02/09/2022
کیا آ پ کی دعائیں قبول نہیں ہوتیں؟
اگر جواب ہاں ہے تو یہ جواب اپنی حقیقت میں غلط ہے، جھوٹ ہے۔ یہ کہنا یا سمجھنا کہ میری دعا قبول نہیں ہوتی، سراسر غیر حقیقی خیال ہے جس پر بہت سے لوگ یقین رکھتے ہیں۔ دعائیں صرف قبول ہوتی ہیں۔ وہ سنی جاتی ہیں ،انہیں نوٹ کیا جاتا ہے، ان کا بدل دیا جاتا ہے۔
ہردعا پر ہر صورت نفع دیا جاتا ہے، اسی لیے کہا جاتا ہے کہ جسے دعا کی توفیق حاصل ہے اسے بہت کچھ حاصل ہے۔ ایسی کوئی دعا نہیں ہوتی جو سنی نہ جائے اور جس کا بدل نہ دیا جائے۔ وہ فوری قبولیت کی شکل میں ہو، اس سے بہتر کی صورت میں، یا پھر آئندہ یعنی مرنے کے بعد انعام کے طور پر۔ ہر دعا انعام ہے۔ یہ انعام حال میں ملے، مستقبل میں ملے یا پھر یوم آخرت میں ملے، پر ملتا ضرور ہے۔ رب نے کہہ دیا کہ میں سنتا ہوں، مجھے پکارو، تو بس وہ سنتا ہےکیونکہ یہ اس کا وصف ہے، اور یہی اس کی شان۔
سمیراحمید
