https://www.facebook.com/100252102802760/

CMU - Banwang Pangkasaysayan, Central Mindanao University, Maramag (2026)

08/03/2026

𝐁𝐚𝐛𝐚𝐞 (p.)
ᜊᜊᜌ᜔
(Tagalog) nangangahulugang “woman/female.” Mula sa Proto‑Austronesian o Proto‑Malayo‑Polynesian root 𝘣𝘢‑𝘣𝘢𝘩𝘪.

Makikita ang kaugnay na anyo ng salita sa iba pang wika sa Pilipinas at rehiyon:
𝘉𝘢𝘣𝘢𝘺𝘪 (Ilokano, Kapampangan)
𝘉𝘢𝘣𝘢𝘺𝘦 (Cebuano)
𝘉𝘦𝘣𝘢𝘺 (Maranao)
𝘝𝘢𝘷𝘢𝘺𝘢𝘯 (Paiwan)

—————————

Sa buwan ng Marso, ginugunita natin ang 𝗜𝗻𝘁𝗲𝗿𝗻𝗮𝘁𝗶𝗼𝗻𝗮𝗹 𝗪𝗼𝗺𝗲𝗻’𝘀 𝗠𝗼𝗻𝘁𝗵 upang kilalanin ang tapang, ambag, at patuloy na pakikibaka ng kababaihan para sa kanilang karapatan bilang pantay na kasapi ng lipunan at malayang mamamayan.

Sa iba’t ibang yugto ng kasaysayan, malaki ang naging papel ng kababaihan sa paghubog ng ating lipunan. Mula sa edukasyon, politika, agham, sining, hanggang sa patuloy na pagsusulong ng mga adbokasiya para sa isang mas makatarungan at makataong mundo.

𝗕𝗔𝗕𝗔𝗘 𝗞𝗔. 𝗛𝗜𝗡𝗗𝗜 𝗕𝗔𝗕𝗔𝗘 𝗟𝗔𝗡𝗚.
Sa bawat kilos, boses, at ambag, ipinapakita mo ang tunay na lakas at halaga ng kababaihan sa lipunan.

Bilang bahagi ng paggunita ng 𝗜𝗻𝘁𝗲𝗿𝗻𝗮𝘁𝗶𝗼𝗻𝗮𝗹 𝗪𝗼𝗺𝗲𝗻’𝘀 𝗗𝗮𝘆, magbabahagi ang 𝐁𝐚𝐧𝐰𝐚𝐧𝐠 𝐏𝐚𝐧𝐠𝐤𝐚𝐬𝐚𝐲𝐬𝐚𝐲𝐚𝐧 ng mga larawan ng mga kababaihan mula sa kasaysayan hanggang sa kasalukuyan. Sa bawat larawan ay may kalakip na maikling kapsiyon na naglalaman ng ilang impormasyon tungkol sa kanilang buhay at mga ambag sa lipunan.

𝐌𝐚𝐠𝐬𝐚𝐥𝐢𝐤𝐬𝐢𝐤. 𝐌𝐚𝐠𝐬𝐮𝐥𝐚𝐭. 𝐓𝐮𝐦𝐢𝐧𝐝𝐢𝐠. 𝐌𝐚𝐠-𝐢𝐰𝐚𝐧 𝐧𝐠 𝐁𝐀𝐊𝐀𝐒. 👣

Panulat | Natalie Lofranco, Kristina Manuel, at Hilary Orasan
Graphics | Jan Dale Pedralba

01/03/2026

𝐁𝐀𝐋𝐈𝐊𝐀𝐍: 𝐄𝐃𝐒𝐀 𝐊𝐖𝐀𝐑𝐄𝐍𝐓𝐀

Noong Pebrero 23 hanggang 25, 2026, sama-samang ginunita ng CMU–Banwang Pangkasaysayan, katuwang ang League of Political Science Students, CMU Legion of Empowered Sociology Students, at ang CMU Office of the Student Regent, ang ika-40 anibersaryo ng EDSA People Power Revolution sa pamamagitan ng serye ng mga gawaing naglalayong muling balikan at buhayin ang diwa ng pagkakaisa, tapang, at paninindigan ng sambayanang Pilipino.

Sa loob ng tatlong araw, inilunsad ang booth at information drive na nagsilbing bukas na espasyo para sa pagkatuto at pagninilay ng komunidad ng pamantasan. Sa bawat pagbisita, pag-uusap, at pagbabahagi ng kaalaman, muling naipaunawa ang historikal na kahalagahan ng People Power at ang patuloy nitong saysay sa kasalukuyang panahon. Isinagawa rin ang open film viewing na nagbigay-daan sa mas malalim na pag-unawa sa mga karanasan at sakripisyong humubog sa makasaysayang tagumpay ng taong-bayan noong 1986.

Bilang bahagi ng paggunita, isinagawa rin ang candle lighting ceremony kung saan nagtipon ang mga kalahok sa isang sandali ng tahimik na pag-alala at kolektibong paninindigan. Sa liwanag ng mga kandila, muling pinagtibay ang alaala ng isang panahong ipinakita ng mamamayan na ang tunay na kapangyarihan ng demokrasya ay nagmumula sa nagkakaisang tinig ng bayan.

Sa paglipas ng apatnapung taon, nananatiling mahalaga ang patuloy na pag-alala sa EDSA, hindi lamang bilang isang pangyayaring historikal, kundi bilang paalala ng responsibilidad ng bawat henerasyon na pangalagaan ang kalayaan at demokrasya.

Taos-pusong pasasalamat sa lahat ng organisasyon at indibidwal na nakiisa sa paggunitang ito. Nawa’y magsilbi itong paanyaya upang patuloy nating isabuhay ang mga aral ng kasaysayan sa ating araw-araw na pagkilos bilang mamamayan.

𝐌𝐚𝐠𝐬𝐚𝐥𝐢𝐤𝐬𝐢𝐤, 𝐌𝐚𝐠𝐬𝐮𝐥𝐚𝐭, 𝐓𝐮𝐦𝐢𝐧𝐝𝐢𝐠, 𝐚𝐭 𝐦𝐚𝐠-𝐢𝐰𝐚𝐧 𝐧𝐠 𝐁𝐀𝐊𝐀𝐒. 👣

Panulat: Kristina Leonora Manuel at Carl Lisondra
Larawan: Kyle Dawadia at Hilary Mondejar

25/02/2026

𝗜𝗞𝗔-𝟰𝟬 𝗔𝗡𝗜𝗕𝗘𝗥𝗦𝗔𝗥𝗬𝗢 𝗡𝗚 𝗘𝗗𝗦𝗔: 𝗔𝗟𝗔𝗔𝗟𝗔, 𝗣𝗔𝗡𝗔𝗡𝗔𝗚𝗨𝗧𝗔𝗡, 𝗣𝗔𝗡𝗜𝗡𝗜𝗡𝗗𝗜𝗚𝗔𝗡

Hindi ito pag-aari ng iilan. Hindi ito tagumpay ng isang tao lamang. Ang 𝐄𝐃𝐒𝐀 ay lakas ng nagkakaisang Masa. Ang 𝐄𝐃𝐒𝐀 ay tagumpay ng sambayanan.

Apatnapung taon na ang lumipas mula nang punuin ng karaniwang Pilipino ang kahabaan ng 𝐄𝐃𝐒𝐀 noong 𝐏𝐞𝐛𝐫𝐞𝐫𝐨 𝟏𝟗𝟖𝟔. Hindi sila armado. Wala silang kapangyarihan sa papel. Ngunit dala nila ang mas malakas na sandata , ang tapang, pagkakaisa, at paninindigan. Sama-sama nilang hinarap ang isang diktadurya na nagkulong ng mahigit 70,000, tumortyur ng 34,000, at pumatay ng 3,200 ayon sa tala ng Amnesty International, at sa mas malawak na diwa, ikinulong din ang buong sambayanan sa takot at pagkakait ng kalayaan. Ang bawat hakbang sa kalsada ay panawagan para sa hustisya; bawat dasal ay paniningil para sa mga pinatahimik.

Ang 𝐄𝐃𝐒𝐀 ay hindi aksidenteng nangyari. Ito ay bunga ng mahabang pagtitiis at kolektibong pagbangon. At ang kalayaang tinatamasa natin ngayon ay bunga ng tapang ng Masa.

Sa ika-40 anibersaryong ito, malinaw ang ating paninindigan: 𝘈𝘯𝘨 𝘗𝘦𝘰𝘱𝘭𝘦 𝘗𝘰𝘸𝘦𝘳 𝘢𝘺 𝘩𝘪𝘯𝘥𝘪 𝘭𝘶𝘮𝘢𝘯𝘨 𝘬𝘶𝘸𝘦𝘯𝘵𝘰 𝘯𝘢 𝘮𝘢𝘢𝘢𝘳𝘪𝘯𝘨 𝘣𝘢𝘭𝘶𝘬𝘵𝘶𝘵𝘪𝘯 𝘰 𝘣𝘶𝘳𝘢𝘩𝘪𝘯. 𝘐𝘵𝘰 𝘢𝘺 𝘱𝘢𝘢𝘭𝘢𝘭𝘢 𝘯𝘢 𝘴𝘢 𝘪𝘴𝘢𝘯𝘨 𝘥𝘦𝘮𝘰𝘬𝘳𝘢𝘴𝘺𝘢, 𝘢𝘯𝘨 𝘵𝘶𝘯𝘢𝘺 𝘯𝘢 𝘬𝘢𝘱𝘢𝘯𝘨𝘺𝘢𝘳𝘪𝘩𝘢𝘯 𝘢𝘺 𝘯𝘢𝘴𝘢 𝘵𝘢𝘶𝘮𝘣𝘢𝘺𝘢𝘯

Bilang bagong henerasyon, tungkulin nating alalahanin ang 𝐄𝐃𝐒𝐀 hindi lamang sa salita kundi sa gawa. Ang paglimot ay hindi neutral; ito ay pagtalikod sa sakripisyo ng mga nauna sa atin. Kung may kawalang-katarungan, tungkulin nating magsalita. Kung may pang-aapi, tungkulin nating manindigan. Sapagkat ang diwa ng 𝐄𝐃𝐒𝐀 ay buhay sa tuwing pinipili nating maging mapanuri, makatarungan, at makabayan.

Ang 𝐄𝐃𝐒𝐀 ay hindi lang alaala ng nakaraan. Ito ay pananagutan ng kasalukuyan.

𝐌𝐚𝐠𝐬𝐚𝐥𝐢𝐤𝐬𝐢𝐤. 𝐌𝐚𝐠𝐬𝐮𝐥𝐚𝐭. 𝐓𝐮𝐦𝐢𝐧𝐝𝐢𝐠. 𝐀𝐭 𝐌𝐚𝐠-𝐢𝐰𝐚𝐧 𝐧𝐠 𝐁𝐀𝐊𝐀𝐒. 👣

PANULAT | Danna Joy Bajan
PUBMAT | Jan Dale Pedralba

24/02/2026

𝗨𝗡𝗜𝗧𝗬 𝗦𝗧𝗔𝗧𝗘𝗠𝗘𝗡𝗧 𝗙𝗢𝗥 𝗧𝗛𝗘 𝟰𝟬𝗧𝗛 𝗔𝗡𝗡𝗜𝗩𝗘𝗥𝗦𝗔𝗥𝗬 𝗢𝗙 𝗘𝗗𝗦𝗔 𝗣𝗘𝗢𝗣𝗟𝗘 𝗣𝗢𝗪𝗘𝗥 𝗥𝗘𝗩𝗢𝗟𝗨𝗧𝗜𝗢𝗡

𝙋𝘼𝙉𝙄𝙉𝙄𝙉𝘿𝙄𝙂𝘼𝙉 𝙉𝙂 𝙎𝘼𝙇𝙄𝙉𝙇𝘼𝙃𝙄
𝙀𝘿𝙎𝘼 𝙨𝙖 𝙄𝙠𝙖-40 𝙏𝙖𝙤𝙣

Ang diwa ng People Power ay hindi alaala; ito ay babala. Babala sa sinumang magtatangkang baluktutin ang kasaysayan. Babala sa sinumang aapak sa karapatan ng mamamayan. Babala na ang kapangyarihan ay hindi pag-aari ng iilan.

Sa ika-40 na taon ng EDSA, malinaw ang paninindigan ng kabataan:
Habang may kawalang-katarungan, may lalaban. Habang may pang-aapi, may titindig. Habang may sistemang hindi makatarungan, may mamamayang kikilos.

Sapagkat sa isang tunay na demokrasya, ang kapangyarihan ay nagmumula at nananatili sa mamamayan; hindi ito kailanman dapat katakutan ng isang pamahalaang tunay na naglilingkod sa tao at bayan.

20/02/2026

📢 𝐀𝐍𝐍𝐎𝐔𝐍𝐂𝐄𝐌𝐄𝐍𝐓

𝐀𝐑𝐀𝐋 𝐁𝐀𝐍𝐘𝐀𝐆𝐀 𝐏𝐎𝐒𝐓𝐏𝐎𝐍𝐄𝐃

Pursuant to Executive Order No. 76, Series of 2026, issued at around 10:25 AM by Jose Joel P. Doromal, Municipal Mayor of Maramag, declaring the suspension of classes and work in the University, the scheduled ARAL BANYAGA is hereby POSTPONED.

📌 𝗡𝗲𝘄 𝗦𝗰𝗵𝗲𝗱𝘂𝗹𝗲:
🗓 𝗠𝗼𝗻𝗱𝗮𝘆, 𝗙𝗲𝗯𝗿𝘂𝗮𝗿𝘆 𝟮𝟯, 𝟮𝟬𝟮𝟲

We encourage everyone to stay safe and updated through official University announcements.

¡𝘔𝘢𝘯𝘵é𝘯𝘨𝘢𝘯𝘴𝘦 𝘴𝘦𝘨𝘶𝘳𝘰𝘴!
(𝘒𝘦𝘦𝘱 𝘴𝘢𝘧𝘦!)

Thank you for your understanding.
Nos vemos. Viva Historia! ✨

𝐌𝐚𝐠𝐬𝐚𝐥𝐢𝐤𝐬𝐢𝐤, 𝐌𝐚𝐠-𝐬𝐮𝐥𝐚𝐭, 𝐓𝐮𝐦𝐢𝐧𝐝𝐢𝐠, 𝐚𝐭 𝐌𝐚𝐠-𝐢𝐰𝐚𝐧 𝐧𝐠 𝐁𝐀𝐊𝐀𝐒! 👣

19/02/2026

Sa panahong laganap ang disimpormasyon, historikal na rebisyonismo, at hamon sa ating mga demokratikong institusyon, mas mahalagang balikan ang EDSA—hindi bilang alamat, kundi bilang buhay na aral. Ang kalayaan ay hindi minana lamang; ito’y patuloy na ipinaglalaban at pinangangalagaan.

Bilang paggunita sa Ika-40 Anibersaryo ng EDSA People Power Revolution, ang CMU Banwang Pangkasaysayanay nag-oorganisa ng mga sumusunod na gawain:

📌 𝗜𝗻𝗳𝗼𝗿𝗺𝗮𝘁𝗶𝗼𝗻 𝗗𝗿𝗶𝘃𝗲
🗓 𝗙𝗲𝗯𝗿𝘂𝗮𝗿𝘆 𝟮𝟬–𝟮𝟰, 𝟮𝟬𝟮𝟲
📍 𝗖𝗔𝗦 𝗘𝘅𝘁𝗲𝗻𝘀𝗶𝗼𝗻 𝗟𝗼𝗯𝗯𝘆

🎬 𝗢𝗽𝗲𝗻 𝗙𝗶𝗹𝗺 𝗩𝗶𝗲𝘄𝗶𝗻𝗴
🗓 𝗙𝗲𝗯𝗿𝘂𝗮𝗿𝘆 𝟮𝟯, 𝟮𝟬𝟮𝟲

Ating alalahanin ang tapang ng sambayanan, ang lakas ng pagkakaisa, at ang kasaysayang isinulat hindi ng iilan—kundi ng bayang nagkaisa. Sapagkat ang EDSA ay hindi lamang alaala ng nakaraan, kundi paalala ng ating pananagutan sa kasalukuyan at sa hinaharap.

Kapag namulat ka na sa katotohanan, kasalanan na ang pumikit.

𝐌𝐚𝐠𝐬𝐚𝐥𝐢𝐤𝐬𝐢𝐤, 𝐌𝐚𝐠-𝐬𝐮𝐥𝐚𝐭, 𝐭𝐮𝐦𝐢𝐧𝐝𝐢𝐠, 𝐚𝐭 𝐦𝐚𝐠 𝐢𝐰𝐚𝐧 𝐧𝐠 𝐁𝐀𝐊𝐀𝐒 👣

19/02/2026

🌙 𝐑𝐚𝐦𝐚𝐝𝐚𝐧 𝐌𝐮𝐛𝐚𝐫𝐚𝐤!

Nakikiisa ang 𝐁𝐚𝐧𝐰𝐚𝐧𝐠 𝐏𝐚𝐧𝐠𝐤𝐚𝐬𝐚𝐲𝐬𝐚𝐲𝐚𝐧 sa ating mga kapatid na Muslim sa pagdiriwang ng 𝐑𝐚𝐦𝐚𝐝𝐚𝐧, isang mahalagang buwan ng pag-aayuno, pagdarasal, at pagninilay.

Nawa’y maging makabuluhan ang panahong ito ng pagpapalalim ng pananampalataya, pagpapalakas ng loob, at pag-alala sa kahalagahan ng malasakit at pagkakaisa. Patuloy tayong magtaguyod ng paggalang at pagkakaunawaan sa ating pamayanan.

𝐌𝐚𝐠𝐬𝐚𝐥𝐢𝐤𝐬𝐢𝐤. 𝐌𝐚𝐠𝐬𝐮𝐥𝐚𝐭. 𝐓𝐮𝐦𝐢𝐧𝐝𝐢𝐠. 𝐀𝐭 𝐌𝐚𝐠-𝐢𝐰𝐚𝐧 𝐧𝐠 𝐁𝐀𝐊𝐀𝐒.

18/02/2026

¡𝙷𝚘𝚕𝚊! ¡𝙱𝚞𝚎𝚗 𝚍í𝚊 𝚊 𝚝𝚘𝚍𝚘𝚜!

To 𝗔𝗟𝗟 𝗛𝗜𝗦𝗧𝗢𝗥𝗬 𝗦𝗧𝗨𝗗𝗘𝗡𝗧𝗦 currently enrolled in (𝐅𝐋 𝟏𝟐) 𝐈𝐧𝐭𝐞𝐠𝐫𝐚𝐭𝐞𝐝 𝐄𝐥𝐞𝐦𝐞𝐧𝐭𝐚𝐫𝐲 𝐒𝐩𝐚𝐧𝐢𝐬𝐡 𝟐 and (𝐅𝐋 𝟏𝟒) 𝐈𝐧𝐭𝐞𝐠𝐫𝐚𝐭𝐞𝐝 𝐄𝐥𝐞𝐦𝐞𝐧𝐭𝐚𝐫𝐲 𝐒𝐩𝐚𝐧𝐢𝐬𝐡 𝟒, please be informed that our 𝗔𝗥𝗔𝗟 𝗕𝗔𝗡𝗬𝗔𝗚𝗔 in preparation for the 𝗠𝗜𝗗𝗧𝗘𝗥𝗠𝗦 exam will be held on 𝗙𝗘𝗕𝗥𝗨𝗔𝗥𝗬 𝟮𝟬, 𝟮𝟬𝟮𝟲.

This tutorial session is designed to strengthen your grammar, vocabulary, and conversational skills in Spanish 🇪🇸🗣️

📍 𝗩𝗘𝗡𝗨𝗘: 𝗖𝗔𝗦 𝗔𝗡𝗡𝗘𝗫 𝗥𝗢𝗢𝗠𝗦
⏰ 𝗧𝗜𝗠𝗘: 𝟮:𝟬𝟬 – 𝟰:𝟬𝟬 𝗣𝗠

Let us review, practice, and prepare together for the midterm examinations. 📝📚

¡𝙽𝚘𝚜 𝚟𝚎𝚖𝚘𝚜 𝚊 𝚝𝚘𝚍𝚘𝚜! 𝚅𝚒𝚟𝚊 𝙷𝚒𝚜𝚝𝚘𝚛𝚒𝚊!

𝐌𝐚𝐠𝐬𝐚𝐥𝐢𝐤𝐬𝐢𝐤. 𝐌𝐚𝐠𝐬𝐮𝐥𝐚𝐭. 𝐓𝐮𝐦𝐢𝐧𝐝𝐢𝐠. 𝐀𝐭 𝐦𝐚𝐠-𝐢𝐰𝐚𝐧 𝐧𝐠 𝐁𝐀𝐊𝐀𝐒.

17/02/2026

🎇🧧𝗚𝗼𝗻𝗴 𝗫𝗶 𝗙𝗮 𝗖𝗮𝗶! 🧧🎇

Malugod na nakikiisa ang 𝐁𝐚𝐧𝐰𝐚𝐧𝐠 𝐏𝐚𝐧𝐠𝐤𝐚𝐬𝐚𝐲𝐬𝐚𝐲𝐚𝐧 sa pagdiriwang ng 𝗖𝗵𝗶𝗻𝗲𝘀𝗲 𝗡𝗲𝘄 𝗬𝗲𝗮𝗿 habang sinasalubong natin ang 𝘠𝘦𝘢𝘳 𝘰𝘧 𝘵𝘩𝘦 𝘏𝘰𝘳𝘴𝘦 — sagisag ng lakas, tiyaga, kalayaan, at walang sawang pagpupunyagi.

Nawa’y magsilbing paalala ang taong ito na patuloy tayong sumulong nang may tapang at determinasyon.

Hangad namin ang masaganang taon na puno ng mabuting kalusugan, tagumpay, at sama-samang pag-unlad. 🏮✨

14/02/2026

❤️🌹 𝗠𝗮𝗹𝗶𝗴𝗮𝘆𝗮𝗻𝗴 𝗔𝗿𝗮𝘄 𝗻𝗴 𝗺𝗴𝗮 𝗣𝘂𝘀𝗼, 𝗺𝗴𝗮 𝗞𝗮-𝗕𝗮𝗻𝘄𝗮! 🌹❤️

Sa lawak ng mga salaysay na hinuhukay at binabasa natin sa kasaysayan, may isang katotohanang laging bumabalik na tila alon sa dalampasigan: 𝘢𝘯𝘨 𝘱𝘢𝘨-𝘪𝘣𝘪𝘨 𝘢𝘯𝘨 𝘯𝘢𝘯𝘢𝘯𝘢𝘵𝘪𝘭𝘪.

May mga liham na isinilang sa kalagitnaan ng digmaan, tinta’y hinahalo sa takot at pananabik. May mga pangakong ibinulong sa huling sandali ng pag-alis, tangan ang pangambang baka hindi na magtagpo ang landas. May mga pusong marunong maghintay sa walang katiyakan, ngunit patuloy na tumitibok ng pag-asa.

Hindi lahat ng pag-ibig ay maingay. Nananahan ito sa paggunita, sa mga pangalang marahang inuusal sa dilim. Ramdam ito sa paghawak ng kamay na ayaw mong bitawan, sa pag-unawang ibinibigay kahit kulang ang paliwanag, sa pagtanggap kahit hindi sapat ang mga salita.

At tulad ng paalala ng kasaysayan: “𝐃𝐚𝐡𝐢𝐥 𝐚𝐧𝐠 𝐩𝐚𝐠-𝐢𝐛𝐢𝐠 𝐚𝐲 𝐦𝐚𝐩𝐚𝐠𝐩𝐚𝐥𝐚𝐲𝐚, 𝐚𝐧𝐠 𝐢𝐛𝐢𝐠𝐢𝐧 𝐤𝐚 𝐚𝐲 𝐩𝐚𝐤𝐢𝐤𝐢𝐛𝐚𝐤𝐚.”

May laya sa pagmamahal sapagkat ito’y pinipili. May pakikibaka sapagkat hindi ito laging madali. Ngunit sa kabila ng lahat, ito pa rin ang nananatili.

Nawa’y maramdaman mong ikaw ay minamahal sa anumang anyo nito. ❤️

PANULAT | Nathalie Lofranco
PUBMAT | Jan Dale Pedralba

CMU - Banwang Pangkasaysayan

08/03/2026

01/03/2026

25/02/2026

24/02/2026

20/02/2026

19/02/2026

19/02/2026

18/02/2026

17/02/2026

14/02/2026

Address

Website

Alerts

Contact The University

Shortcuts

Share

Category