Media Learning Academy

16/07/2025

27/05/2022

نیوز کاسٹنگ - حصہ 8.
نیوز کاسٹر کے کامیاب چناء کے بعد بھی نیوزکاسٹر کو محنت اور دلچسپی کو جاری رکھنا ہوتا ہے۔
وقت سے پہلے پہنچنا عادت بنا دیں اور یہ ذمیداری کو ظاہر کرتی ہے جس کے باعث ایسے نیوز کاسٹر کو زیادہ موقعہ دیا جاتا ہے۔
اخبارات روزانہ دلچسپی اور توجہ سے پڑھنی چاہیے تاکہ سیاستدانوں ،کھلاڑیوں اور لوگوں کے نام صحیح تلفظ کے ساتھ پڑھنے میں کوئی دشواری نہ ہو۔
ہر روز مختلف ٹی وی چینل پر خبریں دیکھیں تاکہ آپ کو خبروں کے بارے میں اچھی معلومات ہو۔
نیوز اسٹاف، اسٹوڈیو اسٹاف، کیمرہ میں اور پروڈیوسر کے ساتھ اچھا رویہ رکھیں اور سب سے اخلاق کے ساتھ پیش آئیں اور غرور مت کریں۔ خوش اخلاق اور ہنس مکھ لوگ دوسرے لوگوں میں گھل مل جاتے ہیں اور اپنے بارے میں اچھا تاثر پیدا کرنے کی صلاحیت رکھتے ہیں۔ ایسے لوگوں کے راستے میں رکاوٹیں کم اور کامیابیاں زیادہ ہوتی ہیں۔
اپنی عزت اور وقار پر کبھی سمجھوتہ نہ کریں۔ شارٹ کٹ کا راستہ اختیار کرنے والے لوگ وقتی طور پر کامیاب ہوتے ہیں اور پیشورانہ مہارت حاصل کرنا ایسے افراد کے لیئے خاصہ مشکل ہو جاتا ہے۔
اپنی ڈریسنگ اور صحت کے ساتھ اپنا خیال رکھیں۔ روزانہ واک اور ورزش اپنی عادت بنائیں اور نیند پوری کریں تاکہ اسکرین پر آپ اچھے نظر آئیں۔
مزید اگلے آرٹیکل میں پڑھیں
سوال کمینٹ میں پوچھیں اور اپنے رائے سے آگاہ کریں تاکہ یہ پوسٹ زیادہ طالب علموں اور میڈیا سے وابستہ افراد تک پہنچ سکے۔
شکریہ
علی اصغر ارباب
نیوز ایڈیٹر
پاکستان ٹیلی ویژن نیوز کراچی۔

20/05/2022

نیوز کاسٹر کا چناء-حصہ 7
نیوز کاسٹر کو شروعاتی طور وہ خبروں کا بلیٹن دیا جاتا ہے جس کو دیکھنے والے کم ہوتے ہیں تاکہ کسی غلطی کی صورت میں کم سے کم لوگ اسے دیکھ پائیں۔

اب نیوز کاسٹر کو بھرپور محنت کرنی ہوتی ہے کیونکہ ان کی چھوٹی غلطی سے ٹی وی چینل کی نہ صرف کارکردگی متاثر ہوگی بلکہ اس کے خلاف قانونی چارہ جوئی بھی ہو سکتی ہے۔ مثال کے طور کسی کا نام غلط پڑہ لیا یا جگہ کا نام غلط پڑھ لیا یا کوئی فیکٹ غلط پڑہ لی یا کسی لفظ کی صحیح ادائیگی نہ کی تو وہ لفظ گالی بن گیا۔

اس مرحلے کے دوران نیوز کاسٹر کو روزانہ اخبارات پڑھنے چاہیے اور اپنے آپ کو حالات حاضرہ کے بارے میں اپ ڈیٹ رکھنا چاہیے۔

اسٹاف کے ساتھ اچھا رویہ رکھنا چاہیے تاکہ وہ کسی مشکل میں آپ کا مددگار ہو۔

بلیٹن سے دو گھنٹے پہلے پہچنا چاہیے اور ذمیداری کا مظاہرہ کرنا چاہیے۔

بلیٹن کو دو بار پڑھنا چاہیے اور غیر ملکی شخصیات اور کھلاڑیوں کے ناموں کے بارے میں اسٹاف سے معاونت کرنی چاہیے یا گوگل کی مدد حاصل کرنی چاہیے۔

آج کل سوشل میڈیا کا دور ہے جہاں آپ کو بے پناہ لوگ دیکھ رہے ہوتے ہیں۔ آپ کی چھوٹی غلطی نہ صرف نیوزکاسٹر کی بدنامی بلکہ ان کے کیریئر کو خراب کر سکتی ہے۔

سول کمینٹ میں پوچھیں۔ اپنی رائے کے بارے میں آگاہ کریں تاکہ یہ مواد زیادہ سے زیادہ طالب علموں اور پروفیشنل تک پہنچ سکے۔
شکریہ

علی اصغر ارباب
نیوز ایڈیٹر
پاکستان ٹیلی ویژن،
کراچی سینٹر۔

11/05/2022

نیوز کاسٹر کا چناء- حصہ:6
آف ایئر اسٹوڈیو آڈیشن میں کامیابی کے بعد ایک نیوز کاسٹر کا خواب پورا ہونے کے قریب ہوتا ہے۔ اب نیوز کاسٹر کو اگلے اہم مرحلے کے لیئے تیار کیا جاتا ہے جو ہے آن ایئر کا مرحلہ جس کا مطلب ٹی اسکرین پر برائے راست خبریں پڑھنے کا مرحلہ۔
اب نیوز کاسٹر کو ایک مقرر وقت دیا جاتا ہے جب وہ خبریں پڑھیں گی۔ شروعاتی طور پر نئی نیوز کا سٹر کو چھوٹے بلیٹن دیئے جاتے ہیں جو پرائم ٹائم کے نہیں ہوتے ہیں تاکہ کسی غلطی کی صورت میں زیادہ لوگ اسے دیکھ نہ پائیں۔ دوسرا طریقہ یہ ہے ایسے بلیٹن میں نئی نیوز کاسٹر کو متعارف کرایا جاتا ہے جو مزاج میں لوکل نیچر کے بلیٹن ہوتے ہیں جن میں چھوٹے شہروں اور علاقوں کی خبریں ہوتی ہیں۔
تیسرا طریقہ ہے کہ نئی نیوز کاسٹر کو ایک سینئر نیوز کاسٹر کے ساتھ بٹھایا جاتا ہے اور ایسے بلیٹن میں نئی نیوز کاسٹر کو کم سے کم خبریں پڑھنے کے لیئے دی جاتی ہیں۔
اس مرحلے کے لیئے نیوز کاسٹر کو بھرپور انداز سے محنت کرنی ہوتی ہے۔ ڈریسنگ سے لے کر میک اپ اور خبریں پڑھنے تک ہر بات کا خیال رکھنا ہوتا ہے۔
اس مرحلے میں نیوز کاسٹر کو مختلف بلیٹن کے دوران اسٹوڈیوز میں بھیجا جاتا ہے تاکہ وہ برائے راست خبریں دیکھے اور اپنے اندر موجود ہچکچاہٹ دور کر سکے۔
مزید اگلے آرٹیکل میں بتایا جائے گا۔
سوال پوچھیں یا اپنی رائے دیں تاکہ یہ مواد زیادہ سے زیادہ طالب علموں اور پروفیشنل تک پہنچ سکے
شکریہ
علی اصغر ارباب،
نیوز ایڈیٹر،
پاکستان ٹیلی ویژن نیوز ، کراچی

10/05/2022

نیوز کاسٹر کا چناء- حصہ پانچ۔
نیوز کاسٹر کا آخری آف ایئر خبریں پڑھنے کا مرحلہ انتہائی اہم ہوتا ہے اور اس مرحلے میں وہ ہی نیوز کاسٹر کامیاب ہو سکتا ہے جس میں محنت، صبر، دلچسپی اور لگن کا جذبہ عیاں ہو۔
اس مرحلے کے دوران نیوز کاسٹر اسٹوڈیو میں خبریں پڑھتا ہے اور اس مقصد کے لیئے ایک خصوصی بلیٹن تیار کیا جاتا ہے۔
اس مرحلے پر مکمل آف ایئر بلیٹن نیوز کاسٹر پڑھتا ہے جس کے دوران ہر خبر وڈیو کے ساتھ ہوتی ہے جسے وڈیو کے تسلسل سے پڑھنا لازمی ہوتا ہے۔ مثال کی طور خبر میں ایواڈ دیئے جارہے ہوں تو وہ وڈیو میں بھی نظر آئے۔
اس مرحلے میں نیوز کاسٹر کی خوداعتمادی اور حاضری دماغی کو جانچا جاتا ہے۔ نیوز کاسٹر کے تلفظ ، خبر کی نوعیت اور وڈیو کے ساتھ خبر پڑھنے کی قابلیت کو دیکھا جاتا ہے۔ اس مرحلے پر غلطی کی کوئی گنجائش نہیں ہوتی۔ ایک نیوز کاسٹر شاندار کارکردگی کا مظاہرہ اس وقت کر سکتا ہے جب اس نے خبروں کو پڑھنے کی مشق بھرپور انداز اور دلچسپی سے کی ہوگی۔
یہ خبریں رکارڈ کی جاتی ہے جسے ایک خاص کمیٹی دیکھتی ہے اور اپنے رائے سے آگاہ کرتی ہے۔ اس مرحلے پر پہچنے والے نیوز کاسٹر زیادہ تر کامیاب ہو جاتے ہیں اور صرف وہ ہی نیوزکاسٹر رہ جاتے ہیں جو طبی لحاظ سے خوداعتمادی برقرار نہیں رکھ پاتے۔
اس مرحلے میں کامیاب ہونے والے نیوز کاسٹر کو آن ایئر خبروں کے مرحلے کے لیئے تیار کیا جاتا ہے جس کے بارے میں اگلے آرٹیکل میں بتایا جائے گا۔ آپ کمینٹ سیکشن میں سوال کریں یا اپنی رائے سے آگاہ کریں تاکہ یہ مواد زیادہ سے زیادہ میڈیا کے طالب علموں اور پروفیشنل تک پہنچ سکے۔
شکریہ
علی اصغر ارباب،
نیوز ایڈیٹر،
پی ٹی وی نیوز، کراچی۔

09/05/2022

نیوز کاسٹر کا چناؤ: حصہ 4
اسٹوڈیو آڈیشن میں اچھی کارکردگی کا مظاہرہ کرنے والے نیوز کاسٹر کو اگلے مرحلے کے لیئے چنا جاتا ہے۔
اسٹوڈیو آڈیشن میں کامیاب امیدوار کو مزید کچھ روز کے لیئے تربیت دی جاتی ہے کیونکہ اگلا اہم مرحلہ ہوتا ہے نیوزکاسٹر کو آف ایئر اپنی صلاحیتوں کا مظاہرہ کرنا ہوتاہے ۔ اس مرحلے پر نیوزکاسٹر کی بھرپور تیاری کرائی جاتی ہے کیونکہ اس مرحلے پر غلطی کی گنجائش نہ ہونے کے برابر ہوتی ہے۔
نیوز کاسٹر مختلف نیوز بلیٹن کے دوران اسٹوڈیو بھیجا جاتا ہے تاکہ وہ خبروں کی نشریات کے بارے میں معلومات حاصل کر سکے۔
وہ اسٹوڈیو میں خبروں کا مشاہدہ کرتا ہے اور خبروں کے بعد نیوز کاسٹر اور پروڈیوسر کی رہنمائی حاصل کر سکتا ہے۔
خبروں کو وڈیو کے ساتھ بڑھنے کی مشق دکھائی جاتی ہے جو خبروں سے پہلے ہوتی ہے تاکہ نیوز کاسٹر ویڈیو کے ساتھ خبروں کو اس ترتیب سے پڑھے کہ وہ آواز اور وڈیو ایک ساتھ چلے۔ مثال کے طور اگر نیوز کاسٹر تقریب یا جلسے کی خبر پڑھتے ہوئے جس مقرر کا نام لے تو اسی وقت وڈیو میں وہ ہی شخص نظر آئے۔ اس مرحلے کے دوران نیوز کاسٹر کو خاصی محنت اور دلچسپی کا مظاہرہ کرنا ہوتا ہے۔
نیوز کاسٹر کو خبروں کی تیاری سے لے کر ایڈیٹنگ اور خبروں کی نشریات تک تمام پہلو کے باری میں مکمل معلومات دی جاتی ہے تاکہ وہ خبروں کے بڑھنے کے دوران خوداعتمادی اور حاضری دماغی کا مظاہرہ کر سکے۔

مزید اگلے آرٹیکل میں بتایا جائے گا۔ کوئی سوال پوچھے یا کمینٹ سیکشن میں اپنے رائے کے بارے میں آگاہ کریں تاکہ یہ مواد زیادہ لوگوں تک پہنچے اور زیادہ لوگ اس سے فائدہ حاصل کر سکیں۔

علی اصغر ارباب
نیوز ایڈیٹر
پی ٹی وی نیوز ، کراچی۔

30/04/2022

نیوز کاسٹر کا چناؤ: حصہ-4
15- جب نیوز کا سٹر اسٹو ڈیو آڈیشن کا مرحلہ کامیابی سے مکمل کرتا ہے تو اسے مزید دو ہفتوں تک نشر ہونے والے بلیٹن سے چند گھنٹے پہلے بلایا جاتا ہے اور ان کا نیوز روم کے عملے سے تعارف کرایا جاتا ہے۔
16- اس وقت کے دوران وہ نہ صرف ایک دن پہلے نشر ہونے والی خبروں کو پڑھنے کی مشق کرتا ہے جس کی متعلقہ پروڈیوسر نگرانی کرتا ہے۔
17- خبریں پڑھنے کی مشق کے ساتھ اب انہیں نیوز نشر ہونے کے دوران نیوز کاسٹر کے ساتھ اسٹوڈیو میں بھیجا جاتا ہے اس تاکید کے ساتھ کہ وہ خاموش رہے گا اور اپنا موبائیل فون بند رکھے گا۔
18- اسٹوڈیو میں جانے کی مشق کے دوران وہ نشر ہونے والی خبروں کو دیکھے گا اور نیوز کاسٹر کے لہجے، تلفظ اور خبریں پڑھنے کا مشاہدہ کرےگا۔
19- نیوز روم میں وہ بلیٹن کی تیاری کا مشاہدہ کرتا رہے گا۔ اس عمل کے دوران نیوز روم کا عملہ ان کی مدد اور معاونت کرتا رہے گا۔
20- اس مرحلے کے دوران وہ نیوز روم کے ماحول کو سمجھنے اور دفتر کے آداب بھی سیکھے گا۔

مزید آپ کو اگلے آرٹیکل میں بتایا جائے گا۔
کمینٹ میں اپنی رائے اظہار کرنے کے ساتھ اور سوال بھی پوچھ سکتے ہیں

علی اصغر ارباب،
نیوز ایڈیٹر،
پاکستان ٹیلی ویژن نیوز، کراچی۔

29/04/2022

نیوز کاسٹر کا چناء- حصہ 3.
10- نیوز کاسٹر کی سلیکشن میں اسٹوڈیو آڈیشن اہم مرحلہ ہوتا ہے جہاں ایک ٹیلنٹ کو اپنی تمام صلاحیتوں کا مظاہرہ کرنا ہو تاہے ۔
11- نیوز کاسٹر کو فارمل ڈریس کے ساتھ مقرر دن کو اسٹوڈیو آڈیشن کے لیئے بلایا جاتا ہے۔ ایک نیا بلیٹن دے کر ان کو پڑھنے کی مشق کا کہا جاتاہے۔
12- نیوز کاسٹر کو میک اپ کے لیئے میک روم بھیجا جاتا ہے۔ میک اپ اسٹوڈیو کی اہم ضرورت ہے جس سے نہ صرف نیوز کاسٹر اچھا لگتا ہے بلکہ اسٹوڈیو کی تیز لائٹس سے چہرے چمکتا نہیں ہیں کیونکہ چہرے پر پڑنے والی تیز روشنی میک اپ کی وجہ سے رفلیکٹ نہیں ہوتی۔ اسٹوڈیو میک کی بارے میں مکمل معلومات اگلے آرٹیکل میں دی جائے گی۔
13- اسٹوڈیو آڈیشن میں غلطی کی گنجائش کم ہوتی ہے۔ اس آڈیشن میں نیوز کاسٹر کی خود اعتمادی اور پڑھنے کا لہجا اور تلفظ کو جانچا جاتا ہے۔ جو نیوز کاسٹر خبریں خوداعتمادی سے اچھے لہجے اور تلفظ کے ساتھ پڑھیں گے ان کو اگلے مرحلے کے لیئے چنا جائے گا۔ اس مرحلے پر معیار پر پورا نہ اترنے والے ٹیلنٹ کو اگلے مرحلے کے لیئے نہیں بلایا جائے گا۔
14- اسٹوڈیو آڈیشن پروڈیوسر کی زمیداری ہے جو اسے دیکھ کر حتمی فیصلے کے لیئے نیوز ایڈیٹر کو آگاہ کرتا ہے۔ نیوز ایڈیٹر مصروفیت کے باعث رکارڈ ہونے والا آڈیشن دیکھتا ہے اور اپنی رائے دیتا ہے۔ پروڈیوسر اس ٹیلنٹ کا آڈیشن نیوز ایڈیٹر کو دکھاتا ہے جس امیدوار کی کارکردگی سے وہ خود کچھ حد تک متعین ہوتا ہے۔

مزید آپ کو اگلے آرٹیکل میں بتایا جائے گا۔

علی اصغر ارباب
نیوز ایڈیٹر،
پاکستان ٹیلی ویژن نیوز، کراچی۔

28/04/2022

نیوز کاسٹر کی سلیکشن - حصہ دوئم

5-آڈیشن کے مرحلے میں سلیکٹ ہونے والے نیوز کاسٹرز کو اگلے مرحلے کے لیئے تیار کیا جاتا ہے۔ شروعاتی آڈیشن اسٹوڈیو میں نہیں بلکہ نیوز روم میں لیا جاتا ہے۔ اسٹوڈیو آڈیشن آخری مرحلہ ہوتا ہے جو سب سے مشکل ہوتا ہے۔ اس مرحلے کے لیئے نیوز کاسٹر کو ہر روز نیوز روم میں بلایا جاتا ہے اور خبریں پڑھنے کی مشق کرائی جاتی ہے۔
6- نیوز روم میں پروڈیوسر مکمل رہنمائی کرتے ہیں جن میں تلفظ کی صحیح ادائیگی، چہرے کے تاثرات، پڑھنے کا انداز، خود اعتمادی اور دیگر پہلوں سمجھائے جاتے ہیں۔ ایک سے دو ہفتے تک یہ تربیت جاری رہتی ہے۔
7-اس تربیت کے دوران چنے گئے نیوز کاسٹر کی دلچسپی کا بھی اندازہ ہو جاتا ہے اور اس کی شخصیت کو پرکھنے اور دوسرے اسٹاف کے ساتھ رویے کا بھی پتہ چلتا ہے جس کا مقصد نیوز کاسٹر کے ٹیم اسپرٹ کو جانچنا ہوتا ہے۔
8- اس مرحلے پر میک اپ کے بارے میں بھی آگاہ کیا جاتا ہے اور میک روم کے ساتھ میک اپ اسٹاف سے ملایا جاتا ہے۔
9-جب نیوز پروڈیوسر اور نیوز ایڈیٹر آخری اور اسٹوڈیو آڈیشن کے لیئے اپنی اطمینانِ بخش رائے دیتے ہیں تو ایسے نیوز کاسٹر کو اسٹوڈیو آڈیشن کے لیئے مقرر وقت پر بلایا جاتا ہے۔

مزید اگلے آرٹیکل میں۔
کوئی سوال ہو تو کمینٹ سیکشن میں پوچھ سکتے ہیں۔
علی اصغر ارباب،
نیوز ایڈیٹر،
پی ٹی وی نیوز کراچی۔

27/04/2022

نیوز کاسٹر کی سلیکشن کے لیئے چند اصول۔

1- ہر ٹیلی ویژن نیوز چینل سارا سال نیوز کاسٹر اور ٹیلنٹ کی تلاش میں رہتا ہے تاکہ کسی نیوز کاسٹر کے جانے سے خبروں کی نشریات متاثر نہ ہو۔ ہر روز ٹیلی ویژن کے پروڈیوسر نئے ٹیلنٹ کی تلاش جاری رکھتے ہیں جو ان کے فرائض میں بھی شامل ہوتا ہے۔ نیوز کاسٹر کی سلیکشن کے دوران سب سے پہلے اسے ٹیلی ویژن پر بلایا جاتا ہے۔ نیوز پروڈیوسر اور نیوز ایڈیٹر ان کا کیمرہ کے بغیر نیوز کا بلیٹن دے کر اسے پڑھنے کا کہتے ہیں۔ اس مرحلے میں ان کی اردو پڑھنے کا لہجہ اور تلفظ اور پڑھنے کے انداز سے پرکھنے کی کوشش کرتے ہیں۔ جن کی اردو صاف، تلفظ کی ادائیگی بہتر اور پڑھنے کا لہجہ مناسب ہوتا ہے اسے اگلے مرحلے کی طرف لایا جاتا ہے
اس مرحلے میں نیوز کاسٹر کی شخصیت کو جانچا جاتا ہے جیسے ان کے دانت منہ سے باہر نہیں نکلنے چاہیے۔ وہ صحتمند ہو۔ اگر معذوری لاحق ہے تو وہ ٹی وی اسکرین پر نظر نہیں آنی چاہیے جیسے وہ صرف چلنے سے معذور ہے مگر وہ پر اثر شخصیت کے ساتھ بہتر تلفظ کے ساتھ اردو پڑھنے کی صلاحیت رکھتا ہے تو ایسے افراد کو نیوز کاسٹر کے لیئے اہل سمجھا جاتا ہے۔
2- ان مراحل سے گذر جانے والا شخص نیوز آڈیشن کے لیئے چنا جاتا ہے۔ آڈیشن سے پہلے اسے چند روز خبریں پڑھنے کے ساتھ پڑھنے کے انداز کے بارے میں بنیادی تربیت دی جاتی ہے تاکہ وہ وہ آڈیشن کے دوران اپنی صلاحیتوں کا مظاہرہ کر سکے۔ اسے ایک ہفتہ پڑھنے کی مشق کے لیئے وقت دیا جاتا ہے
3- آڈیشن کے دوران اسکرین بیوٹی، خوداعتمادی، پڑھنے کا انداز اور اردو زبان کو جانچا جاتاہے۔ کچھ لوگ سامنے خوبصورت ہوتے ہیں مگر اسکرین پر ان کی شخصیت متاثر کن نظر نہیں آتی وہ اگلے مرحلے کے لیئے کوالیفائی نہیں کرتے۔ خبریں پڑھنے کے دوران جن کا لہجہ اور تلفظ اچھا ہوتا ہے اور اسکرین پر ان کی شخصیت پر اثر نظر آتی ہے وہ اگلے مرحلے کے لیئے کوالیفائی کرتے ہیں۔ خوبصورتی نیوز کاسٹر کے لیئے اہم شرط نہیں ہے۔

مزید اگلے بار پڑھیے۔
کوئی سوال ہو تو کمینٹ میں پوچھ سکتے۔ ہیں۔
علی اصغر ارباب
نیوز ایڈیٹر
پی ٹی وی نیوز کراچی۔

26/04/2022

حصہ -3
نیوز کاسٹر بننے کے لیئے کن چیزوں کا خیال رکھنا چاہیے۔

1-نیوز کاسٹر کے لیئے ضروری ہے کہ وہ اچھی شخصیت کے مالک ہو۔ شخصیت کے لیئے اچھی ڈریسنگ کرنی چاہیے۔
2- نیوز بلیٹن کے وقت سے پہلے پہنچے اور نیوز روم میں اپنی موجودگی آدھا گھنٹہ پہلے یقینی بنائیں تاکہ آپ ایک سے دو بار بلیٹن پڑھ لیں جس سے خبروں کے دوران غلطی کا امکان کافی حد تک دور ہو جاتا ہے۔
3-اگر کسی لفظ کی ادائیگی میں دشواری محسوس کریں اور تلفظ کا پتہ نہ ہو تو نیوز ایڈیٹر، نیوز پروڈیوسر یا نیوز روم میں موجود کسی اسٹاف میمبر سے پوچھ لیں۔
4- میک اپ ٹیلی ویژن کی اسکرین کی ضرورت ہے جس سے آپ اسکرین پر خوبصورت نظر آتے ہیں۔ وقت سے پہلے پہنچ کر میک اپ کروائیں۔ لڑکیوں کے میک اپ میں کافی وقت لگتا ہے اس لیئے ان کو وقت سے ایک گھنٹہ پہلے پہنچنا چاہیے۔
5۔ سفید لباس نہ پہنے کیونکہ سفید باس لائیٹ لگنے سے رفلیکٹ ہوتا ہے جس سے گورا نیوز کاسٹر کالا نظر آئے گا۔
6-کمزور نظر والے مرد نیوز کاسٹر وہ چشما استعمال کریں جو اینٹی رفلیکٹ ہو جبکہ لڑکیاں لینس کا استعمال کریں۔
7- خبروں کی نمبرنگ کو اوپر نیچے نہ کریں ورنہ خبروں کی تربیت بدل جائے گی۔
8- پرامپٹر پر خبریں پڑھنے کے دوران پیپر بھی خبروں کے ساتھ تبدیل کرتے جائیں تاکہ پرامپٹر کی خرابی کے دوران آپ ھارڈ کاپی سے پڑھ کر خبروں کو جاری رکھ سکیں۔
9- خبروں کے دوران پروڈیوسر کی ہدایات پر سختی سے عمل کریں
10-خبریں ختم ہونے کے بعد چند سیکنڈ رکیں جب تک سامنے ٹی وی پر خبروں کا اختتام نظر نہ آئے۔
مین نے اپنے تجربے سے چند معلومات شیئر کی ہے۔ امید کرتا ہوں یہ معلومات پروفیشنلز اور میڈیا کے طلبا کی رہنمائی کرے گی۔ سوال ہو تو کمینٹ میں پوچھ سکتے ہیں۔

علی اصغر ارباب،
نیوز ایڈیٹر،
پی ٹی وی نیوز، کراچی۔