01/09/2026
#๐๐ถ๐๐ฎ๐น๐ฎ๐๐ฎ๐ป๐ด๐ฃ๐๐๐ฆ๐ถ๐ | ๐ฃ๐๐น๐ฎ๐ป๐ด ๐ช๐ฎ๐ฟ๐ฎ๐
higugubaon ko nga frencess sara,
y-you knowโฆ i-i c-cannotโฆ
pastilan, ayaw na daw la kita pag-iningles!
hingan waray ko katapos nak degree ha oxford.
pero bisan ano pa nga lenggwahe an gamiton,
waray la gihapon bisan ano nga pulong
nga makakahulagway han aton pagbulag.
frencess,
an imo mga saad ha akon
baga-bagaโn mga bulawan nga gintatawag nga tallano goldโ
maupay la pamation,
nakakasilaw ha mata,
pero ha kataposan,
waray man ngani kamatuoran.
ngan yana,
pasayloa ako kun aton kagugmaon
in baga hin naging ghost project.
may plano, may pondo, may saadโ
pero waray nahimo,
waray nahuman,
waray na liwat makita.
sugad han piattos nga nakasabit ha tindahan ni mary grace,
ginlabog mo la ako ha kataposan
han lumubad ngan humupas
an aton gugma.
ngan nakit-an mo pa ako, frencess,
nga ginhahatag ko an PAKSiw kan mary grace.
ayaw paghunahuna nga may iba ako
kay ha imo la gihap mabalik
an akโ timpla han imo paborito nga PAKSiw.
pero, frencessโฆ
pastilan. na-relapse ak liwat
han imo magtam-is nga pulong:
โi love you, baby emz.โ
hain na?
hain na an imo โi love youโ?
hain na an aton unity?
kay bisan kun nakita mo ako kan mary grace,
bisan kun nakita-an mo ako nga nakikigbahin han paksiw,
an ngatanan ko nga ginbuhat, para ha imo la.
han una, duha kita nga nag-uuyon,
nagkakaurusa,
naguurugpudโbasta la,
ngan nagpapadayon ha usa nga dalan.
pero yana,
an usa aadto ha the hagueโginpapakaon an karton,
an usa aadto ha makatiโnamimirthday,
ngan diri ako maaram
kun an aton problema ba
in kinahanglan na gihap igpa-icc,
o pwede na la naton pag-istoryahan.
bisan an imo mga pagbiyahe, frencess,
waray ko na masabti.
nabiyahe ka nga baga'n nagwo-world tour,
ako naman naghihingyap nga unta,
diri na kinahanglan magbiyahe
an aton relasyon ngadto ha punto
nga waray na makabalik.
ngan kon mahitungod ha confidential funds han imo maluluy-on nga opisina,
confidential liwat an imo gugmaโ
diri ko na makita kun hain,
diri ko na puydi ipakiana,
ngan diri ak maaram kun may iba na ak nga katunga.
pero ha kamatuoran la, frencess,
kahuna ko, PAKSiw an aton paborito.
kahuna ko, PAKSiw an aton love language.
kahuna ko, kun mayda tab-ang ha aton relasyon,
kaya pa naton timplahan.
kahuna ko, kun sobra an aslum,
pwede pa naton dugangan hin asukar.
kahuna ko, kun mapaso,
pwede pa naton pabugnawon.
pero kayano, frencess,
nga yana,
an imo na la nayakanโ
โi cannot comment on that.โ
ano man ini?
an PAKSiw nga waray na rasa?
an gugma nga waray na sabaw?
o kita mismo
an nahimo na nga PAKSiw.
gintimplahan hin saad,
gin-ukay hin away,
ngan yana
ginbaya-an ha kaldero
nga diri na ginbabalik.
ggwp,
baby emz โค๏ธโ๏ธ
๐จ: Christian Ver Labana (The Industrial Wheel) & Eulo Rod Conting (Amaranth)
