31/10/2024
SAKO ZUWA GA IYAYE:
Duk yadda ka kai wajen yiwa danka nasiha, ka sani zai dauki kadan ne cikin maganganun ka yayi aiki dasu
Amma tabbas yaran ka zasu dauki da yawa cikin aiyukan ka wadda baka ce suyi ba, wato abinda s**a ga iyayen su nayi a aikace
Yara suna koyi da hali da dabi'un iyayen su, don haka muyi hattara wajen yin abinda yara zasu koya daga garemu
Dan haka ake so iyaye su zamo masu nagarta, kuma masu kyak-kyawan hali abin koyi ga yayan su.
Mu sani hatta kula da ibada, sada zumunci, kame harshe daga aibata mutane, lizimtar jin wa'azi da zuwa wurarwen karatu, girmama baki, son muatnen kirki duk yaran la na koyi dashi
Haka nan yara na tasirantuwa da dabi'ar kwadayi da son duniya, kiyaye kai daga karya da alfahari, nisantar bokaye, ko jin kida da waka da sanya tufafi daga iyayen su
Hatta juriyar da tawakkalli da kan-kan da kai, kyauta da taimakawa rayuwar wani duk yaran mu na koya daga garemu
Hakika in da kafar gaba ta taka nan ta baya ke takawa, kuma in bishiya ta karkace inuwar ta bata Mikewa. Mu daina mamakin dabi'ar wassu daga cikin mu.. kowa ka duba wa ya haife shi?
Mu duba yadda addini ya nusar damu kan za6ar miji ko mata ta gari don mu samu rayuwa mai dadi da zuriya tagari, don tsatso Yana naso
Ya Allah Muna rokon ka shiryar mana da zuriya kayi masu albarka ka bamu dacewa duniya da lahira, amin
