24/11/2025
Ny prosjektleiar på plass!
Første oktober tok Silje Heistein Lund over som prosjektleiar for HVK Studiesenter. Ho fast tilsett i Hardanger og Voss Næringshage, og allereie godt i gang med arbeidet saman med prosjektmedarbeidar Amanda Bjørnenak.
Silje har mastergrad i organisasjonsutvikling og psykososialt arbeidsmiljø. Ho har solid erfaring som prosess- og prosjektleiar, og har jobba innan digitalisering, leiarutvikling, endringsprosessar og organisasjons-og tenesteutvikling.
Med bakgrunn frå kontinuerleg forbetringsarbeid, digitalisering og merkevarebygging, og med kreativ kraft frå grafisk design, har ho både strategisk og praktisk erfaring.
Silje ønskjer å gjere HVK Studiesenter til ein levande møteplass for læring og samarbeid, i tett samspel med kommunar, innbyggjarar og utdanningsinstitusjonar. Målet? Eit økosystem som koplar kompetansebehov med utdanningstilbod – og gir meir verdi lokalt.
Opphavleg frå Stange, men lokka til Voss av Ekstremsportveko i 2016 – der ho dyrkar lidenskapen for ski, terrengsykling og padling. Ein draumestad med alt samla på ein plass!
