26/04/2025
𝗗𝗜 𝗔𝗞𝗢 𝗞𝗛𝗔 𝗤𝗔𝗕𝗢𝗢𝗟 𝗦𝗔 𝗦𝗔𝗨𝗗𝗜!
𝐀𝐧𝐭𝐨𝐧𝐚𝐚 𝐞 𝐬𝐨𝐰𝐚𝐚𝐧 𝐚𝐤𝐧 ?
𝗠𝗢𝗦𝗔𝗪𝗘𝗥 𝗞𝗢 𝗠𝗢𝗥𝗘𝗧 𝗔 𝗣𝗡𝗔𝗬𝗔𝗪 𝗦𝗔 𝗤𝗔𝗕𝗢𝗢𝗟
💠𝐓𝐀𝐓𝐀𝐑𝐎𝐒 𝐊𝐀𝐃𝐍 𝐌𝐀𝐍𝐆𝐀𝐃𝐈
Kailangan na ipnayaw ngabo ko qabol kana tomataros kadn mangadi odina class. Ka odika makabol na importante na da mailang so oras ka nago myaka sagb kasa ilmo. Knaba pn langon a pka qabol na phaka taros ka adn a pka rn sa Medical.Ayabo kakhatangkd a myakabol kana makaoma kadn sa Saudi.
Myakapasad kasa Kullia odina College. Odina myaka board ka. Odina myaka attend kasa ISAL or QEALIS . Odina mayaka pasad kasa mga vocational courses. Mga ibarat bo. Odina malaka e grado.
💠𝐑𝐄𝐕𝐈𝐄𝐖 𝐀𝐍𝐆𝐀 𝐒𝐎 𝐊𝐀𝐑𝐀𝐓𝐀𝐒 𝐊𝐀 𝐀𝐆𝐎 𝐒𝐎 𝐀𝐏𝐏𝐋𝐈𝐂𝐀𝐓𝐈𝐎𝐍
Khapakay a myakalala a sabap a de kakha qabol o moret na sabap ko kiya pang scan ean na blurred. De clear. De kabatya so mga isosorat ko karatas ean. So ngaran o maka peperma on. Odina ana rebat ko mga karatas ean. Odina ana korang ko mga requirements. Odina myaka kkleda.
💠𝐃𝐔𝐀
قال رسول الله صلى الله عليه وسلم: [لَا يَرُدُّ الْقَضَاءَ إِلَّا الدُّعَاءُ] رواه الطبراني وصححه الألباني
Pitharo o Rasūlullah صلى الله عليه وسلم: Daa phakarn ko okoran a rowar ko Dowaa.
Mga oras a tatarimaanon so Dua'. Nago so mga taw a tatarimaan so pangni eran. Lagedo o mga loks nago so mga g**o
ngka.
▪️Kataya a magaan makatalingoma so ramadhan na pd sa kalbihan o Ramadhan na tatarimaanon so pangni o barapowasa.
Pitharo o Rasolollah (salallaho ‘alaihe wasallam):
Tlo a mga pangni a di maphakandod.
Maana ptharimaandn o Allah.
1- Pangni o Loks ko wata iyan
2- Go Pangni o di-i phowasa
3- Go Pangni o di-i Mlaya-layag.
Ayapn a ipndua' angka na rezkean ka o Allah sa ilmo a pakanggay a gona nago maka pangadi kasa Saudi. Knaba qabol a pangni nka. Gyoto ba , madakl a pka qabol na debo phaka taros. Dapat na sure so pangni nggka.
💠𝐐𝐈𝐘𝐀𝐌 𝐀𝐋𝐋𝐀𝐘𝐋
Kabaya aka a maka singaka odi na somigay a bontalka, makapiya ginawangka, mabnar so mga taginpnka a mga pipiya siiko kawyagoyagka, agu mada so mga aweda aqalka? Pthindgnka so sambayang a sunnat siiko tna-tnaw a kagagawii!
Kapoporibaan kon anan o mga ala i paratiyaya, nada a barka khada o katpngingka, babolabaw igira dika bo thorogn na nggonaingka so oraska, o adna bolawan ko oraska na aya bolawanon naso pkhaosarka siiko simbangka ko Allah a
miyadn rka!!!
💠𝐒𝐀𝐃𝐀𝐐𝐀
Pd sa balas o kasadqa na ikalimo ka o Allah.Pdon pn na khapakay a deka de mipangni o pisadqaan kasa makoa ka mapia.
قال النبي صلى الله عليه وسلم:
[الرَّاحِمونَ يرحَمُهم الرَّحمنُ تبارَك وتعالى؛ ارحَموا مَن في الأرضِ يرحَمْكم مَن في السَّماءِ] أبو داود.
Maana:
So mga lilimo a mga taw, na iphangalingagaw siran o makalimoon a mbabarakat a lbi a mapuro; Pangalimoon niyo so mga taw ko lupa, ka angkano mipangalingagaw o natatago ko langit -so Allah.
💠𝐊𝐀𝐓𝐀𝐑𝐈𝐌𝐀-𝐀 𝐊𝐎 𝐐𝐀𝐃𝐀𝐑
Khapakay a knabangka okor so kapaka pangadi ika sa liyo na kailangan na matarima aka.
So kaparatiyayaangka sa mataan a inisorat o Allah so langon o shai ko dapn kaadna ko langit agoso lopa sa miyaka limapolo gibo ragon.
Antonaa e okit a katarimaa ko Okoran rka o Allah?
Hadith :
قال النبي صلى الله عليه وسلم: وإنْ أَصَابَكَ شيءٌ، فلا تَقُلْ لو أَنِّي فَعَلْتُ كانَ كَذَا وَكَذَا، وَلَكِنْ قُلْ قَدَرُ اللهِ وَما شَاءَ فَعَلَ، فإنَّ لو تَفْتَحُ عَمَلَ الشَّيْطَانِ.
رواه مسلم.
“Na amayko miyasogat rka so shay’e na obangka tharowa: Opama ko manaya e siyowa akn a manaya manaya na manaya mambo a myapagonga niyan , Ogaid na aya tharowangka na : “QADDARALLAH WA MA SHAA FAALA(Ma'na sabo sa kabaya o Allah a masowasowa na aya gii manggolawla). Sabap sa so kapandit na pintoan anan o Iblis." Piyanothol o Muslim.
💠𝐊𝐀𝐒𝐇𝐀𝐁𝐀𝐑
Oman ma reject (rafd) so talab kana orean ean na masabar ka oto sa mapeker ka a gyoto e okor ka na balasan kaon o Allah.
Pitharo o Allah :
" ﺇِﻧَّﻤَﺎ ﻳُﻮَﻓَّﻰ ﺍﻟﺼَّﺎﺑِﺮُﻭﻥَ ﺃَﺟْﺮَﻫُﻢ ﺑِﻐَﻴْﺮِ ﺣِﺴَﺎﺏٍ "
[ ﺳﻮﺭﺓ ﺍﻟﺰﻣﺮ 10 ]
((Ayabo a khitomanon so balas iran na so mga sasabar sa dadn a baon kapamagitong)).
▪️ Alhamdulillah ala kulli hal, so kabaya o Allah na gyuto i di manggolawla, aya mapsipat tano na kashabar go kasuat ko kabaya o Allah.
Khapakay a ibalas rkabo o Allah na makabol ka ogaid na knaba sa gyoto a oras.
Madakl a kiyakabol ean na orean o pepera ragon a denean dee pnayaw.
Ayakodn ipagibarat a ginawa akn. 2018 a apply akn na 2023 a kiya approved akn .
Alhamdulillah thuma Alhamdulillah.
💠𝐃𝐈𝐈𝐊𝐀 𝐁𝐎𝐊𝐋𝐀 𝐌𝐀𝐍𝐀𝐐𝐃𝐄𝐌 𝐏𝐀𝐑𝐎𝐌𝐀𝐍
Dika kadae sa inam . Oman mag open so mga University na ptaqdem kaon taman sa dika makalpas sa 25. Langon a university a pkapakayan kaon na ptaqdem kaon. Khapakay a denga okor sa Saudi na siingka okor sa pd a ingd. Odinga okor sangkoto a Jamiah na siinga okor ko isa a jamiah.
💠𝐀𝐍𝐓𝐀𝐏𝐀𝐍𝐆𝐊𝐀 𝐒𝐎 𝐊𝐀𝐃𝐍𝐀𝐍 𝐊𝐀 𝐒𝐀 𝐌𝐀𝐏𝐈𝐀
Siiko Hadith Qudsie
يقول تعالى:( أَنا عِنْدَ ظَنِّ عبدي بي ).
Sakn a tig o Allah na siiko karangan Rakn o oripn Akn.
Pitharo i Sheikh Al-Qurtobie:
Aya maana na so kikhakarangn iyan sa khatarima so dowaa niyan, go so karangan iyan sa khatarima so tawbat iyan, go so karangan iyan sa pmaapan o Allah igira miyangni sa rela, go so karangan iyan sa mbalasan o Allah siiko kiyapaka nggalbk iyan sa simba, a pd so mga sharat iyan sa aya kakaptan iyan na so kabbnar o iniphasad Iyan.
Khapakay a gyoto a semester odina ragon na dakaon makabol ka derka mapia. Bakaon badn kabinasaan. Opama na derka domadait sangkoto a oras.
Khapakay pman a derka mapia sodn so kapangadi sa liyo ka kabinasaan ka badn.
Pitharo o Allah :
((... وَعَسَىٰٓ أَن تَكۡرَهُواْ شَيۡـٔٗا وَهُوَ خَيۡرٞ لَّكُمۡۖ وَعَسَىٰٓ أَن تُحِبُّواْ شَيۡـٔٗا وَهُوَ شَرّٞ لَّكُمۡۚ وَٱللَّهُ يَعۡلَمُ وَأَنتُمۡ لَا تَعۡلَمُونَ.))
Pd ko Ma'na niyan na :
((Go khasalak a adn a ipkhagowad iyo (a nganin) a aya rkano mapia, go khasalak a adn a pkhababayaan iyo a nganin a aya rkano marata, so Allāh i Matao a skano na da a katawan iyo.))
✍️𝑨𝒌𝒉 𝑯𝒐𝒔𝒏𝒊𝒆 𝑺𝒂𝒊𝒑𝒐𝒅𝒆𝒏
Hosnie Samsodin Saipoden
