21/09/2025
پاکستان میں اگر سب سے زیادہ ظلم کسی طبقے پر ہوا ہے تو وہ ہیں کمیونٹی سکول کے اساتذہ۔
یہ وہ لوگ ہیں جو گزشتہ چوبیس، پچیس سالوں سے تعلیم کی خدمت کر رہے ہیں۔
حکومتیں بدلتی رہیں، وعدے بدلتے رہے، اور ان اسکولوں کے نام بھی بار بار بدلے جاتے رہے — لیکن ان اساتذہ کے حالات کبھی نہیں بدلے۔
گورنمنٹ اسکولوں کا حال سب کے سامنے ہے… لیکن اس کے باوجود یہ کمیونٹی اسکول اساتذہ اپنی محنت، جذبے اور خلوص سے تعلیم کی شمع جلائے رکھے ہوئے ہیں۔
افسوس! ان کی تنخواہیں مہینوں نہیں بلکہ سالوں بعد ادا کی جاتی ہیں — وہ بھی صرف بیس سے بائیس ہزار روپے۔ آج کے مہنگائی کے دور میں یہ رقم کچھ بھی نہیں۔
سوال یہ ہے کہ آخر ان کے ساتھ ایسا سلوک کیوں کیا جا رہا ہے؟
یہ اساتذہ پاکستان کے مستقبل کو تعلیم دے رہے ہیں، لیکن ان کا اپنا مستقبل غیر یقینی اور محرومیوں سے بھرا ہوا ہے۔
ہم مطالبہ کرتے ہیں:
1️⃣ کمیونٹی اسکول کے اساتذہ کو مستقل کیا جائے۔
2️⃣ ان کی تنخواہیں وقت پر اور باعزت طریقے سے ادا کی جائیں۔
3️⃣ تعلیم کے اس اصل ستون کو مزید نظرانداز نہ کیا جائے۔
📢 خدارا! کمیونٹی اسکول کے ان استادوں پر ظلم بند کیا جائے۔
یہی وہ لوگ ہیں جو واقعی پاکستان کا مستقبل روشن کر رہے ہیں۔
