26/08/2026
#នារសៀលថ្ងៃ អង្គារ ទី ២៥ ខែសីហា ឆ្នាំ ២០២៦ ក្រោមការចាត់តាំងរបស់សម្តេចព្រះមហាអរិយវង្ស បណ្ឌិត យ៉ន សេង យៀត ព្រះប្រធានកិត្តិយសក្លឹបកាកបាទក្រហមកម្ពុជា និងជាព្រះសាកលវិទ្យាធិការ នៃពុទ្ធិកសាកលវិទ្យាល័យព្រះសីហនុរាជ បានចាត់តាំង លោក ព្រើន សុវង្ស ទីប្រឹក្សាក្លឹបយុវជនកាកបាទក្រហមកម្ពុជា និងជាព្រឹទ្ធបុរសរង ដឹកនាំសមាជិកក្លឹបយុវជនកាកបាទក្រហមកម្ពុជា នៃពុទ្ធិកសាកលវិទ្យាល័យព្រះសីហនុរាជ អញ្ជើញចូលរួមក្នុងកិច្ចប្រជុំពិនិត្យតាមដានការងារក្លឹបយុវជនកាកបាទក្រហមកម្ពុជា ប្រចាំខែមិថុនា-សីហា នៃគ្រឹះស្ថានឧត្តមសិក្សាទាំង ២៥ ក្នុងរាជធានីភ្នំពេញ ក្រោមអធិបតីភាព ឯកឧត្តម ពិត ចំណាន សមាជិកគណៈកម្មាធិការកណ្ដាល កាកបាទក្រហមកម្ពុជា, ឯកឧត្តម យូ ឡាណា អគ្គលេខាធិការរងទី២ កាកបាទក្រហមកម្ពុជា និងមានការអញ្ជើញចូលរួមជាកិត្តិយសពីសំណាក់ លោកជំទាវបណ្ឌិត ទេព កុលាប ប្រធានកិត្តិយសក្លឹបយុវជនកាកបាទក្រហមកម្ពុជា នៃសាកលវិទ្យាល័យភ្នំពេញអន្តរជាតិ ដែលជាម្ចាស់ផ្ទះរៀបចំកិច្ចប្រជុំ ព្រមទាំងមានការអញ្ជើញចូលរួមពីប្រធានកិត្តិយសក្លឹប តំណាង ទីប្រឹក្សាយុវជន ប្រធានក្លឹបយុវជន និងយុវជនកាកបាទក្រហមកម្ពុជានៃគ្រឹះស្ថានឧត្តមសិក្សាទាំង ២៥ ក្នុងរាជធានីភ្នំពេញ។
កិច្ចប្រជុំបានពិភាក្សាលើរបៀបវារៈសំខាន់ៗចំនួន ៥ រួមមាន៖
១. ការជ្រើសរើស បណ្តុះបណ្តាល និងបំពាក់កន្សែងយុវជនថ្មី ឆ្នាំ២០២៦
២. របបប្រជុំ និងរបាយការណ៍ប្រចាំខែ
៣. ផែនការសកម្មភាព កាកបាទក្រហមកម្ពុជា
៤. ការលើកឡើងចំណុចធាតុចូលក្នុងការកសាងសេចក្តីណែនាំ (Concept Note) ស្តីពីការលើកទឹកចិត្តយុវជន កាកបាទក្រហមកម្ពុជា
៥. ការងារផ្សេងៗ (ការបោះជំរំ, យុទ្ធនាការចរាចរណ៍, ទិវាអ្នកស្ម័គ្រចិត្ត...)
កិច្ចប្រជុំបានបញ្ចប់ទៅដោយលទ្ធផលផ្លែផ្កា និងទទួលបានធាតុចូលសំខាន់ៗ ដើម្បីបន្តពង្រឹង និងឆ្ពោះទៅមុខនូវសកម្មភាពមនុស្សធម៌របស់យុវជនកាកបាទក្រហមកម្ពុជាឲ្យកាន់តែមានប្រសិទ្ធភាពខ្ពស់!
