Jamia Masjid Abubakar Siddique R.A

Jamia Masjid Abubakar Siddique R.A Improve your knowledge about Quran

گزشتہ شام معروف اسلامک اسکالر ڈاکٹر ضیاء الحق صاحب کے ساتھ بہت اچھی نشست رہی۔ بہت کچھ سیکھنے کو ملا ، بہت سے اشکالات دور...
14/04/2026

گزشتہ شام معروف اسلامک اسکالر ڈاکٹر ضیاء الحق صاحب کے ساتھ بہت اچھی نشست رہی۔ بہت کچھ سیکھنے کو ملا ، بہت سے اشکالات دور ہوئے ۔ ایمان کی بیٹری ریچارج ہوئ۔ مقامی علماء کرام بھی تشریف لائے تھے بہت پرمغز گفتگو رہی۔ اللہ تعالیٰ ڈاکٹر صاحب کے علم و عمل میں برکت فرمائے اور ہمیں دین کا داعی بنائے ۔

آمین

27/02/2026

جامع مسجد حضرت ابوبکر صدیق (رض) نزد ریلوے اسٹیشن راہوالی میں قاری حسان صدیقی کی آٹھویں روزے کی نماز تراویح میں امام کعبہ شیخ یاسر الدوسری کی طرز پہ دلنشین تلاوت کی جھلکیاں

اللہ تعالیٰ اس مسجد کو آباد رکھے اور ہمیں قرآن سے جوڑے رکھے۔ آمین

روزانہ لایئو تراویح سننے کے لیے اس لنک پہ کلک کریں

https://youtube.com/?si=FZuVgxMHiK3YLjr2

18/07/2025

اَنِّيْ مَسَّنِيَ الشَّيْطٰنُ بِنُصْبٍ وَّ عَذَابٍ : ’’نُصْبٌ‘‘ تھکاوٹ اور مشقت کو کہتے ہیں اور ’’عَذَابٍ‘‘ شدید بدنی تکلیف کو۔ یعنی مجھے دو قسم کی تکلیف پہنچی ہے، ایک شدید دکھ جو مال و اولاد اور عافیت نہ رہنے کی وجہ سے تھا اور دوسری جسمانی تکلیف جو بیماری کی وجہ سے تھی۔

اس دعا میں ایوب علیہ السلام کا حُسن ادب دیکھیے کہ انھوں نے دکھ اور تکلیف کی نسبت اللہ تعالیٰ کی طرف نہیں کی بلکہ شیطان کی طرف کی ہے۔ حالانکہ رنج ہو یا راحت، برائی ہو یا بھلائی، سب اللہ تعالیٰ کی مشیّت کے تحت ہے اور وہی سب کا خالق ہے، مگر چونکہ اکثر ان کا تعلق کسی قریب یا بعید وجہ سے شیطان کے ساتھ ہوتا ہے، اس لیے اللہ کے مقرّب بندے شر کی نسبت اپنی طرف کرتے ہیں یا شیطان کی طرف، اللہ تعالیٰ کی طرف نہیں کرتے، جیسا کہ ابراہیم علیہ السلام نے مرض کی نسبت اپنی طرف اور شفا کی نسبت اللہ تعالیٰ کی طرف کی، فرمایا : وَاِذَا مَرِضْتُ فَهُوَ يَشْفِيْنِ. (الشعرآء : ۸۰) ’’اور جب میں بیمار ہوتا ہوں تو وہی مجھے شفا دیتا ہے۔‘‘ اور موسیٰ اور خضر علیھما السلام کے قصے میں یوشع بن نون علیہ السلام نے بھلانے کی نسبت شیطان کی طرف کی، فرمایا : وَمَاۤ اَنْسٰىنِيْهُ اِلَّا الشَّيْطٰنُ اَنْ اَذْكُرَهٗ. (الکہف : ۶۳) ’’اور مجھے وہ نہیں بھلائی مگر شیطان نے کہ میں اس کا ذکر کروں۔‘‘ صحیح مسلم میں نماز کے شروع میں پڑھی جانے والی ایک لمبی دعا رسول اللہ صلی اللہ علیہ وسلم سے مروی ہے، جو ’’وَجَّهْتُ وَجْهِيَ لِلَّذِيْ فَطَرَ السَّمٰوَاتِ وَالْأَرْضَ‘‘ سے شروع ہوتی ہے، اس میں یہ الفاظ ہیں : لَبَّيْكَ وَسَعْدَيْكَ وَ الْخَيْرُ كُلُّهُ فِيْ يَدَيْكَ وَالشَّرُّ لَيْسَ إِلَيْكَ. (مسلم، صلاۃ المسافرین، باب الدعاء في صلاۃ اللیل و قیامہ : ۷۷۱، عن علي بن أبي طالب رضی اللہ عنہ) ’’حاضر ہوں اور حاضر ہوں اور خیر ساری تیرے ہاتھ میں ہے اور شر تیری طرف نہیں ہے۔‘‘

ایوب علیہ السلام کی اس دعا میں اور سورۂ انبیاء (۸۳) میں مذکور دعا : اَنِّيْ مَسَّنِيَ الضُّرُّ وَ اَنْتَ اَرْحَمُ الرّٰحِمِيْنَ. (بے شک میں، مجھے بیماری لگ گئی ہے اور تو رحم کرنے والوں میں سب سے زیادہ رحم والا ہے) میں ایوب علیہ السلام کے دعا کے سلیقے کا اظہار ہو رہا ہے کہ انھوں نے صریح لفظوں میں اپنے مقصد کے اظہار کے بجائے اپنی حالتِ زار اور رب تعالیٰ کی مہربانی کا ذکر ایسے لفظوں میں کیا کہ اللہ تعالیٰ نے خود ہی ان پر رحم فرما کر شفا دے دی ۔۔

(تفسیر حافظ عبدالسلام بھٹوی رحمہ اللہ)

18/07/2025

اللہ تعالیٰ کا شیطان کی دعا کو قبول کر لینا اس کے حق میں اکرام و تکریم نہیں، بلکہ یہ تو اللہ تعالیٰ کی طرف سے شیطان اور بندوں کے لیے ابتلاء اور امتحان ہے، تاکہ دشمن میں سے اس کا وہ سچا بندہ الگ ہو جائے جو اس کی اطاعت کرتا ہے۔ بنا بریں اللہ تعالیٰ نے ہمیں شیطان مردود سے بہت ڈرایا ہے اور کھول کھول کر بیان کر دیا ہے کہ اللہ تعالیٰ ہم سے کیا چاہتا ہے ..

(تفسیر السعدی - الحجر : ۳۶ - ۳۸)

27/06/2025

عرش کے اٹھانے والے اور اس کے آس پاس کے (فرشتے) اپنے رب کی تسبیح و حمد ساتھ ساتھ کرتے ہیں اور اس پر ایمان رکھتے ہیں اور ایمان والوں کے لئے استغفار کرتے ہیں، کہتے ہیں کہ اے ہمارے پروردگار ! تو نے ہر چیز کو اپنی بخشش اور علم سے گھیر رکھا ہے، پس تو انہیں بخش دے جو توبہ کریں اور تیری راہ کی پیروی کریں اور تو انہیں دوزخ کے عذاب سے بھی بچا لے۔ اے ہمارے رب ! تو انہیں ہمیشگی والی جنتوں میں لے جا جن کا تو نے ان سے وعدہ کیا ہے اور ان کے باپ دادوں اور بیویوں اور اولاد میں سے (بھی) ان (سب) کو جو نیک عمل ہیں یقیناً تو تُو غالب و باحکمت ہے۔ انہیں برائیوں سے بھی محفوظ رکھ حق تو یہ ہے کہ اس دن تو نے جسے برائیوں سے بچا لیا اس پر تو نے رحمت کر دی اور بہت بڑی کامیابی تو یہی ہے۔

(سورة الْمُؤْمِن : ٧ تا ٩)

ہم اپنے ادارے مدرسہ ابوبکر صدیق رضی اللہ عنہ میں حفظ القرآن کے ساتھ بنیادی عصری تعلیم کا آغاز کر چکے ہیں۔ اس مقصد کے لیے...
21/04/2025

ہم اپنے ادارے مدرسہ ابوبکر صدیق رضی اللہ عنہ میں حفظ القرآن کے ساتھ بنیادی عصری تعلیم کا آغاز کر چکے ہیں۔ اس مقصد کے لیے ہمیں ایک محنتی، دلچسپی رکھنے والے پرائمری لیول ٹیچر کی ضرورت ہے جو بچوں کو آسان اور دلچسپ انداز میں پڑھا سکے۔

اہم خصوصیات:

جز وقتی (Part Time) ملازمت

ماہانہ اعزازیہ دیا جائے گا

باوقار اور دینی ماحول

طلباء کی تعداد محدود

تدریس کا شوق اور دلچسپ انداز کو ترجیح دی جائے گی

اگر آپ اس نیک کام میں ہمارا ساتھ دینا چاہتے ہیں تو آج ہی اپنی سی وی (CV) درج ذیل نمبرز پر واٹس ایپ کریں:

رابطہ نمبرز:
0331-6500465
0333-8218748

14/04/2025

کمزوروں کے لیے گناہ کی بات نہیں، اور نہ مریضوں کے لیے اور نہ ان کے لیے جن کے پاس خرچ کرنے کو کچھ نہیں، اگر وہ اللہ اور اس کے رسول ﷺ کے لیے مخلص اور خیر خواہ ہوں، نیک لوگوں پر الزام لگانے کی کوئی وجہ نہیں اور اللہ بڑا مغفرت کرنے والا نہایت رحم کرنے والا ہے۔¹
اور نہ ان کے لیے کوئی گناہ کی بات ہے جو آپ ﷺ کے پاس آئے تاکہ آپ ان کے لیے سواری کا انتظام کر دیں، تو آپ نے کہا کہ میرے پاس تمہارے لیے کوئی سواری نہیں ہے، تو وہ واپس ہو گئے در آنحالیکہ ان کی آنکھوں سے غم کے مارے آنسو جاری تھے کہ ان کے پاس خرچ کرنے کے لیے مال نہیں ہے۔²
الزام ان لوگوں پر ہے جنہوں نے مالدار ہوتے ہوئے آپ ﷺ سے اجازت چاہی، انہوں نے پیچھے رہنے والی عورتوں کے ساتھ رہنا پسند کیا، اور اللہ نے ان کے دلوں پر مہر لگا دی، پس وہ کچھ نہیں جانتے۔
جب تم لوگ ان کے پاس پہنچو گے تو تمہارے سامنے عذر پیش کریں گے، آپ ﷺ کہیے کہ بہانے نہ بناؤ، ہم تم پر یقین نہیں کریں گے، اللہ نے تمہاری خبریں ہم تک پہنچا دی ہیں، اور آئندہ بھی اللہ اور اس کے رسول ﷺ تمہارے کرتوتوں پر نظر رکھیں گے، پھر تم اس ذات کی طرف لوٹائے جاؤ گے جو غائب و حاضر سب کا جاننے والا ہے تو وہ تمہیں تمہارے اعمال کی خبر دے گا۔

(سورۃ التوبۃ : ۹۱ - ۹۴)

¹۔ اِذَا نَصَحُوْا لِلّٰهِ وَ رَسُوْلِهٖ : یعنی وہ کام نہ کرتے ہوں جس سے اللہ کے دین، رسول کریم ﷺ یا مومنوں کو کوئی نقصان اور ان کے دشمنوں کو فائدہ پہنچ سکتا ہو۔ رسول اللہ ﷺ نے فرمایا : [اَلدِّيْنُ النَّصِيْحَةُ] ’’دین خیر خواہی (خلوص) ہی کا نام ہے۔‘‘ ہم نے کہا : ’’کس کے لیے؟‘‘ فرمایا : ’’اللہ کے لیے، اس کی کتاب کے لیے، اس کے رسول کے لیے، مسلمانوں کے حکام کے لیے اور ان کے تمام لوگوں کے لیے۔‘‘ (مسلم)
عام لوگوں کی خیر خواہی میں یہ چیز بھی شامل ہے کہ جب مجا.ہدین جہا.د پر گئے ہوئے ہوں تو یہ لوگ شہر میں رہیں، ان کے گھروں کی، کاروبار کی اور بال بچوں کی خبر گیری رکھیں، ان کی عزت و آبرو کی ہر طرح سے حفاظت کریں، مجا.ہدین کی ضروریات بھیجتے رہیں، جھوٹی خبریں یا افواہیں نہ پھیلائیں، کسی قسم کا فساد برپا نہ کریں اور مسلمانوں کے حوصلے پست کرنے والوں کا منہ بند کریں۔

²۔ اس آیت پر ان لوگوں کو خلوص کے ساتھ غور کرنا چاہیے جو کہتے ہیں کہ رسول اللہ ﷺ دنیا و آخرت کے خزانوں کے مالک اور مختار کل ہیں۔ یہ حضرات آپ کے اس فرمان کا ترجمہ کیا کریں گے : «لَاۤ اَجِدُ مَاۤ اَحْمِلُكُمْ عَلَيْهِ» ’’میں وہ چیز نہیں پاتا جس پر تمھیں سوار کروں۔‘‘ ان بھائیوں کو اللہ کا خوف کرتے ہوئے رسول اللہ ﷺ کو مالک الملک اور مختار کل کہہ کر اللہ کا شریک بنانے سے توبہ کرنی چاہیے، کیونکہ یہ گناہ اللہ کے ہاں کسی صورت قابل معافی نہیں ہے ..

(تفسیر حافظ عبدالسلام بھٹوی)

01/04/2025

شیطان کا سب سے مضبوط پھندا جس سے وہ اسیروں اور قیدیوں کو مضبوطی سے باندھتا ہے، وہ جہالت ہے۔ درمیانے درجے کا پھندا خواہش نفسانی اور اسکا کمزور ترین حربہ غفلت ہے۔ جب تک ایمان والے پر ایمان کی زرہ رہتی ہے دشمن کا کوئی تیر بھی کارگر نہیں ہوتا بلکہ نشانے پر لگتا ہی نہیں ہے ..

امام ابن جوزی رحمہ اللہ
تلبيس إبليس
باب ٤ : تلبیس اور غرور کے معانی

جامع مسجد ابو بکر صدیقؓ، محلہ سلامت پورہ راہوالی میں نمازِ عید الفطر صبح 7:00 بجے ادا کی جائے گی۔ تمام اہلِ ایمان کو برو...
30/03/2025

جامع مسجد ابو بکر صدیقؓ، محلہ سلامت پورہ راہوالی میں نمازِ عید الفطر صبح 7:00 بجے ادا کی جائے گی۔ تمام اہلِ ایمان کو بروقت شرکت کی دعوت دی جاتی ہے۔

نماز کی امامت اور خطبہ حضرت مولانا محمد اسامہ سیف حفظہ اللہ (خطیب مسجد هذا) ارشاد فرمائیں گے۔ انشاء اللہ

خواتین کے لیے پردے کا خصوصی انتظام کیا گیا ہے۔

سنتِ نبوی ﷺ کے مطابق عید کی نماز سے پہلے کھجور کھانے کا اہتمام کریں اور اس مبارک موقع پر اللہ کی نعمتوں کا شکر ادا کریں۔

انتظامیہ
جامع مسجد و مدرسہ حضرت ابوبکر صدیقؓ،
محلہ سلامت پورہ ، ریلوے روڈ راہوالی

15/03/2025

برادران یوسف کہنے لگے : اگر اس نے چوری کی ہے تو اس سے بیشتر اس کا بھائی بھی چوری کر چکا ہے۔ یوسف نے (ان کے اس الزام کو) دل میں چھپائے رکھا اور ان پر کچھ ظاہر نہ ہونے دیا اور (زیر لب) کہنے لگے : تم بہت ہی برے لوگ ہو۔ یہ جو کچھ تم بیان کر رہے ہو اللہ اسے خوب جانتا ہے۔ (یوسف : ۷۷)

'اس (بنیامین) کا بھائی یوسف بھی چور تھا۔' پس یہ بغض و حسد کی ایک بات تھی اس کا مطلب یہ نہیں سمجھنا چاہیے کہ واقعی کوئی ایسی بات ہوئی بھی تھی، قرآن نے خصوصیت کے ساتھ ان کی یہ بات اس لیے نقل کی کہ واضح ہو جائے، بغض و حسد انسان کو کیسی کیسی غلط بیانیوں کا عادی بنا دیتا ہے۔

(تفسیر مولانا ابوالکلام آزاد)

اتنے اونچے مقام پر ہونے کے باوجود اتنی تلخ تہمت کو دل میں چھپا کر صبر کرنا یوسف علیہ السلام ہی کا حوصلہ ہے ..

(تفسیر حافظ عبدالسلام بھٹوی)

Address

Salamat Pura Rahwali Near Railway Station
Gujranwali
52280

Telephone

+923338218748

Website

Alerts

Be the first to know and let us send you an email when Jamia Masjid Abubakar Siddique R.A posts news and promotions. Your email address will not be used for any other purpose, and you can unsubscribe at any time.

Contact The University

Send a message to Jamia Masjid Abubakar Siddique R.A:

Shortcuts

Share