19/01/2021
اہم ضرورت
دو چار مرتبہ ایسا ہوا کہ مریضوں کیلئے آکسیجن کی ضرورت پڑ گئی اور کہیں سے سلینڈر دستیاب نہیں ہو رہا تھا ۔ مجبورا خریدنے پڑے ۔ ہوتا یہ ہے کہ بعض رفاہی ادارے سلینڈر دینے کیلئے رکھتے ہیں ۔ لوگ لے جاتے ہیں اور ضرورت پوری ہونے پر سلینڈر واپس کر دیتے ہیں ۔ مشکل یہ آن پڑی ہے کہ ایسے رفاہی ادارے دو یا تین ہوں گے مگر مریضوں کی تعداد بہت بڑھ گئی ہے ۔ جب ان رفاہی اداروں سے رجوع کریں تو جواب ملتا ہے کہ سلینڈر سب جا چکے ہیں ۔ ہر مریض سلینڈر خریدنے کی سکت نہیں رکھتا ۔
ایسے میں ہم نے اپنی بساط کے مطابق 6 آکسیجن سلینڈر سے یہ سوچ کر کام کی ابتداء کی کہ ہمیں کون جانتا ہے ۔ 6 سلینڈر کافی عرصے چل جائیں گے مگر دو ہی دن میں ختم ہو گئے ۔ ۔ ۔ اس کے بعد مجبورا ہم نے سلینڈرز خریداری مہم شروع کر دی ہے ۔
ایک قسم کے سلینڈر مٹکے کہلاتے ہیں وہ 24 ہزار کا ایک ہے ۔ اس سے چھوٹے سلینڈر بھرے جاتے ہیں ۔ دوسری قسم وہ چھوٹے سلینڈر ہیں جو مریض لے کر جاتے ہیں وہ فلومیٹر کٹ سمیت 13000 کا ہے ۔
آپ تمام دوستوں سے گزارش ہے کہ یہ کام فی سبیل اللہ ہے ۔ مریضوں سے سوائے ڈپازٹ کے کچھ نہیں لیا جاتا ۔ یہ صدقہ جاریہ ہے ۔ آپ حضرات آگے بڑھیں اور ہمیں کم از کم ایک ایک سلینڈر عطیہ کر دیں ۔ والسلام
