14/04/2026
باچا خان یونیورسٹی گزشتہ تقریباً ایک ماہ سے بند ہے اور تعلیمی سرگرمیاں آن لائن جاری ہیں۔ بظاہر یہ ایک عارضی حل ہے، مگر حقیقت یہ ہے کہ یونیورسٹی کے بہت سے طلبہ کا تعلق ایسے دور دراز علاقوں سے ہے جہاں انٹرنیٹ کی سہولت نہایت محدود یا ناقص ہے۔ اس صورتحال میں آن لائن کلاسز نہ صرف غیر مؤثر ثابت ہو رہی ہیں بلکہ طلبہ کی بڑی تعداد اس سے مکمل طور پر مستفید ہونے سے بھی قاصر ہے۔
مزید برآں، آن لائن کلاسز میں طلبہ کی دلچسپی نہ ہونے کے برابر رہ گئی ہے، جس کے باعث سیکھنے کا عمل بھی شدید متاثر ہو رہا ہے۔ تعلیمی معیار میں واضح کمی محسوس کی جا رہی ہے، جو طلبہ کے مستقبل کے لیے ایک تشویشناک امر ہے۔
