawnna hmun tha takah a chang thei dawn ta a ni. Chu chuan a ni sum leng vak ti tam zual dawn ni.

He bazar shed, tuna kan tawih ral tir mai mai hi capital tha tak a ni a . A hman tangkai dan chu a veng miteah a innghat a ni.

13/11/2014

RAM HAUSA MIZORAM

Tunlai khawvela hautak ber chu FUEL hi a ni. Petrol, diesel, LPG kan tih ang te hi. Heng hi leihnuai atanga lakchhuah an ni a. Lei hnuai thuk takah petroleum hi a awm a. Chumi chungah chuan natural gas hi a awm a ni.

Petroleum atang chuan petrol, diesel te hi an la chhuak thin a ni. Khawvel changkang zelah heng fuel ho hmanna leh duhthawhna hi a sang zela. A hman remchem dan turah ram changkang apiangin hma an la nasa a ni.

Heti ang a nih mek lai hian Mizoramah hi chuan remchem lamah tan kan la lem lo. Hnai te te ah pawh kal dawn i la kan motor kan hawl chhuak zela. Ram changkangah ke a kal tam, fuel hmang chi hman tam loh lama tan an lak laiin keini chu veng chhungah pawh motor lo chuan kan kal tha peih tawh lo. Kan ram hi a lo hausa hle a ni ngei ang.

Thisen sang, b.p tha lo te hi tunlaiah chuan natna tlanglawn a ni tawh. Hengte pawhi taksa kan sawizawi tam loh avangte a thleng a ni. Lirthei kan chelek tam tulh tulhnain a hrinchhuahte a ni ve bawk.

Fuel remchem lama ram changkangte an intlansiak laia a changkang lo berten a remchem lo zawnga kan la hmang hi chu kan lo hausa hlawm hle ni tur a ni.

Address

Serkawn
Lunglei

Telephone

9863148071

Website

Alerts

Be the first to know and let us send you an email when Zoram Oxford, Serkawn posts news and promotions. Your email address will not be used for any other purpose, and you can unsubscribe at any time.

Shortcuts

Share

Category