Botanical Forum, Bhattadev University

13/03/2024

বজালী মহাবিদ্যালয় (এতিয়া ভট্টদেৱ বিশ্ববিদ্যালয়) ৰ উদ্ভিদ বিজ্ঞান বিভাগৰ প্ৰাক্তন মুৰব্বী অধ্যাপক মাননীয় উপেন্দ্ৰনাথ দাসদেৱৰ যোৱা ২৮ জানুৱাৰী তাৰিখে পৰলোকপ্রাপ্তি ঘটে। সেইহেতুকে উদ্ভিদ বিজ্ঞান বিভাগৰ গোটেই পৰিয়ালটোৱে মিলি তেওঁৰ বিদেহ আত্মাৰ সদ্গতি কামনা কৰি ঈশ্বৰৰ ওচৰত প্ৰাৰ্থনা জনোৱাৰ লগতে এখনি প্ৰশস্তিসভা অনুষ্ঠিত কৰোঁ। বিভাগৰ সহকাৰী অধ্যাপক ডঃ ৰূপজ্যোতি গগৈ ডাঙৰীয়াই বন্তি প্ৰজ্জ্বলন কৰি আৰম্ভণি কৰে। বৰ্তমানৰ মুৰব্বী অধ্যাপক কনক দাসদেৱে মৃতকৰ জীৱিতকালৰ কিছু কীৰ্তিৰাজিৰ বিষয়ে ছাত্ৰ-ছাত্ৰীসকলক অৱগত কৰায়।

উক্ত সভাত বিভাগৰ অধ্যাপক ক্ৰমে শ্ৰীযুত কনক দাস ডাঙৰীয়া, ডঃ ৰূপজ্যোতি গগৈ ডাঙৰীয়া, ডঃ পুৰঞ্জয় মিপুন ডাঙৰীয়া, ডঃ ৰিংকুমণি কলিতা ডাঙৰীয়াৰ লগতে বিভাগৰ ছাত্ৰ-ছাত্ৰীৰ একাংশ উপস্থিত থাকি স্বৰ্গগতৰ চিৰশান্তিৰ বাবে প্ৰাৰ্থনা কৰে।

09/05/2023

16/02/2023

যোৱাকালি ১৫ ফেব্ৰুৱাৰী, ২০২৩ তাৰিখে ভট্টদেৱ বিশ্ববিদ্যালয়ৰ ছাত্ৰ একতা সভাৰ 'তৰ্ক আৰু আলোচনা চক্ৰ বিভাগ'ৰ উদ্যোগত এখনি HUB QUIZ অনুষ্ঠিত কৰা হয়। উক্ত কুইজ প্ৰতিযোগিতাখনি ভট্টদেৱ বিশ্ববিদ্যালয়ৰ উদ্ভিদ বিজ্ঞানৰ মূৰব্বী অধ্যাপক কনক দাস ছাৰে শুভাৰম্ভ কৰে। অনুষ্ঠানৰ আৰম্ভণিতে ভূগোল বিজ্ঞান বিভাগৰ মূৰব্বী অধ্যাপক শৰৎ চন্দ্ৰ তালুকদাৰ ছাৰে উত্তৰ-পূৱ ভাৰতৰ কুইজৰ পিতামহ দিলীপ কুমাৰ বৰুৱা ছাৰক শ্ৰদ্ধাঞ্জলি জ্ঞাপন কৰে আৰু ছাত্ৰ-ছাত্ৰীক কুইজৰ প্ৰতি উৎসাহিত কৰিবলৈ ভাষণ প্ৰদান কৰে। এই কুইজ প্ৰতিযোগিতাখনত পৰিচালক হিচাপে ছাত্ৰ কল্যাণ পৰিষদৰ সঞ্চালক তথা অৰ্থবিজ্ঞান বিভাগৰ অধ্যাপক ড° পৰাগ কুমাৰ বৰ্মন ছাৰ, পদাৰ্থ বিজ্ঞান বিভাগৰ অধ্যাপক ড° উপকূল মহন্ত ছাৰ আৰু বিশ্ববিদ্যালয়ৰে গণিত আৰু ভূগোল বিজ্ঞান বিভাগৰ ছাত্ৰ ক্ৰমে বিকাশ দাস আৰু মানস প্ৰতীম ভূঞা উপস্থিত থাকে। তিনিটা ভাগত আজি কুইজ প্ৰতিযোগিতাখন অনুষ্ঠিত কৰা হয়।

কুইজ প্ৰতিযোগিতা খনত উদ্ভিদ বিজ্ঞান বিভাগৰ চতুৰ্থ ষাণ্মাসিকৰ ছাত্ৰ পলাশজ্যোতি তালুকদাৰ আৰু ষষ্ঠ ষাণ্মাসিকৰ ছাত্ৰ তথা ফ'ৰামৰ সমন্বয়ক চন্দনজ্যোতি তালুকদাৰে ক্ৰমে সাম্প্ৰতিক পৰিক্ৰমা আৰু বিজ্ঞান বিষয়ক কুইজত প্ৰথম স্থান লাভ কৰে।

তেওঁলোকৰ লগতে প্ৰতিযোগিতাত বিজয়ী হোৱা প্ৰতিগৰাকী ছাত্ৰ-ছাত্ৰীৰ উজ্জ্বল ভৱিষ্যত কামনা কৰিলোঁ।

29/12/2022

আজি ২৯-১২-২০২২ তাৰিখে ভট্টদেৱ বিশ্ববিদ্যালয় ছাত্ৰ একতা সভাৰ নৱনিৰ্বাচিত বিষয়-ববীয়া সকলে আনুষ্ঠানিক ভাৱে দায়িত্ব গ্ৰহণ কৰে। উদ্ভিদ বিজ্ঞান বিভাগৰ ছাত্ৰী তথা ব'টানিকেল ফ'ৰামৰ সক্ৰিয় সদস্যা লীনা মণি ৰয়ে সমাজ সেৱা বিভাগৰ সম্পাদিকা পদত শপত-গ্ৰহণ কৰিলে। লীনা মণিৰ লগতে ভট্টদেৱ বিশ্ববিদ্যালয় ছাত্ৰ একতা সভা, ২০২২-২৩ বৰ্ষৰ সদৌটিলৈ ফ'ৰামৰ তৰফৰ পৰা শুভেচ্ছা জ্ঞাপন কৰিলোঁ।

04/11/2022

যোৱা ২ নৱেম্বৰ, ২০২২ ইং তাৰিখে ফ'ৰামৰ উদ্যোগত অনুষ্ঠিত হোৱা প্ৰথমটো মেধা পৰীক্ষাত অংশগ্ৰহণ কৰা সকলোৱে ভাল ফলাফল দেখুৱাবলৈ সক্ষম হয়। ইয়াৰ ভিতৰত প্ৰথম স্থান অধিকাৰ কৰে তৃতীয় ষাণ্মাসিকৰ ছাত্ৰী ৰিয়াস্মিতা দাসে। দ্বিতীয় স্থানত কবিতা উপ্ৰেতী (তৃতীয় ষাণ্মাসিক) আৰু তৃতীয় স্থানত যুটীয়া ভাৱে বাৰ্লিনা কাকতি (তৃতীয় ষাণ্মাসিক) আৰু ডিম্পী তালুকদাৰে (তৃতীয় ষাণ্মাসিক) স্থান লাভ কৰে।

পৰীক্ষাত অংশগ্ৰহণ কৰা সকলোলৈ ফ'ৰামৰ ফালৰ পৰা অভিনন্দন জনাইছোঁ।

02/11/2022

"There was a hope, to fly on my own...
There was a hope, to do something on my own..."

Our HoD sir, when he was a student himself, gave birth to the Botanical Forum for ourselves, for the other ten, for the society. On various pretexts, sir's dream did not come true then, but now the "botanical forum" has been revived.

Today, November 2, 2022, The Founder and President of the Forum and The Department Head of the Department of Botany, Bhattadev University, Mr. Kanak Das sir officially inaugurated the "Botanical Forum" by lighting a lamp.
After this, Dwipshikha Dutta, a student of the fifth semester of the department, presented some points about the "historical perspective of botany".

As the first programme organized by the forum, a merit test was conducted among the students of botany department. The presence and positive support of most of the students helped in the successful implementation of the programme.

At the end, we wish the success of the forum.

02/11/2022

"এটা আশা আছিল, নিজাকৈ ডেউকা মেলাৰ...
এটা আশা আছিল, নিজাকৈ কিবা কৰাৰ..."

আমাৰ HoD ছাৰ, নিজে ছাত্ৰ হৈ থাকোঁতে আমাৰ বাবে, আন দহজনৰ বাবে, সমাজখনৰ বাবে জন্ম দিছিল ব'টানিকেল ফ'ৰামৰ। বিভিন্ন অজুহাতত, অসুবিধাত ছাৰৰ সেই সপোনে তেতিয়া পূৰ্ণতা নাপালেও এতিয়া পুনৰুজ্জীৱিত কৰা হ'ল ছাৰৰ হেঁপাহৰ "ব'টানিকেল ফ'ৰাম"।

আজি ২ নৱেম্বৰ, ২০২২ ইং তাৰিখে, ফ'ৰামৰ জন্মদাতা তথা সভাপতি আৰু ভট্টদেৱ বিশ্ববিদ্যালয়ৰ উদ্ভিদ বিজ্ঞান বিভাগৰ বিভাগীয় মুৰব্বী, শ্ৰীযুত কনক দাস দেৱে বন্তি প্ৰজ্বলনেৰে আনুষ্ঠানিক ভাৱে "ব'টানিকেল ফ'ৰাম"ৰ উদ্বোধন কৰে।
ইয়াৰ পিছত বিভাগৰ পঞ্চম ষাণ্মাসিকৰ ছাত্ৰী দ্বীপশিখা দত্তই "উদ্ভিদ বিজ্ঞানৰ ঐতিহাসিক দৃষ্টিভংগীৰ" সন্দৰ্ভত কিছু কথা উপস্থাপন কৰে।

ফ'ৰামৰ উদ্যোগত প্ৰথমটো উদ্গনিমূলক কাৰ্যসূচী হিচাপে উদ্ভিদ বিজ্ঞান বিভাগৰ ছাত্ৰ-ছাত্ৰীখিনিৰ মাজত এটি মেধা পৰীক্ষাৰ আয়োজন কৰা হয়। অধিকাংশ ছাত্ৰ-ছাত্ৰীৰ উপস্থিতি তথা ইতিবাচক সহযোগিতাই অনুষ্ঠানটো সফল ভাবে ৰূপায়ন কৰাত সহায় কৰে।

সদৌ শেষত, ফ'ৰামৰ সৎ উদ্দেশ্যৰ সফলতা আৰু উত্তৰোত্তৰ কামনা কৰিলোঁ।

01/11/2022

সমূহ ব'টানিয়ানৰ উপস্থিতি তথা সহায়-সহযোগিতা কামনা কৰিলোঁ ❤️🌼