14/02/2026
چانڊڪا ميڊيڪل ڪاليج جي شعبي ڊاڪٽر آف فزيوٿراپي جي سوين شاگردن جي وظيفي مان گھوٻيون لڳڻ جو انڪشاف !!! شعبي سان سلھاڙيل ڪيترن ئي شاگردن پنهنجو نالو ڳجهه ۾ رکندي ٻڌايو آهي ته چانڊڪا ميڊيڪل ڪاليج ۾ ڊاڪٽر آف فزيوٿراپي پنج سالن جي تعليم مڪمل ڪرڻ بعد هڪ سال جي هائوس جاب لازمي ھوندي آهي، جيڪا يونيورسٽي طرفان باقاعده طور تي پگهار سان (Paid) هجڻ گهرجي. اھا ڳالهه هائر ايجوڪيشن ڪميشن (HEC) پاڪستان جي منظور شده نصاب ۾ به واضح لکيل آهي ته لاڳاپيل اداري جي ذميواري آهي ته هو پنهنجي شاگردن کي هائوس جاب دوران مقرر ماهوار وظيفو ادا ڪري. پر افسوس سان چوڻو پوي ٿو ته ڪيترن ئي سالن کان ايندڙ وظيفو چانڊڪا ميڊيڪل ڪاليج جي وي سي نصرت شاھ صاحبه ۽ ڊاڪٽر آف فزيوٿراپي ڊپارٽمينٽ جي انچارج ڊائريڪٽر مڪيش ڪمار جي ڪرپشن جي ور چڙھي رھيو آهي جڏهن ته شاگردن پاران پڇا ڪرڻ تي ڪو به ريسپانس نٿو ڏنو وڃي جنهن سبب شاگرد ذهني پريشاني جو شڪار پڻ ٿي رھيا آهن، جنهن سان سندن مستقبل متاثر ٿي رهيو آهي, شاگردن وڌيڪ چيو ته هائوس جاب دوران ھر شاگرد کي پگهار ڏيڻ يونيورسٽي جي قانوني ۽ اخلاقي ذميواري آهي جيڪا پوري ڪرڻ بدران وي سي نصرت شاهه ۽ ڊپارٽمينٽ انچارج مڪيش ڪمار کيسن ۾ وڃي رھي آهي, جيڪو عمل شاگردن جي حقن تي ڌاڙو آهي شاگردن اين ٽي ڪرپشن, نيب ۽ ٻين قانون لاڳو ڪندڙ ادارن کان مطالبو ڪندي چيو ته اھڙن راشي ۽ ڪرپٽ عملدارن خلاف ڦوري طور قانوني ڪاروائي ڪري شعبي سان سلھاڙيل شاگردن کي نه ملندڙ پگھار جون ادائيگيون ڪيون وڃن, مستقل طور تي پگھار ڏني وڃي.
