Hiraya Kolektib

Hiraya Kolektib Organisasyon ng mga estudyanteng manunulat na nagtataguyod ng sining sa loob at labas ng Unibersidad.

‎‎Ang diploma ay hindi lamang piraso ng papel, ito'y tanda na ang paghihirap ay may kapalit na gantimpala. Ang mga hamon...
10/06/2026

‎
‎Ang diploma ay hindi lamang piraso ng papel, ito'y tanda na ang paghihirap ay may kapalit na gantimpala. Ang mga hamong nalampasan ay paglalim ng paninindigan. Ang bawat pagdududang hinarap noon ay pagtitiwalang nagpupunyagi ngayon.
‎
‎Sa likod ng ngiti mula sa mga nagsipagtapos, mababakas dito ang mga gabing walang sapat na tulog at pangarap ang tanging pinanghahawakan. Ang pagtatapos ay hindi dulo. Ito ay pagpapatuloy ng kuwento na minsan nang inumpisahan.
‎
‎Nawa'y magsilbing inspirasyon ang inyong tagumpay at magbunga ng kabutihan para sa sarili, pamilya, at higit sa lahat para sa bayan. Ipagmalaki ang bunga ng inyong pinaghirapan at patuloy na mangarap nang higit pa.
‎
‎Taos-pusong nagpapasalamat ang Hiraya Kolektib sa hindi matutumbasang tawa at palitan ng mga kuwentong ibinahagi ninyo. Nawa'y bitbitin ninyo ang mga panata at aral na nagbubuklod sa bawat isa.
‎
‎Muli, maalab na pagbati sa mga nagsipagtapos!
‎


‎
‎
‎

𝐒𝐢𝐬𝐢𝐝𝐥𝐚𝐧 𝐒𝐩𝐞𝐜𝐢𝐚𝐥 𝐈𝐬𝐬𝐮𝐞 𝟏Maaari ng mabasa ang special issue ng Sisidlan 2026. Mababasa rito ang mga tinipong akda mula sa...
20/05/2026

𝐒𝐢𝐬𝐢𝐝𝐥𝐚𝐧 𝐒𝐩𝐞𝐜𝐢𝐚𝐥 𝐈𝐬𝐬𝐮𝐞 𝟏

Maaari ng mabasa ang special issue ng Sisidlan 2026. Mababasa rito ang mga tinipong akda mula sa tesis ng graduating batch ng BA Malikhaing Pagsulat 4A.

Ang E-sisidlan ay ang opisyal na repositoryo ng mga publikasyon ng Departamento ng Wika, Panitikan, at Araling Pilipino (DWPAP), Kolehiyo ng Arte at Literatura – Bulacan State University at ng programa nitong BA Malikhaing Pagsulat. Bahagi ito ng layon ng departamento na itaguyod ang pananaliksik sa wika, media, at kultura, at pasiglahin ang pampanitikang produksiyon sa rehiyon sa pamamagitan ng sisidlan na maaaring maakses ng mga mag-aaral, g**o, at iba pang mananaliksik at nagmamahal sa panitikan.

Maaaring mabasa ang Sisidlan Special Issue sa link na ito:
https://tinyurl.com/SISIDLAN
https://tinyurl.com/SISIDLAN
https://tinyurl.com/SISIDLAN

Dibuho ni Sid Salcedo

‎12 | Mayo — Ang Hiraya Kolektib, bilang isang tahanan ng panitikan, ay naglalayong hasain ang isip at ipamalas ang damd...
15/05/2026

‎12 | Mayo — Ang Hiraya Kolektib, bilang isang tahanan ng panitikan, ay naglalayong hasain ang isip at ipamalas ang damdaming nagkukubli sa ating karanasan.
‎
‎Noong ika-12 ng Mayo, matagumpay na naisagawa ng Hiraya Kolektib ang Membership Drive para sa mga bagong Iskolar ng Bayan. Naging tampok din ang mga pagtatanghal mula sa mga opsiyal ng organisasyon
‎
‎Kung nais mong ibahagi ang iyong husay, lumikha ng mga akda, at higit pang linangin ang iyong mga kakayahan. Huwag nang mag-atubili, dumalo at sumali sa Hiraya Kolektib!
‎
‎Sulong, Katalista!
‎Paliparin ang bawat isa,
‎palayain maging ang letra!
‎
‎Bukas pa rin ang aplikasyon sa mga nagnanais maging bahagi ng organisasyon. Narito ang link...
‎
‎https://docs.google.com/forms/d/e/1FAIpQLScZwYlFQEgkq4F8V2ZQk9RbTCHXPu7lkb-SZZ_gksoAWkrTpA/viewform?usp=dialog
‎
‎
‎
‎
‎

‎𝑲𝒖𝒎𝒂𝒕𝒉𝒂, 𝒃𝒊𝒈𝒚𝒂𝒏𝒈-𝒃𝒐𝒔𝒆𝒔 𝒂𝒏𝒈 𝒂𝒌𝒅𝒂 𝒂𝒕 𝒎𝒂𝒈-𝒊𝒘𝒂𝒏 𝒏𝒈 𝒊𝒔𝒂𝒏𝒈 𝒑𝒂𝒏𝒂𝒕𝒂. 📜✨‎‎Sa pagtitipon ng ating mga bunso sa ika-12 ng Mayo (Ma...
11/05/2026

‎𝑲𝒖𝒎𝒂𝒕𝒉𝒂, 𝒃𝒊𝒈𝒚𝒂𝒏𝒈-𝒃𝒐𝒔𝒆𝒔 𝒂𝒏𝒈 𝒂𝒌𝒅𝒂 𝒂𝒕 𝒎𝒂𝒈-𝒊𝒘𝒂𝒏 𝒏𝒈 𝒊𝒔𝒂𝒏𝒈 𝒑𝒂𝒏𝒂𝒕𝒂. 📜✨
‎
‎Sa pagtitipon ng ating mga bunso sa ika-12 ng Mayo (Martes), magkakaroon ng espasyo sa pamantasan ang Hiraya Kolektib upang salubungin ng may ngiti ang mga bagong Katalista. Bukod dito, maaari ding mag-apply ang mga bagong iskolar ng bayan upang maging kasapi ng organisasyong nagpapayaman ng talento, naghahasa ng kakayahan, at nagkukuwento nang malikhain at inklusibo.
‎
‎Halina, lumikha at magpakita ng husay! Hihintayin ka namin, ka-Hiraya. Sama-sama tayong kakatha at lulubog sa sining na mapagpalaya.
‎
‎Takits! 😁
‎
‎
‎
‎

NAGKAKAISANG PAHAYAG NG KOLEHIYO NG ARTE AT LITERATURA SA PAGPAPATULOY BILANG KATALISTA NG PAGBABAGOSa ngalan ng sining ...
25/02/2026

NAGKAKAISANG PAHAYAG NG KOLEHIYO NG ARTE AT LITERATURA SA PAGPAPATULOY BILANG KATALISTA NG PAGBABAGO

Sa ngalan ng sining at katotoohanan - ang EDSA ay huwag kalimutan!

Minsan nang ninakawan ng kalayaan at demokrasya ang Inang Bayan ngunit dahil sa tapang at sigasig na ipinamalas noong EDSA People Power ay muli natin itong naibalik mula sa kamay ng diktador na si Marcos Sr.

Noong 1972, nang idineklara ang Batas Militar sa Pilipinas, agad na ipinasara ang mga estasyon at publikasyon na magsisiwalat sa mga kasinungalingan ng pasistang administrasyon, at sinugatan ang sinumang umaklas gamit ng kanilang pluma't papel na layong iparating ang kalayaan sa masang pinahihirapan.

At sa panahon natin ngayon, muling nagbabalik ang isang puwersang tinatangkang baguhin ang kasaysayan at esensiya ng pakikibaka na ibinandera sa lansangan ng mga lumaban sa rehimeng pasista at mapang-abuso.

Kaya naman ang buong Kolehiyo ng Arte at Literatura, ngayo'y buklod na nagtatambol na iparating na hindi pa tapos ang ating naging katagumpayan sa EDSA. Mula sa pagbrodkast ng mga panawagan sa Radio Veritas na nagtipon sa sambayanan sa mga lansangan noong 1986 ay ating ipagpapatuloy ang pagiging Katalista ng pagbabago para sa bayan at lipunan.

Sama-sama nating ipagpatuloy na bigyang liwanag at ihayag ang kasaysayang ipinaglaban ng mga peryodista at manlilikha ng sining sa ilalim ng mapaniil, karimarimarim, at marahas na diktatura. Patuloy nating supilin ang anumang tangka ng pagmamalabis sa kapangyarihan ng mga tao sa pamahalaan.

Buhay ang diwa ng EDSA sa KAL!



𝗣𝗮𝗿𝘁 𝟮 | 𝗕𝗮𝗴𝘀𝗮𝗸𝗮𝗻 𝟮𝟬𝟮𝟱
08/12/2025

𝗣𝗮𝗿𝘁 𝟮 | 𝗕𝗮𝗴𝘀𝗮𝗸𝗮𝗻 𝟮𝟬𝟮𝟱

𝗛𝗶𝗻𝗮𝗶𝗻𝗴 | 𝗕𝗮𝗴𝘀𝗮𝗸𝗮𝗻 𝟮𝟬𝟮𝟱Matagumpay na naikasa ng Hiraya Kolektib noong ika-5 ng Disyembre ang taunang programa ng organis...
08/12/2025

𝗛𝗶𝗻𝗮𝗶𝗻𝗴 | 𝗕𝗮𝗴𝘀𝗮𝗸𝗮𝗻 𝟮𝟬𝟮𝟱

Matagumpay na naikasa ng Hiraya Kolektib noong ika-5 ng Disyembre ang taunang programa ng organisasyon, ang Bagsakan.

Sa bawat tula at mga salitang binitawan, napatunayan nating may halaga ang hinaing, at sa ating pagsasama-sama noong Biyernes, ang ating hinaing ay naging sandata para magkaroon ng pagbabago.

Nagpapasalamat ang Hiraya Kolektib sa lahat ng dumaan, dumalo, at lumahok sa open mic. Para sa mas marami pang pagbabahagi ng sining!

Kita-kita tayo sa susunod na event!


Galit ka na rin ba? E, Bagsakan na natin 'yan! Nagdaan na ang finals at nagbigayan na ng grado. Marami pa nga yata ay ma...
01/12/2025

Galit ka na rin ba? E, Bagsakan na natin 'yan!

Nagdaan na ang finals at nagbigayan na ng grado. Marami pa nga yata ay may singko. ZBGS, aray ko!

Di bale, iba ang inihandang Bagsakan ng Hiraya. Sasamahan ka namin; pakikinggan at dadamhin ang hinaing ng bawat isa.

Tara, sabay-sabay tayong maglabas ng hinaing sa mga pader na hindi nakikinig at sa mga pilang walang dulo, at sabihin lahat ng hindi natin masabi-sabi sa loob ng bahay, sa klase, at maging sa trabaho.

Takits sa darating na Biyernes, ika-5 ng Disyembre, FH 208 mula 1 n.h hanggang 4 n.h.

Aasahan ka ng Hiraya at ng freedom wall namin, a!


MAKI-KADWA NA PARA MAGING DIGITALINO! 🤝🎊Handog ng Lokal na Konseho ng Mag-aaral ng Arte at Literatura ang dalawang proye...
01/12/2025

MAKI-KADWA NA PARA MAGING DIGITALINO! 🤝🎊

Handog ng Lokal na Konseho ng Mag-aaral ng Arte at Literatura ang dalawang proyektong magpapanday at maglilinang sa kakayahan ng mga mag-aaral ng kolehiyo, digital man o pisikal. Pagkakataon na rin upang yumabong ang koneksiyon ng bawat isa sa pamamagitan ng kolaborasyong gawain.

Magkita-kita tayo sa Miyerkules, ika-03 ng Disyembre, taong 2025 sa ganap na ika-08 ng umaga hanggang ika-12 ng tanghali para sa DIGITALINO, at ika-01 ng hapon hanggang ika-05 ng hapon para sa KADWA.

Aasahan namin ang inyong pagdalo, mga Katalista! ☘️✨


Ngayong araw, ika-30 ng Nobyembre, ipinagdiriwang natin ang kapanganakan ng Ama ng Katipunan na si Andres Bonifacio. Bag...
30/11/2025

Ngayong araw, ika-30 ng Nobyembre, ipinagdiriwang natin ang kapanganakan ng Ama ng Katipunan na si Andres Bonifacio.

Bagaman mas kilala para sa kanyang pamumuno sa Himagsikang Pilipino noong 1896, siya rin ay isang mahusay na manunulat at makata. Ang kanyang mga akda na “Pag-ibig sa Tinubuang Lupa,” “Katapusang Hibik ng Pilipinas,” at “Ang Dapat Mabatid ng mga Tagalog” ay pawang mga panawagan para sa pagkilos at paglaya.

At nakalulungkot isipin na magpahanggang ngayo’y napapanahon ang mga akdang ito. Hanggang ngayo’y alipin ang karaniwang Pilipino. Hanggang ngayon, ang yaman ng bayan ay pinagsasasaan ng iilan habang abala tayong kinakalaban ang isa’t isa.

Sa ganitong diwa, tulad noon at higit kailanman, atin dapat ngayong isabuhay ang mga aral mula sa panulat ni Bonifacio. Panahon na ngayon para sa pagkakaisa. At hindi pagkakaisa sa ilalim ng kung sinong nangangako nito kundi’y pagkakaisa sa ating mga sarili—nating mga karaniwang Pilipino.

Ngayon, hanggat umiiral ang inhustisya’t korapsyon sa Pilipinas, at ang katarunga’y nakabitin pa rin sa hangin habang nagtuturuan ang mga pinuno nating sila-sila ring dahilan ng ating pagdurusa, alalahanin natin ang mga salita ng Supremo:

“Itinuturo ng katwiran na huwag nating sayangin ang panahon sa pag-asa sa ipinangakong kaginhawaan na hindi darating at hindi mangyayari. Itinuturo ng katwiran ang tayo’y umasa sa ating sarili at huwag antayin sa iba ang ating kabuhayan. Itinuturo ng katwiran ang tayo’y magkaisang-loob, magkaisang-isip at akala, at nang tayo’y magkalakas na maihanap ang naghaharing kasamaan sa ating Bayan.” - Andres Bonifacio, Ang Dapat Mabatid ng mga Tagalog.


Address

Malolos

Website

Alerts

Be the first to know and let us send you an email when Hiraya Kolektib posts news and promotions. Your email address will not be used for any other purpose, and you can unsubscribe at any time.

Contact The University

Send a message to Hiraya Kolektib:

Shortcuts

Share

Category