Aniket College Of Social Work, Wardha.

15/05/2026

03/05/2026

🎓 अभिनंदन 🎓
अनिकेत कॉलेज ऑफ सोशल वर्क, वर्धा तर्फे
12वी उत्तीर्ण झालेल्या सर्व विद्यार्थ्यांचे मनःपूर्वक अभिनंदन व हार्दिक शुभेच्छा!
तुमच्या मेहनतीचे आणि चिकाटीचे हे यश आहे. या यशाच्या पायावर उभे राहून तुम्ही तुमच्या उज्ज्वल भविष्यासाठी नवे स्वप्न पाहा आणि त्यांना पूर्ण करण्यासाठी निर्धाराने पुढे चला.
आगामी शैक्षणिक व व्यावसायिक जीवनात तुम्हाला उत्तुंग यश लाभो, हीच आमची सदिच्छा!
– अनिकेत कॉलेज ऑफ सोशल वर्क, वर्धा

02/05/2026

💐 महाराष्ट्र दिनानिमित्त कार्यक्रम 💐
दिनांक 1 मे रोजी अनिकेत कॉलेज ऑफ सोशल वर्क, वर्धा येथे महाराष्ट्र दिन उत्साहात साजरा करण्यात आला. या कार्यक्रमाचा उद्देश महाराष्ट्र राज्याच्या स्थापनेचे महत्त्व विद्यार्थ्यांना समजावून सांगणे तसेच राज्याच्या प्रगतीत योगदान देणाऱ्या महान व्यक्तींच्या कार्याची माहिती देणे हा होता.
कार्यक्रमाच्या प्रारंभी महाराष्ट्र राज्याला अभिवादन करण्यात आले. यावेळी उपस्थित मान्यवरांनी महाराष्ट्राच्या इतिहास, संस्कृती, परंपरा तसेच सामाजिक व आर्थिक प्रगतीबद्दल विद्यार्थ्यांना मार्गदर्शन केले.
या कार्यक्रमामुळे विद्यार्थ्यांमध्ये राज्याबद्दल अभिमान, एकात्मता व सामाजिक जबाबदारीची भावना निर्माण झाली. कार्यक्रमास महाविद्यालयातील प्राचार्य, प्राध्यापक, शिक्षकेतर कर्मचारी व विद्यार्थी मोठ्या संख्येने उपस्थित होते.

14/04/2026

अनिकेत कॉलेज ऑफ सोशल वर्क वर्धा तसेच सरस्वतीबाई जांभूळकरमहाविद्यालय वर्धा व वर्धा प्रशासकीय महाविद्यालय वर्धा मार्फत परमपूज्य डॉ. बाबासाहेब आंबेडकर यांच्या जयंतीच्या हार्दिक शुभेच्छा

14/04/2026

🌺 डॉ. बाबासाहेब आंबेडकर जयंतीच्या हार्दिक शुभेच्छा 🌺
समता, स्वातंत्र्य, बंधुता आणि न्याय यांचा संदेश देणारे
भारतरत्न डॉ. बाबासाहेब आंबेडकर यांना विनम्र अभिवादन!
त्यांच्या विचारांनी आपण प्रेरित होऊन
शिक्षण, स्वाभिमान आणि सामाजिक न्यायाच्या मार्गावर
सतत पुढे जाऊ या, हीच खरी त्यांना आदरांजली.
📘 “शिका, संघटित व्हा आणि संघर्ष करा” – या त्यांच्या संदेशातून
आपण उज्ज्वल भविष्य घडवू या!

11/04/2026

आज दिनांक 11 एप्रिल 2026 ला क्रांतिसूर्य ज्योतिबा फुले यांच्या जयंतीच्या हार्दिक शुभेच्छा 🙏🙏

27/03/2026

दिनांक : 28 मार्च 2026 ला
अनिकेत कॉलेज ऑफ सोशल वर्क वर्धा. च्या वतीने आयोजित
एकदिवसीय आंतरशाखीय राष्ट्रीय परिषदेस आपणास सहर्ष आमंत्रित करण्यात येत आहे.

📌 विषय:
Human Values in Higher Education: Ethics, Responsibility and Holistic Development

📅 दिनांक: 28 मार्च 2026
📍 स्थळ: महात्मा पॅलेस, VIP रोड, Wardha

या परिषदेत शिक्षण क्षेत्रातील मानवी मूल्ये, नैतिकता, जबाबदारी आणि सर्वांगीण विकास यांसारख्या महत्त्वपूर्ण विषयांवर सखोल मार्गदर्शन व चर्चासत्रे आयोजित करण्यात येणार आहेत.

👉 सर्व प्राध्यापक, संशोधक, विद्यार्थी व इच्छुकांनी या परिषदेला उपस्थित राहून आपले ज्ञान समृद्ध करावे, असे आवाहन करण्यात येत आहे.

आपली उपस्थिती आम्हाला प्रेरणादायी ठरेल!

🙏 धन्यवाद
अनिकेत कॉलेज ऑफ सोशल वर्क, वर्धा

27/03/2026

Interdisciplinary National Conference 2026

13/03/2026

वार्षिक स्नेह संमेलन “घे भरारी”
दिनांक 12/03/2026 रोजी अनिकेत कॉलेज ऑफ सोशल वर्क वर्धा येथे वार्षिक स्नेह संमेलन “घे भरारी” आयोजित करण्यात आला आहे. या कार्यक्रमाचा उद्देश विद्यार्थ्यांमधील कला, सांस्कृतिक व सामाजिक गुणांना वाव देणे हा आहे.
या कार्यक्रमामध्ये विविध सांस्कृतिक उपक्रम, नृत्य, गायन, नाटिका तसेच वर्षभरात उत्कृष्ट कामगिरी करणाऱ्या विद्यार्थ्यांचा सत्कार व पारितोषिक वितरण आयोजित करण्यात आले आहे. या कार्यक्रमासाठी महाविद्यालयातील प्राध्यापक, कर्मचारी व विद्यार्थी उत्साहाने सहभाग घेत आहेत.

10/02/2026

​ ​ ​
🌹राष्ट्रीय सेवा योजना अंतर्गत विशेष श्रमसंस्कार ग्रामीण शिबिर 🌹
उच्च व तंत्र शिक्षण विभाग, महाराष्ट्र शासनद्वारा अनुदानित व राष्ट्रसंत तुकडोजी महाराज नागपूर विद्यापीठाशी संलग्न अनिकेत शिक्षण संस्था, दिघोरी (ना.), जि. भंडारा द्वारा संचालित अनिकेत कॉलेज ऑफ सोशल वर्क, वर्धा यांच्या वतीने राष्ट्रीय सेवा योजना (NSS) अंतर्गत विशेष श्रमसंस्कार ग्रामीण शिबिराचे आयोजन करण्यात येत आहे.
हे विशेष शिबिर दि. 09 फेब्रुवारी 2026 ते 15 फेब्रुवारी 2026 या कालावधीत स्टेशन फैल, दयाल नगर, वर्धा येथे आयोजित करण्यात येत आहे. शिबिराची संकल्पना “Youth for My Bharat & Youth for Digital Literacy” या विषयावर आधारित आहे.
या शिबिरामध्ये श्रमसंस्कार, स्वच्छता अभियान, परिसर स्वच्छता, वृक्षारोपण, आरोग्य व डिजिटल साक्षरता जनजागृती, मतदान जनजागृती, व्यसनमुक्ती तसेच विविध सामाजिक उपक्रम राबविण्यात येणार आहेत. डिजिटल साक्षरतेच्या माध्यमातून नागरिकांना ऑनलाईन सेवा, सायबर सुरक्षितता व तंत्रज्ञानाचा योग्य वापर याबाबत मार्गदर्शन करण्यात येणार आहे.
या शिबिरामुळे विद्यार्थ्यांमध्ये सामाजिक जबाबदारी, सेवाभाव, नेतृत्वगुण व संघभावना विकसित होण्यास मदत होणार आहे तसेच ग्रामीण भागातील नागरिकांमध्ये सामाजिक व तांत्रिक जाणीव निर्माण होण्याची अपेक्षा आहे.
शिबिराच्या यशस्वी आयोजनासाठी महाविद्यालयाचे प्राचार्य, राष्ट्रीय सेवा योजना कार्यक्रम अधिकारी, प्राध्यापक, शिक्षकेतर कर्मचारी व स्वयंसेवक विद्यार्थी परिश्रम घेत आहेत.