Háskólinn á Akureyri

Háskólinn á Akureyri Háskólinn á Akureyri (HA) var stofnaður árið 1987 og fyrsti rektorinn, Haraldur Bessason var ráðinn um sumarið það ár. Frá upphafi hefur vöxtur HA verið hraður.

Fyrsta starfsárið var boðið upp á nám í tveimur deildum, heilbrigðisdeild og rekstrardeild. Kennslan fór fram í tveimur stofum í Íþróttahöllinni og tvær skrifstofur starfsmanna voru í Þingvallastræti 23. Fastráðnir starfsmenn voru fjórir og nemendur voru 31. Námsframboð hefur aukist jafnt og þétt, nemendum og starfsfólki hefur fjölgað, ýmsir samstarfsaðilar hafa komið til og byggingar hafa risið.

Nú er boðið upp á grunnnám í eftirtöldum greinum: félagsvísindi, fjölmiðlafræði, hjúkrunarfræði, iðjuþjálfun, kennarafræði (leik- og grunnskóla), líftækni, lögfræði, lögreglufræði, nútímafræði, sálfræði, sjávarútvegsfræði og viðskiptafræði. Þá er einnig boðið upp á framhaldsnám á heilbrigðisvísindasviði, í félagsvísindum, viðskiptafræði og auðlindafræði.

🍂 Haustið er komið á fullt í HA!HA-ingar eru búnir að finna taktinn eftir sumarfrí og það er svo sannarlega gaman að sjá...
11/09/2026

🍂 Haustið er komið á fullt í HA!

HA-ingar eru búnir að finna taktinn eftir sumarfrí og það er svo sannarlega gaman að sjá háskólasvæðið iða af lífi á ný.
Við hófum skólaárið formlega með Nýnemadögum í lok ágúst, þegar við tókum á móti fjölmennum hópi nýnema í grunnnámi. Síðan þá hefur mikið verið um að vera. Í hverri viku koma stórir hópar stúdenta til Akureyrar í lotur, á sama tíma og fjölmennur hópur stundar staðnám við HA og mætir á háskólasvæðið alla daga.

Það er því nóg um að vera – kennsla, verkefnavinna, viðburðir, spjall yfir kaffibolla og allt það sem fylgir lifandi háskólasamfélagi. ❤️

Það er gott að vera komin aftur á fullt. Velkomin í HA hvort sem þið eruð að stíga ykkar fyrstu skref hér eða eruð gamalreyndir HA-ingar!

Meðfylgjandi myndir tók Sindri Swan á Nýnemadögum og eru fleiri myndir aðgengilegar í athugasemd.

✨ Haltu áfram að skína!💛 HA-ingar máluðu ganga háskólans gula í dag og taka þátt í gulum september sem er árvekniátak um...
10/09/2026

✨ Haltu áfram að skína!

💛 HA-ingar máluðu ganga háskólans gula í dag og taka þátt í gulum september sem er árvekniátak um geðheilbrigði, geðrækt og sjálfsvígsforvarnir

🧬 Geta hormón haft áhrif á það hvernig erfðasjúkdómar birtast?Ný rannsókn sem Kimberley Jade Anderson, lektor við Auðlin...
08/09/2026

🧬 Geta hormón haft áhrif á það hvernig erfðasjúkdómar birtast?

Ný rannsókn sem Kimberley Jade Anderson, lektor við Auðlindadeild HA, leiðir bendir til þess að testósterón geti haft verndandi áhrif gegn ákveðnum genabreytingum.

🔬 Rannsóknin er afrakstur alþjóðlegs samstarfs og niðurstöðurnar hafa verið birtar í hinu virta American Journal of Human Genetics.

👉 Hvað þýða niðurstöðurnar – og hvert gætu þær leitt? Lestu meira í fréttinni. Hlekkur í athugasemd.

📚 Hvernig eflum við læsi barna án þess að lestrargleðin glatist?Þau Dominic Wyse og Pernille Ripp, tveir þekktir erlendi...
08/09/2026

📚 Hvernig eflum við læsi barna án þess að lestrargleðin glatist?

Þau Dominic Wyse og Pernille Ripp, tveir þekktir erlendir sérfræðingar á sviði læsis og menntunar, verða meðal aðalfyrirlesara á tveimur viðburðum sem haldnir verða í HA dagana 11. og 12. september.

Þau miðla nýjustu rannsóknum og reynslu úr skólastofunni með áherslu á árangursríka læsiskennslu þar sem færni, forvitni og lestrargleði barna eru í forgrunni. 📖

👉 Enn eru sæti laus á Námstefnu í Byrjendalæsi og ráðstefnunni Læsi til náms og yndis.

🔗 Nánari upplýsingar og skráning í hlekk í athugasemd.

Við erum öll í sama liði! 🩵Treyjudagurinn 2026. HA-ingar tóku að sjálfsögðu þátt í deginum!
04/09/2026

Við erum öll í sama liði! 🩵

Treyjudagurinn 2026. HA-ingar tóku að sjálfsögðu þátt í deginum!

🤝 Öflugra samstarf um nýsköpun á NorðurlandiHáskólinn á Akureyri og Drift EA hafa undirritað samstarfssamning við Fab La...
04/09/2026

🤝 Öflugra samstarf um nýsköpun á Norðurlandi

Háskólinn á Akureyri og Drift EA hafa undirritað samstarfssamning við Fab Lab Akureyri sem markar mikilvægt skref í átt að enn nánari samvinnu um nýsköpun, frumkvöðlastarfsemi og uppbyggingu öflugs nýsköpunarumhverfis á Norðurlandi.

Samstarfið skapar aukin tækifæri fyrir stúdenta, starfsfólk og frumkvöðla til að þróa hugmyndir og koma þeim í framkvæmd. 💡

Nánar í meðfylgjandi frétt í athugasemd.

👮 Tíu ár af lögreglunámi á háskólastigi!Í haust eru tíu ár frá því að fyrstu stúdentarnir hófu diplómanám fyrir verðandi...
03/09/2026

👮 Tíu ár af lögreglunámi á háskólastigi!

Í haust eru tíu ár frá því að fyrstu stúdentarnir hófu diplómanám fyrir verðandi lögreglumenn við Háskólann á Akureyri.

Frá því að lögreglunám var fært á háskólastig árið 2016 hefur námið fest sig í sessi og rannsóknir benda til þess að breytingin hafi styrkt fagvæðingu og menntastig lögreglunnar. Aukin áhersla hefur verið lögð á fagþekkingu, fjölbreytta hæfni og gagnrýna ígrundun – og að tengja saman fræðilega þekkingu og reynslu af vettvangi.
Í dag er um helmingur starfandi lögreglumanna hérlendis með menntun á háskólastigi. 🚓🎓

🔗 Lesið meira um tíu ára þróun lögreglunámsins í meðfylgjandi frétt í athugasemd.

🎓 Í fyrsta sinn er hægt að ljúka meistaragráðu í iðjuþjálfun hér á landi! Við stöndum svo sannarlega á ánægjulegum tímam...
27/08/2026

🎓 Í fyrsta sinn er hægt að ljúka meistaragráðu í iðjuþjálfun hér á landi!

Við stöndum svo sannarlega á ánægjulegum tímamótum. Nú hafa fyrstu stúdentarnir hafið meistaranám í iðjuþjálfun við HA. Með nýju námi er nú í fyrsta sinn hægt að ljúka meistaragráðu í iðjuþjálfun á Íslandi.

Námið er meðal annars afrakstur norræns samstarfs í gegnum OSNord – Nordic Occupational Science Hub, þar sem HA vinnur með Gautaborgarháskóla, Arcada í Finnlandi og OsloMet í Noregi að því að efla meistaranám í iðjuþjálfun og iðjuvísindum.

Samstarfið opnar jafnframt ný tækifæri fyrir stúdenta og starfandi iðjuþjálfa til náms og þekkingarmiðlunar þvert á landamæri og styrkir tengsl íslenskrar iðjuþjálfunar við norrænt og alþjóðlegt fræðasamfélag.

Við erum einstaklega ánægð með að bjóða fyrsta hóp meistaranema í iðjuþjálfun velkominn til náms við HA og óskum þeim velfarnaðar í náminu! 🎓✨

Velkomin í HA, nýnemar á Heilbrigðis-, viðskipta- og raunvísindasviði ❤️Í morgun fylltum við Hátíðarsalinn okkar og gott...
27/08/2026

Velkomin í HA, nýnemar á Heilbrigðis-, viðskipta- og raunvísindasviði ❤️

Í morgun fylltum við Hátíðarsalinn okkar og gott betur en það þegar við tókum á móti nýnemum í grunnnámi á Heilbrigðis-, viðskipta- og raunvísindasviði.

🔔 Í dag var það Jóel Kárason nýnemi í tæknifræði sem hringdi inn skólaárið. Hann er hér ásamt Aðalbirni forseta SHA.

☔ Það er svo sannarlega gaman að vera HA-ingur og því hafa fulltrúar SHA og nýnemarnir ekki látið rigninguna skemma fyrir sér í dag. Góða skemmtun áfram í dag og kvöld kæru HA-ingar!

Velkomin í HA, nýnemar á Hug- og félagsvísindasviði! ❤️Í morgun tókum við formlega á móti nýnemum í grunnnámi á Hug- og ...
25/08/2026

Velkomin í HA, nýnemar á Hug- og félagsvísindasviði! ❤️

Í morgun tókum við formlega á móti nýnemum í grunnnámi á Hug- og félagsvísindasviði. Markmið Nýnemadaga er að bjóða nýnema hjartanlega velkomna í HA og gefa þeim tækifæri til að kynnast starfsfólki og þjónustu HA. Þá eru Nýnemadagar jafnframt mikilvægur vettvangur þar sem nýnemar fá tækifæri til að kynnast og mynda tengsl sín á milli.

Stúdentafélag Háskólans á Akureyri - SHA, leikur stórt hlutverk í skipulagningu og framkvæmd Nýnemadaga og á stórt hrós skilið fyrir frábæra vinnu 👏

Frá því að Íslandsklukkan var sett upp á háskólasvæðinu árið 2000 hefur skapast sú hefð að hringja henni við upphaf hvers skólaárs. Í dag fékk Emma Ýr Kristjönudóttir, nýnemi í félagsvísindum, það skemmtilega hlutverk að hringja Íslandsklukkunni 26 högg til að marka upphaf skólaársins 2026–2027 🔔

Hér er Emma Ýr ásamt Aðalbirni Jóhannssyni, forseta SHA, sem hefur leitt starf félagsins áfram af miklum krafti.

Kæru nýnemar á Hug- og félagsvísindasviði, enn og aftur, hjartanlega velkomin í HA! Við hlökkum til skólaársins fram undan! ❤️

Á fimmtudag tökum við á móti nýnemum á Heilbrigðis-, viðskipta- og raunvísindasviði og við hlökkum til að sjá ykkur.

Address

Norðurslóð 2
Akureyri
600

Opening Hours

Monday 08:00 - 16:00
Tuesday 08:00 - 16:00
Wednesday 08:00 - 16:00
Thursday 08:00 - 16:00
Friday 08:00 - 16:00

Website

Alerts

Be the first to know and let us send you an email when Háskólinn á Akureyri posts news and promotions. Your email address will not be used for any other purpose, and you can unsubscribe at any time.

Contact The University

Send a message to Háskólinn á Akureyri:

Shortcuts

Share

Category