20/06/2026
𝗠𝗖𝗝𝗖𝗦 | 𝗘𝘃𝗮𝗻𝗴𝗲𝗹𝗶𝗶 𝗚𝗮𝘂𝗱𝗶𝘂𝗺
21 Hunio 2026 | Maika-12 a Domingo iti Kadawyan a Tiempo
𝕻𝖆𝖒𝖕𝖆𝖓𝖚𝖓𝖔𝖙:
Naimbag nga aldaw, kakabsatko ken Cristo. Daytoy Ebangheliotayo ita nga aldaw ket nangited kaniak iti dua a napateg a kapanunotan: ti pammati a saan a mabalbaliwan iti buteng, ken ti kinapakumbaba a masarakan iti panagserbi ni Apo Hesus. Iti panangripos ko iti daytoy a sao ti Dios, naamirisko nga ti pammati ket saan laeng a panagdengngeg iti sao, no di ket panangipakita iti biag a napnoan ayat, kinapudno, ken talek.
Iti umuna, naamiris ko a ti panangiburay iti sao ti Apo ket saan a naggapu laeng iti kinatalged ti tao. Kas seminarista, masansan a mabatiak kadagiti kinakurangko ken dagiti parikot iti biag nga saan a maaramid ti bassit a panunotko. Ngem daytoy a rikna ket mangipalagip kaniak a ti sao ti Apo ket saan laeng nga agpaay kadagiti nangato a tattao, no di ket para iti amin a mamati a makabael a mangawat ken mangipaduyakyak iti Ebanghelio. Ti simbaan ket Katolika a kayatna a sawen ket universal, isu a saan a mabalin a maikkat ti karbengan ken responsibilidad dagiti mamati. Adda trabaho ti tunggal maysa nga agserbi, mangibingay, ken mangsaksi iti kinapudno ti Dios.
Ngem iti dayta met laeng a punto, napagmenna-mennaak nga ti panangiburay iti sao ti Apo ket saan a kasapulan iti turay wenno nangato a posisyon. Napatpateg nga amang iti kinapudno ti puso ngem ti ranggo. No adda pammati, kasukdulan a talek, ken ayat, ti sao ti Apo ket mabalin a mangpablaak iti sabali a biag. Gapuananna, uray no addaanak iti buteng ken kinakapoy, maipalagip kaniak a saan lang a napateg ti sao ti Dios babaen laeng iti panagsao, no di ket babaen iti panagbiag nga naurnos ken natulnog iti pagayatanna.
Ti maikadua nga nagmenna-mennaak ket ti kinapakumbaba. Ni Apo Jesus, uray adu iti naaramid ko a basol, impakitana kaniak ti wagas iti napudno a panagserbi. Saanna a pinili ti kinangato, no di ket ti kinaulimek, kinaanus, ken kinaimbag. Iti dayta a nakitak, paneknekanna a ti kinapakumbaba ket saan a kinaimbag laeng a maibaga, no di ket maysa a panagpili iti napintas nga aramid iti inaldaw-aldaw a panagbiag. Nu agpakumbabatayo, maluktan iti puso tayo iti sabali, ket mas marikna tayo ti pudno a rikna ti ayat ken panagserbi.
Daytoy a kapanunotak ket nangiturong kaniak a ti pammati ket masapul a maipakita iti aramid. Saan a nasayaat nga agtalek laeng iti Sao ti Apo no awan ti nasayaat nga aramid iti biag. Kasla iti maysa a sabsaban a masapul iti tanem, ti sao ti Dios ket masapul met iti puso a nabannog, ngem nakasagana a mamati. Iti dayta a puso, mabalin nga agsubli iti talna, kinapudno, ken ayat.
Bayat iti panangawatko iti Ebanghelio, naamirisko nga iti na-Kristianoan a panagbiag ket saan laeng a maipakita babaen iti panagsao, no di ket iti panagbiag a napnoan pammati ken kinapakumbaba. Daytoy ti kayatko a suroten, mangnayon iti sao ti Apo iti puso, ken mangipakita iti ayat babaen iti napakumbaba a panagserbi nga awan mapadpaddakan a sabali a tattao.
"Ti napudno a pammati ket saan a masukat iti kinapigsa, no di ket iti kinaanus a mangtultuloy a mangserbi uray adda pannubok."
Sem. Eugene Ben Shermane L. Fabian
Incoming Discipleship III
Diocese of Laoag
