Árskóli

08/09/2026

GULUR DAGUR Í ÁRSKÓLA
Alþjóðlegi geðheilbrigðisdagurinn er fimmtudaginn 10. september. Klæðumst einhverju gulu í tilefni dagsins.

04/09/2026

Verkefnið Göngum í skólann var sett formlega í Árskóla í morgun. Athöfnin fór fram á íþróttavellinum í blíðskaparveðri að viðstöddum öllum nemendum og starfsmönnum, ásamt fulltrúum ÍSÍ, sveitarfélagsins og lögreglunnar. Hér eru nokkrar myndir frá athöfninni.

02/09/2026

Föstudagurinn 4. september er treyjudagur í Árskóla.
Á treyjudeginum klæðum við okkur í íþróttatreyju og sýnum börnum með krabbamein stuðning. Treyjan getur verið hestatreyja, fimleikatreyja, fótboltatreyja eða bara þín uppáhalds treyja.

Sjá nánar um treyjudaginn hér:

Fyrir börn með krabbamein.

09/06/2026

Fræðsluferð til Berlínar.

02/06/2026

Áfram sumarlestur🌞

20/05/2026

Starf stuðningsfulltrúa skólaárið 2026-2027

Hjá sveitarfélaginu Skagafirði starfa um 490 starfsmenn og er fjölbreytileikinn mikill. Lögð er áhersla á að sveitarfélagið hafi ávallt á að skipa hæfum og áhugasömum einstaklingum sem mynda eina heild. Þeir sem hafa áhuga á að starfa hjá okkur eru hvattir til að sækja um.

20/05/2026

Á þessu skólaári unnum við áfram að innleiðingu verkefnisins „See the Good!“, eða „Sjáðu styrkleikann!“ eins og það kallast á íslensku. Verkefnið snýst um að innleiða aðferðafræði sem byggir á jákvæðri sálfræði sem var þróuð í Finnlandi og hjálpar nemendum að átta sig á hvar styrkleikar þeirra liggja.
Styrkleikarnir sem við unnum með á þessu skólaári voru:
Bjartsýni ☀️

Hugrekki 🦁

Húmor 😂

Lærdómsfús 📚

Sköpunargleði🎨

Sjálfsstjórn 🧭

Nemendur á mið- og unglingastigi fengu það hlutverk að kjósa um styrkleika mars, apríl og maí. Fyrir valinu urðu sköpunargleði í mars og sjálfsstjórn í apríl og maí. Hér koma nokkrar myndir af verkefnum nemenda á þessu skólaári 🌟

19/05/2026

Við vekjum athygli á fræðsluerindi fyrir foreldra á vegum Lögreglunnar á Norðurlandi vestra og Netvís í matsal Árskóla kl. 16 í dag.

13/05/2026

X- Árskóli

Frambjóðendur til sveitarstjórnar, frá öllum listum, heimsóttu Árskóla í vikunni, spjölluðu við starfsfólk og kynntu sér málefni skólans.
Við þökkum kærlega fyrir heimsóknirnar og samtalið. Við óskum þeim góðs gengis í kosningunum og á komandi kjörtímabili.

Mikilvægasta verkefni sveitarfélags er að byggja upp gott samfélag fyrir börn og fjölskyldur. Þar skipta skólar, velferð og tækifæri til þátttöku gríðarlegu máli.

Árskóli er einn stærsti vinnustaður Skagafjarðar með hátt í 500 nemendur og starfsmenn sem eru í skólanum á hverjum skóladegi. Skólinn gegnir lykilhlutverki í samfélaginu með því að skapa börnum öruggt, metnaðarfullt og fjölbreytt námsumhverfi sem hefur bein áhrif á framtíð sveitarfélagsins.

Í skólanum er lögð rík áhersla á vellíðan nemenda, öfluga stoðþjónustu, fjölbreytt nám og gott samstarf heimila og skóla.

Árskóli er mikilvægur þáttur í því að gera Skagafjörð að eftirsóknarverðum stað til búsetu fyrir fjölskyldur.

Til að mæta kröfum nútíma skólastarfs er brýn þörf á bættri aðstöðu fyrir sérgreinar, s.s. náttúrufræði, textílmennt og tónmennt. Slík uppbygging er fjárfesting í framtíð barna, starfsfólks og samfélagsins alls.

Áfram Árskóli, áfram Skagafjörður!

29/04/2026

Í dag 29. apríl, var sumarsælukaffi þar sem nemendur á yngsta stigi skólans buðu eldri borgurum í kaffi og meðlæti í matsal skólans. Nemendur allra árganga á yngsta stigi fluttu nokkur lög og sungu að lokum saman skólasönginn. Viðburðurinn var mjög vel sóttur að venju.