16/10/2025
گزشتہ سال شعبۂ جغرافیہ گورنمنٹ پوسٹ گریجویٹ کالج نوشہرہ کے طلبہ نے ملاکنڈ پاس اور سپین بابا شہید کے مقام کا مطالعاتی دورہ کیا۔ ملاکنڈ سرنگ، جو برطانوی دورِ حکومت میں 1910 سے 1914 کے درمیان تعمیر کی گئی، انجینئرنگ کا ایک تاریخی شاہکار ہے یہ مقام نہ صرف جغرافیائی لحاظ سے اہم ہے بلکہ تاریخی طور پر بھی بڑی قدر رکھتا ہے۔ سپین بابا شہید، جنہوں نے انگریز افواج کے خلاف بہادری سے لڑتے ہوئے جان کی قربانی دی، آج بھی مقامی لوگوں کے دلوں میں ایمان، استقلال اور قربانی کی علامت سمجھے جاتے ہیں۔ ایسے مطالعاتی دورے طلبہ کو اپنی سرزمین کی تاریخ، جغرافیہ اور ثقافت سے گہرا تعلق جوڑنے کا موقع فراہم کرتے ہیں۔
