جامعہ فاروق اعظم فیصل آباد کا مختصر تعارف آپ کے سامنے ہے جس کی ترتیب و تزیین جامعہ کے ناظم اعلیٰ مولانا سید عبد اللہ شاہ بخاری نے فرمائی ہے۔
جامعہ فاروق اعظم فیصل آباد، ایک دینی، تعلیمی و تربیتی ادارہ ہے جس کا مقصد محض رضائے الہی کو سامنے رکھتے ہوئے رجال دین تیار کرنا ہے ۔بہت سے ان لوگوں کے لئے جو جامعہ کے بارے میں جاننا چاہتے ہیں اس مختصر تعارف کے ذریعے جامعہ کے بارے میں مکمل معلومات فراہم کرنے ک
ی سعی کی گئی ہے۔
ہم اپنی کوششوں میں کتنے کامیاب ہیں اور ہماری کوششیں ہمارے مقصد سے کتنی قریب ہیں اس کا تعارف آپ کو اس حقیقت سے باخبر رکھنے میں معاون بھی ثابت ہو گا۔
اللہ رب العزت ہماری ان حقیر کاوشوں کو قبول فرمائے اور ہمیں ہمارے رفقائے کار اور معاونین کو مزید دین کی خدمت کی توفیق عطاء فرمائے آمین۔
جامعہ کا قیام 20شعبان1411ھ بمطابق فروری 1991 میں عمل میں آیا
جس کی سرپرستی شیخ الحدیث حضرت مولانا سلیم اللہ خان مہتمم جامعہ فاروقیہ کراچی اور صدر وفاق المدارس العربیہ پاکستان فرما رہے ہیں یہی وجہ ہے کہ یہ دینی ادارہ اپنے قیام سے لے کر آج تک پوری تابانی اور ضوء فشانی کے ساتھ تشنگان علم کی روحانی اور اخلاقی تعلیم و تربیت کا محور اور مرکز رہا ہے بانی و مہتتم ادارہ شیخ الحدیث حضرت مولانا مفتی سید نذیر احمد شاہ صاحب کی شب و روز محنت اور کاوشوں کے سبب یہ ادارہ فیصل آباد کے مدارس میں ایک منفرد اور اعلیٰ حیثیت رکھتا ہے۔
جامعہ فاروق اعظم فیصل آباد میں واقع ایک دینی ادارہ ہے اس ادارے کے قیام کا مقصد ناصرف اہل فیصل آباد بلکہ دیگر علاقوں سے آنے والے طلبہ کی تعلیم وتربیت کرنا اور ان کے اندر دینی روح پیدا کرنا ہے جامعہ کے مہتمم حضرت مولانا مفتی سید نذیر احمد شاہ بخاری اپنی علمی قابلیت اور تدریسی استعداد کے لحاظ سے نا صرف اندرون ملک بلکہ بیرون ملک ایک منفرد مقام رکھتے ہیں اور آپ کی مخلصانہ کاوشوں کے سبب آج جامعہ ترقی کی منازل بڑی سرعت سے طے کر رہا ہے۔جامعہ سے فارغ التحصیل فضلاء قومی اور بین الاقوامی سطح پر تعلیمی ،تبلیغی و اصلاحی خدمات سر انجام دے رہے ہیں اور جامعہ کے مشن کو بھر پور انداز میں عوام تک پہنچانے کے لئے کوشاں ہیں۔ وہ بیج جس کی بنیاد کئی سال قبل تھی آج ایک قد آور درخت بن چکا ہے جس سے ہزاروں طلبہ مستفیدہو چکے ہیں اور ہو رہے آپ حضرات کی دعائیں شامل حال رہیں تو انشاء اللہ دینی تعلیم و تر بیت کا سلسلہ تاقیامت یونہی چلتا رہے گا اور رجال دین پیدا کرتا رہے گا۔
جیسا کہ عرض کیا چکا ہے جامعہ فاروق اعظم خالصتاً ایک قومی و دینی ادارہ ہے جس کے قیام کا مقصد محض حصول رضائے الٰہی اور اعلاء کلمۃ اللہ ہے اس کے ساتھ ساتھ دینی تعلیم کا فروغ ۔اخلاقی انحطاط کاسد باب ،سلف صالحین کے افکار و مسلک کی حفاظت و منتقلی قدیم و جدید تعلیم کا امتزاج ، امت مسلمہ میں صحیح اسلامی عقائد کی اشاعت کا انتطام، غریب طبقہ کے لئے خصوصاتعلیم کے مواقع فراہم کرنا علوم اسلام کی حفاظت ،عام طبقہ سے جہالت و بدعات کا خاتمہ ،عوام کے اندر دینی تعلیم کا رجحان پیدا کرنا اور قوم و ملک کی ترقی میں بھر پور کردار ادا کرنا و غیرہ جامعہ کے عزائم و مقاصد میں شامل ہے ۔اور ان مقصد کے حتی الوسع حصول کے لئے جامعہ اور جامعہ کے رفقائے کار پورے اخلاص اور للّہیت کے ساتھ شب و روز مصروف عمل ہیں۔
جامعہ کے شعبہ جات :
1
شعبہ تحفیظ القرآن الکریم (ناظرہ , حفظ القرآن , گردان , تجوید )
2
شعبہ کتب (للبنین والبنات) وفاق المدارس کے نصاب کے مطابق درس نظامی کے تمام درجات کی تعلیم
3
شعبہ تخصص فی الفقہ الاسلامی- 1اور 2سالہ کورس کامیاب ہونے والے طلبہ کو باقاعدہ سند دی جاتی ہے
4
معھد اللغۃ العربیہ- یہ ایک نیا انداز تعلیم ہے اور یہ فیصل آباد میں پہلی مرتبہ جامعہ ہذا میں شروع کیا جا رہا ہے اس کا طریق کار مکمل عربی میں ہے
5
شعبہ کمپیوٹر- برائے ریسرچ اور شارٹ کورسز
6
شعبہ خطاطی- باذوق طلبہ کے لئے ہر کلاس میں ایک خطاطی کا گھنٹہ
7
شعبہ فن خطابت- خطابت و تقریر کے اصولوں سے واقفیت
8
شعبہ دنیاوی تعلیم- میٹرک تا ایم اے مکمل تیاری کا اہتمام
9
شعبہ انگلش لینگویج
10
شعبہ تعلیم و تربیت بنات- سلائی کڑھائی ,امور خانہ داری کی تربیت
ھمارا پتہ :
جامعہ فاروق اعظم گلی نمبر 10 رشید آباد جھنگ روڈ فیصل آباد پنجاب پاکستان
فون :
0092 41 2658061
0092 41 2658061
