BELTEI IU Campus 1, Tuol Sleng - សាកលវិទ្យាល័យ ប៊ែលធី អន្តរជាតិទី១ ទួលស្លែង

13/12/2025

10/12/2025

ប៊ែលធី គ្រុប មានកិត្តិយស សូមជម្រាបជូនដំណឹងដល់ ថ្នាក់ដឹកនាំ បុគ្គលិក សាស្ត្រាចារ្យ លោកគ្រូ-អ្នកគ្រូ នៃប៊ែលធី គ្រុប ព្រមទាំងសិស្សានុសិស្ស នៃសាលា ប៊ែលធី អន្តរជាតិ និងនិស្សិត នៃសាកលវិទ្យាល័យ ប៊ែលធី អន្តរជាតិ គ្រប់ទីតាំង មេត្តាជ្រាបថា ថ្នាក់ដឹកនាំ ប៊ែលធី គ្រុប រួមជាមួយតំណាងសិស្ស- និស្សិតមួយចំនួននឹងអញ្ជើញចុះជួបសួរសុខទុក្ខ និងនាំយកថវិកា ស្បៀងអាហារ គ្រឿងឧបភោគបរិភោគ និងសម្ភារប្រើប្រាស់ផ្សេងៗ ទៅជូនវីរកងទ័ពជួរមុខ និងបងប្អូនជនភៀសសឹក នាពេលឆាប់ៗខាងមុខនេះ ដើម្បីចូលរួមជាមួយរាជរដ្ឋាភិបាល និងក្នុងបុព្វហេតុមនុស្សធម៌ “ខ្មែរជួយខ្មែរ” តាមរយៈស្មារតីភាតរភាព ស្នេហាជាតិ សាមគ្គីភាពជាតិដ៏រឹងមាំរបស់ប្រជាជាតិខ្មែរយើង ជាពិសេសដើម្បីជាការដឹងគុណ និងលើកទឹកចិត្ត ដល់វីរកងទ័ពជួរមុខដែលកំពុងឈរជើងការពារបូរណភាពទឹកដី និងអធិបតេយ្យជាតិពីការឈ្លានពានជាថ្មីរបស់ សត្រូវនៅតាមតំបន់ព្រំដែនកម្ពុជា-ថៃ ព្រមទាំងដើម្បីជួយសម្រួលដល់ការលំបាក ការខ្វះខាត និងតម្រូវការ ចាំបាច់របស់ប្រជាជនដែលបានជម្លៀសមកកាន់ទីតាំងសុវត្ថិភាពនានា តាមបណ្ដាខេត្តជាប់ព្រំដែនកម្ពុជា-ថៃ។

អាស្រ័យហេតុនេះ សូមអំពាវនាវដល់ ថ្នាក់ដឹកនាំ បុគ្គលិក សាស្ត្រាចារ្យ លោកគ្រូ-អ្នកគ្រូ សិស្ស-និស្សិត មាតាបិតា និងអ្នកអាណាព្យាបាលគ្រប់រូប ព្រមទាំងសប្បុរសជន និងសាធារណជនទាំងអស់ ដែលមានបំណងចង់ចូលរួមឧបត្ថម្ភថវិកា ឬសម្ភារផ្សេងៗ សូមចូលរួមបរិច្ចាគដោយស្ម័គ្រចិត្ត ចាប់ពីថ្ងៃជូនដំណឹងនេះតទៅ។

១- សម្រាប់ការឧបត្ថម្ភជា ថវិកា
* តាមរយៈ គណនីធនាគារ ABA របស់ មូលនិធិសប្បុរសធម៌ ប៊ែលធី (BELTEI CHARITY)
-គណនី ប្រាក់រៀល (រ)៖ 222 97 97 97
-គណនី ប្រាក់ដុល្លារ ($)៖ 123 96 96 96
២- សម្រាប់ការឧបត្ថម្ភជា ស្បៀងអាហារ-គ្រឿងឧបភោគបរិភោគ និងសម្ភារប្រើប្រាស់ផ្សេងៗ មាន រៀបចំទទួលនៅតាមបណ្តាសាលា ប៊ែលធី អន្តរជាតិ ទាំង ៣២ទីតាំង និងសាកលវិទ្យាល័យ ប៊ែលធី អន្តរជាតិ ទាំង ២ទីតាំង។

05/12/2025

02/11/2025