16/09/2017
Si Tammiday !
Naey di surat et Tammiday
"GASAT DI ESA AY BALASANG"
Yugtan ay Tuklo,
Palalo nan gasat ko, gasat ko ngen di manbalin ay nabakesan ay balasang. Enggay inmey nan kataw-e-taw-en ya kaat ay kalendaryo di inmey ko inugu-ugudan yan maga di BARO si umeyak matumpungan. Pasensya ka baw tan nakapuyak ay man English, nu Math et siya mabalin.
Enggay adi ay 34 di taw-en ko. Siya kayman di indakdakek nan manmulmula si patatas, lipolyo, ya carrots. Ay ta kalasoy da ngen iman en daita tan kinmu-o-kuog nan butoy ya natuklo nan muscle. Siya adi tan say inadakdakean ay obla. Patatas ed id-idi enggan edwani.
Apay ngen sat maga di umasideg ay bul-bul-o ta aw kanak kuma. Inpadas ko ay nangapayaw ya duwanak et en nanbuteng ngem kanan danan babaro en itulod mi et sik-a ay insan ta umey ka maseyep. Nu wada di kursunadak yan kana na en mankasinsin kami ya maga di ud-udom. Entu pay di iyat ko ta laydek kud paa be ay wada di kasukat nan awak ko ya wada di mangila en sak-en nu enggay ay mabakesak si kusto.
Adak met manpilpili si naguwapo basta et adi abe en palalo ay nageb-awan ya adi mansuksukod. Ya ilaem kud nu barbarang wada di maseg-ang en saken isna ta umey da en sumadak. Ya nu wada kud di ammom ya iyat ko din strategy ay kanan din maestro sin high school. May kud umya ka si TIPS barbarang nu masolbar na problemak.
(Sak-en, Tammiday)
--------------------------
Manang ay Tammiday nasiyekak esnan surat ya padasek ay sungbatan si Kankanaey. Umun-unaa ay problema sna ngadan mo, apay ngen ay Tammiday. E-make-over mo san ngadan mo nu mabalin ay amagem ay "Tammy" wenno "Inday" tapnu mayat ay deng-ngen sin inga.
Kanam en patatas/lipolyo di indakdakem ya padasem kud ay mangadawi ta umey ka makisagaok ed Mankayan wenno Itogon ta natken ay ipugaw di masabat mu ya maam-ammom. Nu wada di masadakam asi ka pay kaisaa nu intuy kad-am, Bauko wenno Buguias.
Paklatam kud si at-atik san tamil mu asi ka manlipistik. Iwid-dawid mo san kimot mo si sangka-atikan ilaem wada di maawis. Ya nu madag-os ka ed Trading Post ed Trinidad wenno ed Baguio madag-us ka ed Magsaysay, man shot kas si esa et enggay ad-adu di ma-am-ammon isdi.
Basta adi ken mapukpukawan si namnama tan biglaan sa ay kaali en sik-a. Nu wada di mangdepap en sik-a enggay abe ay maitatali ka. May siya sa adi ay manang ya gud lak enya.
(Tuklo 2014...)
